Yaya 13:5 - Ala Wone Peenok Peebi Mbanak

⁵ Nggerembunuk, yi togolowak kole me toolak nogo togolowak mbuuluk me kilirogo wuppege nagagerik, at oone waganggwi mendek iniyok koorinake, ti'nuk, ngguu'mo yum obate paga nggerenak nogo paga woloninake, eerit nagagerak.

Yaya 13:5 ပူးပေါင်းရင်းမြစ်များ

Wakkagagerak 18:4

Ata, kit eyo alome yime tat yonggonggolaamunggup nduk, kiniyok kooriyak niyo ambi tookkira nawi o.

Wakkagagerak 19:2

Keyage wappiige nagagerik, yorage logonet, “Nogobamini o. An kinayeloman name ninom unggunuk, kiniyok koorogo punuk, ninom nogo yogo logomonggoorik, ko'lu kuup kineenik a'nuk, noorak mbako'nom aret nabagip o.” Yorage mbareegi, it nen at yogo logonet, “Lek o. Nit oore'nggam endekem ya'i aret nogo yuwi o.”

Wakkagagerak 43:24

Ti'nuk, aap Yutup ame arum menggerak nogo nen wogoren Yutup ame unggwi nage nagagerik, iniyok kooruwak nduk niyo toologo wogorage, inaanggumi keledai nogo inambi wogorage, eereegerak.

2 Endagembogut 3:11

Ari mbareegi, at Yotapat nen kin wogiige logonet, “Nit mbakwi wonok, Aliku ALA yoruwak nduk, Aliku ALA nen yoge kagak yoraga ambi yime wonage ilik, lek a?” Yorage mbareegi, aap Iterali inowe endagembogut ineegin warak awot ambi nen onggo yoge logonet, “Aap aa'nduk Eliya ayeloman logonet, eenggi kookkage nagagerak Tapat aput Elita nogo perak, yime wonage o.”

Ndawi 51:2

Nomaluk abok aret koorogo panege, Maluk noba lenggennagaarak yi, mbeenogo panege, Eeru o.

Wundeegwaarak 29:4

Togop aret eeke logomenggendik, aap Karun apuri inom wogoren an ninom lambungge logowam nawooliya wuremenggenom tungga'nggi paga taati piya wage logomenggendik, niyo paga inabin koorogo piyaamunggun o.

Yetaya 1:16

It ineenggi kookwi, Inalitak lombok inoba mbeenogo pakwi, Nenegen neegak, maluk eeriyak eeginake nogo mbo pugwi, Maluk eekwi nogo yogondak aret puk ogwe, Eeruwak o.

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Ala Unde 14:8

Ti eeke kenok, aap awin lek aremenggerak nogo nen ayum kookkolage, eeruwak apit aret mbanogo pake, niyo paga eebe ngguu'mo wakkolage, eeke logomenggerik kenok, eebe nogo abu obeelom aremenggerak it inagap ki wonogwe me inawooliya oore'nggam unggwi woroorak op aret kwe, at awooliyana unggwaga'lek laalu endekem wonage kagak, ne 7 aruwak o.

Takariya 13:1

At Omaawi Lombok Menggerak Aliku ALA nen ari logonet, “Ne ti paga it aap Ndawut paga wiganak inom, it o Yerutalem wonogwe inom, nen maluk eekwi, an mbo paninuk alik mugurok nogwe, eeko nogogwaarak nogo, mili kookwi kwak, lek eerogo pogo logowak nduk, it inake niyo eneeri ambi warak eerogo pigin o.

Lukat 7:38

Wonok wage nagagerik, Yetut iyok unggu'me ambokan taati mi'nari wage nagagerik, le ari logonet, ale amburu paga Yetut iyok miin eeke, ti'nuk, eeruwak paga wolombege, eeppege nagagerik, aganak paga pirik-perek ari logonet, amburu nogo iyok paga kilippereegerak.

