Yaya 11:53 - Ala Wone Peenok Peebi Mbanak

⁵³ Yoragagerak ne ti eyom paga nen Yetut mondok wariyak nduk, iniki ambit eeppunuk wone mbaneegwaarak.

Yaya 11:53 ပူးပေါင်းရင်းမြစ်များ

Wakkagagerak 37:18

inowagam panggo yi naga'lek tayorogon taati nage oweewi ina nakka wogo nogogwaarik, it mban-mban yogo logonet, “Abi kaga nogo wage ti, kinigen wondekkanip o. Alik nanonggwan wagaarak me mondok waruwok o,” yinuk, iniki ambit eeppunuk wariyak wone mbanggo logonet,

Nekemiya 13:21

an nen it yorage logonet, “Nonggop nduk, pak endekenggwe nogo yogo ogotik? Ambinom nogo yugwi kiinok, an nen kinoorigin aret o,” yorage mbareegi, nogo 6 yippunuk, ko'lu ti paga it ambi mondok woroolik aret o.

Nekemiya 4:16

Ne ti kuli nen it an nawuri eegu mogonik yabu eekwi iigak, it ando mogonik nogo inawooluwak waganggwi, inanggeemu waganggwi, ineegin-inomaale kologwe, tin yirikkologwe, eeppunuk, tum wakwi iigak, it inoweewi nogo ti, it aakumi Yekura mendek abok aret pak wukwi nogo inambokan mi'ndak wonogogwaarak.

Ndawi 113:2

O yogondak nen nok, o peebi mondok-mondok Aliku ALA endage tiyanak aret wonage,

Ndawi 2:2

At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Ndawi 31:13

It aakumi ambik nen nabok agan nugwi, Nenaagan-nambokan eerit nugwi paga naganak waruwak nduk, agan nugwi, Maluk eeppanuwok nduk, Iniki ambit eeppunuk, wone mbanggwi, Nooruwak nduk wone koonogo pugwi, Eeko agaarik o.

Ndawi 71:10

Ninom wim mbanak nen nabok mbanit nogwe, It an nooriyak mbakwi nogo Ambit me kuwak eeppunuk yogo logonet,

Yeremiya 38:15

Yoge mbareegi, at Yeremiya nen Terekiya yoge logonet, “Wone kat yo'nege nogo an nen onggo yokkiriminggirak kwe, teppanumunggun lek neebe aret noorumunggun nogo lek a? Ndi, an nen, Ndogop eeke logot o, yinuk, yokkege neegak kunduk, noone karuk konenumunggun lek mban aret o.”

Yeremiya 38:4

Inaruk konembunuk, it aap inoweewi inengga warak ti nen aap endagembogut Terekiya yogo logonet, “At aap ti, it ineegin warak o kota yime awo wonogwe inom, aakumi abok aret inom, yoranet nage paga inomanggen tayenogo piige, iniki ugun tayenak logowak nduk, agan nege lek maluk eekkolaawak nduk agan nege me, at enggaawak mondok lek eeppuurak o.”

Matiyut 12:14

Obeelom age mbareegi, it Pariti mendek nogo nen wundi nogo nogogwaarik, “Nonggop eerogo waruwok o?” yinuk, wone mbaneegwaarak.

Matiyut 16:21

Inaruk wareegerak ti eyom paga nen at Yetut nogo at oone waganggwi yorage logonet, “An o Yerutalem time noorak agaarak me mondok nage agarik o. Nage neenok, It aap inanggok inom, it Ala unde inoweewi inom, it Ala wone liiru mbanak unde inom, nen noba aaninggin-paaninggin agago paninuk, noorugun o. Nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, paganogo yoragagerak.

Matiyut 22:46

Yorage mbareegi, wone onggo abu nonggop yorubok age mbareegi, ne ti eyom paga nen peebi wone ambinom kin wakkoorak inagabiti ogogwaarak.

Matiyut 26:4

at Yetut kote aret pippunuk, waruwok nduk, inom wone mbanggo logonet,

Matiyut 26:59

Kwi'ndak wonage kagak, it Ala unde inoweewi inom, it wone amburu mbanggo menggaarak abok aret inom, “At Yetut waruwok nduk, taani nen pilit wone at oba pugwi iyaamun?” yinuk,

Marakut 14:1

Laago Obaga Mbo Nagagerak inom, laago Roti Piika'lek Mendek inom, lariyak eyom nogo mbere yinuk, laruwok nduk eekwi me, it Ala unde inoweewi inom, it Ala wone liiru mbanak unde inom, “At Yetut nonggop togon kote pippunuk warumun o?” yinuk, abok mbanggo logonet,

Marakut 3:6

Obeelom age mbareegi, it Pariti mendek nogo wundi nogo nogogwaarik, it Keroriyan mendek inom kuwak eeppunuk, “Nonggop eerogo waruwi o?” yinuk, wone mbaneegwaarak.

Yaya 11:47

it aap Ala unde inoweewi inom, it aap Pariti mendek inom, nen aap wone amburu mbangga nogo kuwak eeppiigo nogogwaarik, yorogo logonet, “Aap ti, ineenu agak inagabiti warak mendek apit aret eerit nage menggerak me, nit nonggop eerumun o?

Yaya 12:10

Nogo mbareegwa, Yetut nen Latarut eenik agago mippereegerak paga it Yakuri mendek apit aret inoweewi inoone mbo punuk, iniki Yetut oba panggombunuk, abet mbako mbareegwa, it aap Ala unde inoweewi nen Latarut kunduk, waruwok nduk, wone mbaneegwaarak.

Yaya 7:1

Ti yorage nagagerik, it Yakuri mendek nen Yetut mondok wariyak eeko mbareegwa, “O Yureya yime eerit nege logorak neebi o,” yinuk, o Nggalileya time eerit nege logokit nduk, nagagerak.

Nappiigak 5:33

Wone ti konembogo nogogwaarik, inanini wu agan nage mbareegi, “Mondok inooruwok,” mbakwi me,

Nappiigak 9:23

Ti'nuk, peebi it Yakuri mendek nen, “Tawulut waruwok o,” yinuk, koonogo pereegwaarak.