Yaya 13:18 - Ala Wone Peenok Peebi Mbanak

¹⁸ Kit abok kiinok yokkirage lek o. An miirogo leengginabeegirak an neenu aret o. At nimbirak mbi nengge nogo nen aret nooriyak koonggerak o, yinuk, Ala wone liiru mbanak nogo a'me lik yuwak nduk, agaarak me, a'me lik yigin o.

Yaya 13:18 ပူးပေါင်းရင်းမြစ်များ

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Yeremiya 41:2

Netaniya aput Itimayen aap ineebe 10 nogo inom mi'na'nuk, aap Mbaben mendek inowe endagembogut nen o Yekura unde logowak nduk mippereegerak aap Tapan ombooluk Akikam aput Nggeraliya nogo, wooluwak paga mondok aret warogo pereegwaarak.

Matiyut 10:36

It aap wim nggaganggwi nogo ti, inawi ambit me mendek nen aret eekwi iyaamunggup o.

Matiyut 26:21

mbi nonggo logonet, at Yetut nen, “Aap kit mendek ambi nen nooruwak nduk aakumi yoraagin, kagi, yinuk, abet aret yokkiragi o.”

Matiyut 26:23

Yogo mbareegwa, Yetut nen, “At nimbirak nineenggi tenggap me tamonogo nunggwi yi nen aret neebe nooruwak nduk, yoraagin o.

Marakut 14:17

Larogo pogo nogogwaarik, wonogwe me, o kiip age mbareegi, at Yetut awuri 12 nogo inom nogogwaarak.

Marakut 14:18

Nogo nogogwaarik, kwi'na'nuk, mbi nonggo logonet, at Yetut nen, “Kit an ninom mbi nunggwi yi, ambi nen nooruwak nduk aakumi yoraagin kagi o, yinuk, abet aret yokkiragi o.”

Marakut 14:20

Yogo mbareegwa, at nogo nen, “Kit nawuri 12 yi, ambi roti ninom tenggap ambit paga tamonogo nunggwi ti, at aret o.

Lukat 22:21

Tumburirage nagagerik, “Wologwe! An nooruwak nduk, aakumi yoraagin nogo ninom mbi nengge yime agaarik o.

Yaya 13:21

Yetut nen wone togop yorage nagagerik, at iniki aaninggin ndugu agan nage mbareegi, paganogo yorage logonet, “Kit ambi nen an nooruwak nduk yoraamunggup o, yinuk, mondok abet aret yokkiragi o.”

Yaya 13:22

Yorage mbareegi, “Ta nen eeriyak nduk yigi,” yinuk, inigen pet-pet yogo nogogwaarak.

Yaya 13:26

Yoge mbareegi, at Yetut nen, “An roti paga amburu tamunogo wogoge neenok, ti aret mbarumunggun o,” yoge nagagerik, roti paga amburu tamunogo Timon aput Yurat Ikariyot nogo aret wogoreegerak.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Yaya 15:19

Kit nen it aakumi o nggween paga yime menggaarak nogo mendek logonetak en, it muk iniki kunik eekkinabenetak kwe, kit it mendek lek me, ndi, it nogo iigak, an miirogo leengginabeegirak me, ineebi kinombako agaarik o.

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.

Yaya 17:12

It wo'nereegindak nogo an ninom logonet, kat komaawi eeppaneegindak nogo paga ndegeninake nagarak o. Ndegeninake neegak, ambi kobak arulik kwe, at ambi kobak ariyak nduk nda'nagagerak nogo perak, Ala wone yugu liiru mbaneegerak nogo a'me lik yuwak nduk, kobak agaarak o.

Yaya 18:32

Wone yoreegwaarak nogo ti, Yetut nen, “An nonggop eerogo nookwi iinok, kambigin,” yoragagerak nogo, a'me lik yuwak nduk, yoreegwaarak.

Yaya 19:24

it-it wone mbanggo logonet, “Wologo wae! Ayum yi, nibinogo alitak koloorak mage o. Ata, Ta koloorak kaamun? yinuk, yugum ogut wakkaawok o,” yereegwaarak. Ti yereegwaarak nogo ti, Ala wone liiru mbanak paga nen ari logonet, “Nambogoyum abok aret tumbukkologwe, Nayum yirik minggirak kolaawok nduk, iri'ngga mbanogo wakkaanuk kologwe, Eeko agaarik o,” yinuk, yereegerak, liiru mbaneegerak nogo a'me lik yuwak nduk, aret eereegwaarak o.

Yaya 19:36

Ti eereegwaarak nogo Ala wone liiru mbanak paga nen ari logonet, “At owak ambiriluk ambi kalok yigin mondok lek o,”

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

Yaya 6:70

Yoge mbareegi, at Yetut nen, “An nen kit aap 12 miikkinabeegirak nogo lek a? Aap 12 miikkinabeegirak kwe, kit kinenggela'me ambi Ibilit aput aret kagi o,” yinuk, yoragagerak. (

Nappiigak 1:16

yorage logonet, “Nowe-nawot o. At Yurat ninom Yetut oone woppunuk, at eyabu eeko logowok nduk leenogo mippinaneegerak kwe, at eeriyak wone o aa'nduk togon Aberiniki nen Ndawut yoge kagak yereegerak Ala wone liiru mbanak nogo, a'me lik yuwak nduk, at Yurat nen yorage mbaki, Yetut eebe pigaganggaarak o,” yinuk, yoragagerak. (

2 Korindut 4:5

“Nit aap iya o,” yinuk, eeko monggoorak mbininogo yokkirogwe lek o. Ata, “At Yetut Keritut ti, ninowe aret me, at mban iya o,” yinuk, yokkirogwe, ndi, nit togon, “Yetut yereegerak ndak-ndak, nit kit kinayeloman aret o,” yinuk, yokkirogwe, eeko monggoorak o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.