Lukat 7:44

Yoge nagagerik, Yetut nen kwe nogo ena logurogon pekkage logonet, “Timon wae. Kwe yi, kagan ilik, lek a? An nen kame unggwi wage mbaki, niyok koorikit nduk, kat nen yi wo'nirulik kwe, at yi perak, ale amburu paga niyok miin eeke, eeruwak paga wolonnake, eekerak o.

Yaya 13:10

Yoge mbareegi, at Yetut nen, “Aap ambit ambi ngguu'mo warak wonage kenok, at eebe abok aret koorak wonage me, ambinom ngguu'mo wappuurak lek o. Ata, iyok mban kooriyak perak op o. Kit yi, abok koorak wonogwe kwe, aap ambiriluk perak, koorak lek wonage kagi o,” yinuk, yoragagerak.

Yaya 13:6

Ti eerit, Timon Peterut owagam panggo yi nage mbareegi, Peterut nen, “Nogoba o. Kat an niyok koo'naburak mba'nuk eeke agandik?”

Yaya 13:8

Yoge mbareegi, at Peterut nen, “Kat nen an niyok koo'naburak mondok lek o.” Yoge mbareegi, at Yetut nen, “An kiyok kookkaburak lek kenok, kat an noone waganggwi nogo mendek logorak lek aret o.”

Yaya 19:34

Owak kalenulik kwe, aap yigin unde ambi nen perak, tuguwa paga Yetut obate ndanuk togon mambege mbareegi, amiya niyo inom wundeegerak.

Nappiigak 22:16

Ndi, yogondak komaluk nogo kogoba kookkabuwak nduk, mbet-mbet yoru o. Yiime wuppagawam, kiniki yungguppegak eerugun o, yinuk, yo'nereegerak o,” yoragagerak.

1 Korindut 6:11

Kit maan nen aap togop aret wonogogutak kwe, ninowe Yetut Keritut eereegerak paga ninogoba Ala Aberiniki nogo nen kinomaluk koorogo pinagage, Ala ake leenogo pinagage, ndi, “Aap yi, oba lek o,” yinuk, kiniki obeelom agago pinagage, eereegerak o.

Epetut 5:26

Nit Ala apuri yi awi ndi awi monggoorak ninake kambeegerak nogo ti, “An napuri inoba mili lenggenak yinik-pinik aago ineebe yinuk-punuk eerak iigak koloorak neebi o. Ata, ineebe kikak naka'lek mondok alik leenak abe kigirikwe lombok iinok kolaakit o,” yinuk, ngguu'mo wappiigo mengga kwak, at oone waganggwi paga ninomaluk lek eerogo pinanege logomenggerik, Ala ake leenak logowok nduk, ninabuwa mbake logonet, ninake kambeegerak o.

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.

1 Yaya 5:6

At niyome wuppege kogogurak nogo inom, ndi, kangge logonet, amiya wangge kogogurak nogo inom, ti, Yetut Keritut eebe aret o. Niyome wuppege kogogurak nogo mban ti lek o. Ata, at amiya wangge nogo inom kogo nogogurik, “Yi Yetut Keritut abet aret o,” yinuk, mbareegurak. Ndi, Aberiniki nogo ti, Ala ari menggerak ndak-ndak abet mban ari menggerak me, at nen kunduk, “Yi Yetut Keritut abet aret o,” yinuk, abok paganogo yo'nirage menggerak.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,

Owak Loongga 19:21

Yorage nagagerik, wogoren, at ame unggwi nanuk, keledai nogo inambi wogorage mbareegi, it Lewi mendek nogo iniyok kookkologo nogogwaarik, inambi inom, amburu inom, nunggugwaarak.

1 Tamuwen 25:41

Yogo mbareegwa, at kwe Abigayin nogo nen mi'na'nuk, inabu'me etenggen nggween paga wanduk yinuk, yorage logonet, “An yi, nogoba Ndawut ayeloman aret me, kit at ayeloman mini kiniyok kooriyak nduk, aret agarik o.”