Yaya 11:4 - Ala Wone Peenok Peebi Mbanak

⁴ Nappiyareegwaarak nogo nogogwaarik, yogo mbareegwa, Yetut konengge nagagerik, yorage logonet, “At Latarut andi eekerak nogo ti, kambuurak nduk eekerak lek o. Ata, Ala aput an ambi eeke neenok tiyappanemenggaarak paga Ala kunduk, tiyanak kin kaawak nduk eekerak o,” yinuk, yoragagerak.

Yaya 11:4 ပူးပေါင်းရင်းမြစ်များ

Yaya 10:38

eeke neegak, kit kiniki noba panggombunuk, abet nombariyak meek kenok, an nogoba ninikime wonage, ndi, an at inikime wonage, aago monggoorak kineenu arubagip nduk, kinagibiti warak mendek eeke minggirak nogo ti mban abet mbako logonip o,” yinuk, yoragagerak.

Yaya 11:40

Yoge mbareegi, Yetut nen, “Kat kiniki noba panggombunuk, abet nombake keenok, Ala endage abu tiyanak logonet, eeke menggerak kaamunggun o, yokkigirak nogo lek a?”

Yaya 12:28

Nogoba o. Kat kendage tiyappatu o,” yinuk, yoreegerak. Yoge mbareegi, mbogut paga nen oone ari logonet, “Nendage muk tiyappakirak me, ambinom aret tiyappatigin o.”

Yaya 17:1

Wone ti yorage nagagerik, at Yetut ena mbogut paga ni'na'nuk, ogoba yoge logonet, “Ai, nogoba o! An ee'naburak eyom panggoni wagaarak o. An kaput nen kat tiyappagakit nduk, kaput an naa'nduk tiyappanu o.

Yaya 17:10

An napuri ti, kat kapuri, ndi, kat kapuri ti, an napuri aret o. It eekwi nogo paga an tiyappanugo menggaarak.

Yaya 17:5

Togop me, nogoba o! O awo wakkaga'lek kagak, kat nimbirak logonet, tiyanak wonagagirak nogo ndak-ndak yogondak kat wonage me time tiyappanu o.

Yaya 2:11

At Yetut nen ineenu ariyak inagabiti warak mendek aa'nduk lombok eereegerak nogo ti, o Nggalileya yaga'lelo Kana nogome logonet, eereegerak ti aret. Time logonet, at tiyanak menggerak nogo abok paganeegerak me, at oone waganggwi nogo iniki at oba panggombunuk, abet mbareegwaarak.

Yaya 5:23

Aakumi nen Ala tiyappogo mengga kwak, aput an kunduk ndak-ndak tiyappanugo logowak nduk, mippaneegerak. It aap nen Ala aput an tiyappanugwi lek iinok ti, at nappani wagagerak an nogoba nogo tiyappugwi lek o, yinuk, mondok abet aret yokkiragi o.”

Yaya 8:54

Yogo mbareegwa, at Yetut nen, “An tiyappake neenok ti, we aanom warogo aret tiyappatit nege o. Kit nen, Ninogoba Ala o, yogo monggotak nogo ti, an nogoba aret me, at nen mban tiyappanege menggerak o.

Yaya 9:24

Togop yorogo mbareegwa, it Yakuri mendek nen aap enegen mbuk wonagagerak nogo ambinom wiigo nogogwaarik, wage mbareegi, yogo logonet, “Wulaga! Aap nogo maluk eeke menggerak nit nineenu me, Ala enggaanom paga koone mondok abet aret yu o.”

Yaya 9:3

Yogo mbareegwa, at Yetut nen, “Lek o. At maluk eereegerak paga inom, ndi, agalo-ogoba maluk eereegwaarak paga inom, enegen mbuk nda'nagagerak ti lek o. Ata, at Ala eeke menggerak at paga pagak yuwak nduk, enegen mbuk aret nda'nagagerak o.

Oroma 11:11

Togop me, ne ambi paga yokkira o. It Iterali mendek nen iniyogobit lik togon eegirage mbareegi, Ala nen peebi wogonaburak lek mondok ambokan mbo piyareegerak mbakop? Ti lek o. It Iterali mendek Ala wone taganeegwaarak paga Ala nen it endekem konenggulik mendek inagap ndake kenok, it nen, “Nit togon ninagap ndariyak kwe, it mban ndaganake, ao!” mbaruwak nduk, eeginabeegerak.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!

1 Peterut 4:14

It aakumi nen, “Kit Keritut oone wagangga mendek o,” yinuk, miyuk-meya eerogo pinagagwi iinok, “Ala Aberiniki mondok tiyanak menggerak nogo nit ninoba wuppi wagaarak ninom wonage kenok, yo'nirogwe iigo o,” yinuk, kiniki ale'nggen logonip o.