Yaya 12:2 - Ala Wone Peenok Peebi Mbanak

² Nage mbareegi, it aakumi time nen anooniya lareegwaarak me, Marata nen laago tumburirage kagak, aakumi Yetut inom kwi'na'nuk mbi nunggwi me, Latarut inom nenggegerak.

Yaya 12:2 ပူးပေါင်းရင်းမြစ်များ

Ndawi Iya 4:16

O wiya o omarip paga pa'nggwe waka wae. Mi'naru o. O wiya o ame pa'nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.

Matiyut 26:6

At Yetut o Mbetaniya aap Timon awin aaga'ne kunik wonagagerak nogo ame wonage me,

Marakut 14:3

At Yetut o Mbetaniya aap awin aaga'ne kunik endage Timon nogo, ame kwi'na'nuk mbi nengge me, kwe ambi iri'ngga narwastu amburu obari abu abe me onggo nggwok pogo menggaarak mendek yiiwak yugum mendek mendaarak me toolak wonok unggwi wagagerak. Unggwi wage nagagerik, yiiwak yugum mendek mendaarak nogo uut kalenogo amburu anobak paga kilikkagagerak.

Lukat 12:37

Inogoba nen ayeloman mini nogo ineenik logonet, tum wakwi me iya wage kenok, inale'nggen inombarigin o. Tum wakwi wonogwe me iya wage kenok, ogoba nen ayumunggok nggooppunuk, at ayeloman mini inanoniya larak nawak nduk, ambime kwippiinok, inake eeke logogin o, yinuk, abet aret yokkirage agarik o.

Lukat 14:12

Yorage nagagerik, Yetut nen aap at ayonggo pereegerak nogo yoge logonet, “Kat laago lake logonet kenok, kinom kiniki kunik menggendak inom, koreewi inom, kowe-kawot inom, ineenggi warak kat kinom menggendak inom, it mban inayonggo pege kenok, peebi it togop lako logonet, onggo kat kayonggo pugwi iyo, it mban inayonggo pege logobok o.

Lukat 22:27

Ta nen aap nggwok wonage mbakop? At mbi nengge menggerak ti, iya ilik, at nengge nogo ake yi wa nagak ndi wa nagak eeke menggerak ti, iya a? Lek o. At nengge menggerak iya nogo lek a? Togop kwe, an kinenggela'me logonet, kinayeloman negen a'nuk, kinake yi wa nagak ndi wa nagak eeke minggirak o.

Lukat 5:29

Ti'nuk, aap Lewi nogo ame Yetut anooniya nggwok lareegerak. Lareegerak me, it aakumi kuwak aago apit aap o unde inake wu kuwak eeka inom, aakumi ugun nogo mendek inom, laago noorak nduk, Yetut Lewi imbirak inom mbi nunggwi me,

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.