Yaya 11:3 - Ala Wone Peenok Peebi Mbanak

³ awurilogwe komologwe nogo nen wone agago nappiigo logonet, “Ninogoba o. Aap kat kiniki kunik nogo andi eekerak wonage o,” yinuk, Yetut yori nawak nduk, nappiyareegwaarak.

Yaya 11:3 ပူးပေါင်းရင်းမြစ်များ

Wakkagagerak 22:2

Yoge mbareegi, at Ala nen, “Kat kapuluk ambolom ambit ndakendak kiniki kunik Itak nogo, wonok o Moriya time namenggendak me, puut ambi an nen yokkege neenok, nake warogo kani kunggo mengga kwak, puut ti paga at eebe warogo an nake pi nanu o,” yoreegerak.

Ndawi 16:3

It kapuri alik leenak nggween yi paga wonogwe nogo It mban tiyanak mondok iya wonogwe, It eekwi paga nale'nggen alik negen eeppanugwi, Eeko agaarik o.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Yaya 11:1

Aap ambi endage Latarut, kwe Mariya oweeluk Marata imbirak inom inawi Mbetaniya ambit me aret wonogogwaarak me, at Latarut nogo andi eereegerak.

Yaya 11:11

Ti yorage nagagerik, wone ambi yorage logonet, “Ninoreeluk Latarut nogo, we nogo yege me, an nen eenik eeppi naakit o.”

Yaya 11:2

Kwe Mariya nogo ti, ninogoba Yetut iyok paga amburu obari abe mendek mbenambunuk, eeruwak paga woloneegerak nogo aret. At oweeluk Latarut nogo andi eeke mbareegi,

Yaya 11:21

Ka wungge nagagerik, Yetut yoge logonet, “Ai, nogoba o! Kat yime mbet-mbet woraanetak en, an noweeluk kambenetak lek kwe,

Yaya 11:36

Le ari mbareegi, it aap Yakuri mendek nen, “Wologwe! At Latarut iniki kunik lombok me le ari yi kaanip o.”

Yaya 11:5

At Yetut nen Marata inom, at awuluk inom, Latarut inom, iniki kunik aret wonagagerak.

Yaya 13:13

Kit nen, Ninogoba Ngguru wae! yo'nogo monggotak nogo ti, an aret me, abet aret yo'nogo monggotak.

Yaya 13:23

Inigen pet-pet yogo logonet, aap at oone waganggwi mendek ambi Yetut iniki kunik wonage nogo Yetut imbirak tabonak kwi'ndak wonage me,

2 Timotiyut 4:20

Aap Eratut o Korindut time puk agagerak. Aap Toropimut andi eereegerak me, o Miletut time kagak wagagirak.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.