Yaya 10:6 - Ala Wone Peenok Peebi Mbanak

⁶ At Yetut nen wone eegu laarogo ti yoragagerak kwe, “Wone yi, ndogop nduk, yo'nirage o,” yinuk, it liippega'lek aret wonogogwaarak.

Yaya 10:6 ပူးပေါင်းရင်းမြစ်များ

Ndawi 106:7

It ninombomini o Metit logonet, Kat iya tit eeke nagagindak nogo liippega'lek wonogwe, Inabuwa nen obeelom eeppiige nagagindak ti, mari ogwe, Niyo Laut Merah ambet paga logonet, koone koneniyak, “Nineebi o,” yinuk, yogwe, Eekwi iigak kwe,

Ndawi 82:5

Yi wone ndi wone liippega'lek kineenggo'lek wonogwe, Kit o apit paga nugwi, Obeelom eeriyak koongga'lek O yi naalop-kaalop eerogo piinet nogwe, Eeko ogotik o.

Kini Wuppiige 28:5

It aap maluk mendek nen a'me nggelok eekwi nogo liippugulik kwe, It aap Aliku ALA mugurok nugu menggaarak kenok perak, wone ti abok aret liippogo menggaarak.

Yetaya 56:11

Nggeewo nen, “Abu nenggi o,” yinuk, mbaka'lek inaanogum andi lek lagap mban agan nugu mengga kwak, it aap ti togop aret wonogwe, It aap ndomba ndegeninaka nen inaanggumi ndegeninaburak kobak mengga kwak wonogwe, It abok aret eeriyak mbakwi nogo mban mugurok nogwe, Inalitik-inalitak ineenggi warak eekkoloorak mban kwaarit nugwi, Eeko menggaarak.

Ndaniyen 12:10

It aakumi apit aret iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, iniki kole aruwak nduk inabut mbanggwi, eekwi iigak kwe, it maluk eeka nen perak, maluk aret eerit nogo logogun o. It maluk eeka ambiriluk ambi nen wone yi liippugun lek kwe, it aap iniki warak nen perak, wone yi, yelok kaagun o.

Matiyut 13:34

At Yetut nen it aakumi kuwak ogwe iinok, wone yorage nagagerak nogo abok aret wone abe liirogon ambi yorage logolik. Ata, eegu laarogo mban yorage nagagerak.

Matiyut 13:51

Yorage nagagerik, Yetut nen, “Wone ti, abok aret liippogop a?” Yorage mbareegi, it nen, “E o, abu aret liippogoorak o.”

Marakut 4:34

Wone eebe liirogon ambi yorage logolik o. Ata, eegu laarogo negen mban yorage nagagerak kwe, at oone waganggwi at inom inalik logonet perak, yi wone ndi wone kenom paga paganogo yorage nagagerak.

Yaya 16:25

Yetut nen ambinom yorage logonet, “Wone yi yokkirage nogo eegu laarogo mban yokkirage kwe, an nogoba abok nogo kin paga paganogo yokkiroorak eyom panggoni woraagin nogo paga an wone eegu laarogo ambinom yokkirage logogin lek o.

Yaya 16:29

Yorage mbareegi, at oone waganggwi mendek nogo nen at yogo logonet, “Yogondak perak, wone eegu laarogo yo'nirage lek tena'me aret yo'nirage keego o.

Yaya 6:52

Ti yoragagerak paga it aap Yakuri mendek it mban-mban wone wako logonet, “Wologwe! Aap yi, at eebe nit nawak nduk nonggop togon wo'niroorak me yigi mbakop?”

Yaya 6:60

Yoragagerak it at oone waganggwi mendek ando ambik konenggo nogogwaarik, “Wone yi aaninggin ambik me, ta nen koneniyak mbakop?” yogogwaarak.

Yaya 7:36

Kit an kwaa'nabit namonggotak kwe, an nawam time kit noorak meek me, kwaa'neyaamunggup abu lek o, yinuk, yo'niragaarak nogo ti, nonggop mba'nuk yo'nirage mbakop?” yogo nogogwaarak.

Yaya 8:27

Wone yoragagerak nogo ti, “At ogoba abok yo'nirage kogo o,” yinuk, liippega'lek aret wonogogwaarak.

Yaya 8:43

an nen yokkirage nogo ti, nonggop nduk liippega'lek aret ogotik? Kit an noone woorak abu meek me, liippega'lek aret ogotik o.

1 Korindut 2:14

Ala Aberiniki nen koonogo yo'nirage nogo ti, Aberiniki ninikime wonage kenok mban yelok kogo monggoorak me, it aakumi nggween paga mendek nogo, Aberiniki inikime wonage lek me, wone ti, konembunuk, ugun kobak logonet, “Yi wi wone negen aret kogo,” yinuk, mbo pogo menggaarak kwe,

2 Peterut 2:22

“Nggeewo nen peyak wurogo punuk, ti'nuk, melak togon nengge menggerak o,” yinuk, yogwe, ndi, ambi, “Wam ngguu'mo amuni mbanogo wappiigaatak kwe, ti'nuk, iniyok paga yungguninuk purok me wanggini wari unggwogo menggaarak o,” yinuk, yogwe, eeko monggoorak nogo ti, abet aret yogo monggoorak me, it nogo ti, ti ndak-ndak aret eerit nogo menggaarak o.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.