Yaya 10:9 - Ala Wone Peenok Peebi Mbanak

⁹ Tu an aret o. It aap tu an wonage yi paga unggwi wogwe iinok, inagap ndakkolaagun o. Inagap ndarak wonogwe me, yinggak-unggwagak eeko logonet, inagari'ngga mbanogo nenet nogo logogun o.

Yaya 10:9 ပူးပေါင်းရင်းမြစ်များ

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetikiyen 36:38

o Yerutalem laago lako logorak wone yugu eeriyak eyom ari wage kenok, nake warogo wo'nogo logonet, ndomba ineebe ambik kuwak eerogo piya wogo mengga kwak, it Iterali ineebe togop aret eerogo piyaagin o. Ti eeke neenok, kota-kota langgu-langgu aago me nogome aakumi ineebe ambik lombok yagabit ari unggwogo logogun o. Togop aago wonogo logonet, Naliku ALA an aret ineenu arugun,” yegerak me, yokkiragi o, yinuk, yoragagirak.

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Yaya 10:1

Yorage nagagerik, Yetut nen ambinom yorage logonet, “It aap ndomba anggenogona unggwogo logonet, tu nda'nggi paga unggwaga'lek yagat uum unggwogwe iinok ti, aap inayogoot wulo kiraaka mendek aret o.

Yaya 10:3

At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Yaya 10:7

Liippega'lek wonogo mbareegwa, at Yetut nen ambinom yorage logonet, “Ndomba unggwogo menggam tu an aret o.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Epetut 2:18

Ndi, yogondak Keritut eereegerak ti paga, nit Yakuri mendek inom, kit endekem mendek inom, Aberiniki ambit nogo paga nen nit wo'niren ninogoba Ala owagam noorak op aret o.