Yaya 12:1 - Ala Wone Peenok Peebi Mbanak

¹ Nogo 5 yippunuk, laago Obaga Mbo Nagagerak lariyak eyom panggoni wage kagak, at Yetut o Mbetaniya aap Latarut kambeegerak eenik agago mippereegerak wonage me nagagerak.

Yaya 12:1 ပူးပေါင်းရင်းမြစ်များ

Matiyut 21:17

Yorage nagagerik, it aap nogo teppiinok, o kota nggwok time nen wundi nage nagagerik, o Mbayitani aret nogo yi nagagerak.

Marakut 11:11

Ina'mit agan wogwe iigak, Yetut o Yerutalem unggwi wage nagagerik, Ala awi wurik me unggwagagerak. Unggwi nanuk, yi mendek ndi mendek enegen yomboonit nege nagagerik, o kiip arikit nduk eeke kagak, at oone waganggwi aap 12 nogo inom o Mbetaniya nogogwaarak.

Lukat 24:50

Yorage nagagerik, o kota nen wundi nanuk, wogoret o Mbetaniya koorok time ari nage nagagerik, eenggi nippege logonet, ale'nggen inoba piyareegerak.

Lukat 7:37

Kwi'nage mbareegi, o kota time kwe maluk eeka ambi nen Yetut aap Pariti ame kwi'ndak mbi nengge konengge nagagerik, amburu obari abe mendek yugum yiiwak mendaarak me, toolak wonok wagagerak.

Yaya 11:1

Aap ambi endage Latarut, kwe Mariya oweeluk Marata imbirak inom inawi Mbetaniya ambit me aret wonogogwaarak me, at Latarut nogo andi eereegerak.

Yaya 11:43

Yoge nagagerik, at oone nggwok paga, “Latarut wae! Wundi mok o.”

Yaya 11:44

Yoge mbareegi, at kambeegerak nogo eenggi-iyok nggerenak, yum etenggen-ogobak pirik-perek eerak kagak wundi wagagerak. Wundi wage mbareegi, at Yetut nen it yorage logonet, “Nege logowak nduk, yum perenak ti, piinggaanip o,” yinuk, yoragagerak.

Yaya 11:55

Wonage me, it Yakuri laago Obaga Mbo Nagagerak lariyak eyom panggoni wage mbareegi, laka'lek iigak, it aakumi inabin kooppunuk, ugun nawok nduk, iname lombok nen o Yerutalem wogogwaarak.

Yaya 12:12

Ko'lu it aakumi apit laago lakome kuwak ogogwaarak nogo nen Yetut o Yerutalem wage konenggo nogogwaarik,

Yaya 12:20

Ala alut eeruwok nduk, laago lakome wogogwaarak nogo ti, it aakumi Yunani mendek inom aret wogogwaarak me,

Yaya 12:9

Yorage kagak, it Yakuri apit nogo nen Yetut o Mbetaniya nogome wonage konenggo nogogwaarik, at Yetut mban inigen kaawok nduk noolik o. Ata, aap Latarut kambeegerak Yetut nen eenik agago mippereegerak nogo kunduk inigen kaawok nduk, nogogwaarak.