Yaya 10:4 - Ala Wone Peenok Peebi Mbanak

⁴ At andomba lombok abok aret wogoret wundi nanuk, at aa'nduk nage kagak, at andomba nogo oone konenak me, at ambokan mugurok nogo menggaarak.

Yaya 10:4 ပူးပေါင်းရင်းမြစ်များ

Ndawi Iya 2:8

Komologwe kinabulok o! Niniki kunik oone agan wage ti, koneninip o. Puut-puut paga ku'mbo wanggak wage, Puut teberogon paga mbo laganggak wage, Eerit wage yi, kaanip o.

Ndawi Iya 5:2

An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Yaya 10:16

An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.

Yaya 10:27

An nandomba ti, an noone konenggo menggaarak. An nen it neenu minggirak me, it nen an mu'neren wogo menggaarak.

Yaya 10:3

At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Yaya 10:5

Aap inambik inambokan muguren nogolik o. Aap inambik inoone liippega'lek me, mbaganugun aret o, yinuk, mondok abet aret yokkiragi o,” yoragagerak.

Yaya 10:8

An waga'lek neegak, it aap inaa'nduk wogogwaarak nogo abok inayogoot wulo kiraaka mendek mban wogogwaarak me, ndomba nen it inoone konengga'lek aret wonogogwaarak.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yaya 13:15

An eekkinakirak yi, kit ndak-ndak eeko logobagip nduk, eekkinakirak o.

Yaya 18:37

Yoge mbareegi, at Pilatut nen, “Ti kenok, kat aap kendagembogut aret ilik?” Yoge mbareegi, at Yetut nen, “Kendagembogut yo'negendak ti, abet aret yo'negen o. An togop aret logokit nduk nda'nagagirak. Ndi, Ala ndogop menggerak wone paganogo yokkirage logokit nduk, o nggween paga yime wambi wagagirak nogo o! Ala ndogop menggerak, wone yorage nogo waganggwi iinok, Ala apuri aret me, an noone konenggo menggaarak o.”

Yaya 3:29

Kwe ambi aap nen wagangge kenok, kwe ti, aap waganeegerak nogo akwe aret o. At kwe kolage ore nogo ti, we inom logonet, aap kwe kolage nogo oone konengge kenok, ale'nggen ambik kage nogo pogom ti, an aret o, At eerit nage paga aakumi ambik at ka nogwe iinok, an niniki ale'nggen ambik ee'nake o.

1 Korindut 11:1

At Keritut eeke menggerak an liippunuk, eeke minggirak pogom, kit nen an eeke nogo liippaninuk eeko logonip o.

Epetut 5:1

Noreewi o. Kit Ala apuri kinom kunik me, at eeke menggi kwak, kit ndak-ndak eerit nogo logonip o.

Pelaareegerak 1:30

Kit o Metit paga kinigen lombok kiigak, at Ala nen kit kinake eeke kogogutak nogo kwak, at Aliku kinogoba Ala aa'nduk a'nuk, kinake wim eerigin o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Iberani 6:20

Ndi, at Yetut nogo ti, aap Meliketerek eeke nagagerak nogo pogom, Ala unde ninowe nggwok mondok-mondok logowak nduk, mippereegerak me, nit peebi unggwi nawok nduk, at aa'nduk ninake tu yarit unggwi nagagerak wonage o.

1 Peterut 2:21

Keritut andi-pandi eerogo pereegwaarak nogo ti, “At andi-pandi oba pugwi iigak, at maluk eeke, An togop eerulik o, yinuk, aana'le mbanggolage, Ti eerulik o.” It nen miyuk-meya eerogo pugwi iigak, at nen onggo miyuk-meya eerogo piige, wakwi iigak, at nen wone onggo yorage, ti eerulik mban. Ata, at iniki ogoba Ala oba panggombunuk, “Nogoba wone a'me nggelok mban inowak loongge menggerak nogo nen nawone mbanigin o,” yinuk, iniki kwi'ndak logonet, waganeegerak nogo ti, nit ninake aret waganeegerak me, at eereegerak nogo kokwak, nit togop ndak-ndak eeko logowok nduk, Ala nen ninayonggo pereegerak o.

1 Peterut 4:1

Aap ambi eebe andi yagan wake logonet, “An maluk ambinom eerigin lek,” mbake menggerak me, at Keritut eebe andi-pandi eerogo pugwi iigak, iniki kwi'ndak logonet wagangge nagagerak nogo kwak, kit ndak-ndak kiniki kwi'ndak logonet, waganggo logobagip nduk, it aap wim eeka nen li'luk eeppunuk, mengga kwak, kit togop aret eerogo patinuk logonip o.

1 Peterut 5:3

Inarum logobagip nduk, unde eeppinagareegerak nogo inarum logonet, “An noone mban konenggo logonip o,” yinuk, kinoone omaawi paga yorogwe ti mage o. Ata, it Ala andomba nogo nen kit kinobaabut obeelom mban eerit nogwe nogo liippinaganuk, “At eeke ti, an ndak-ndak eeke logokit,” mbaruwak nduk eeko logonip.