Yaya 10:34 - Ala Wone Peenok Peebi Mbanak

³⁴ Yogo mbareegwa, at Yetut nen it yorage logonet, “Kit an Ala pogom wonogwe yokkiragi o, yinuk, yereegerak liiru mbanak wonage nogo lek a?

Yaya 10:34 ပူးပေါင်းရင်းမြစ်များ

Ndawi 138:1

Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

Ndawi 82:1

O mbogut paga Ala awuri inom eeka nogo, Aakumi inanebunu lombok inagugi inom kuwak eeppunuk wonogwe me, Wone mbanikit nduk, Ala inenggela'me mi'nage, Inawone amburu mbanogo inowak loongge, Eerikit nduk, Yorage logonet,

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Wundeegwaarak 4:16

An nen kat yokkege neegak yoroorak pogom kat kobaane'me at nen aret yoraawak nduk, kat an pogom a'nuk yoge logomunggun o.

Wundeegwaarak 7:1

Yoge mbareegi, at Aliku ALA nen Muta yoge logonet, “Kat Pirawun enggaanom paga an nen kat Ala negen eerogo pagage, ndi, it aap an nen yorage neegak yorogo mengga kwak koweeluk Karun ti, togop aret yoge keegak yorage, eeko logomunggup nduk, eeppinagagin o.

Yaya 10:35

Ala wone liiru mbanak ti, alik mbeyok ariilik nit nineenu me, Ala nen it aakumi at oone koneneegwaarak nogo, Kit an Ala pogom wonogwe o, yinuk, yoragagerak me,

Yaya 12:34

Yorage mbareegi, it aakumi nogo nen at yogo logonet, “Ala nen, An leenogo mippereegirak Keritut nogo ti, eenik mondok-mondok aret, logogin o, yinuk, yereegerak liiru mbaneegerak nogo, nit konenggwi kwe, At aap aret nda'nagagerak peebi mippuurak, yagandak ti, nonggop yagan o? Aap aret nda'nagagerak ti, ta o?”

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.

Yaya 8:17

Aap ineebe mbere nen ineenu logonet, paganogo yogwe iinok ti, inoone abet aret o, yinuk, Ala nen yereegerak liiru mbaneegerak wonage me,

1 Korindut 14:21

Ala nen ari logonet, “It aap inambik nen, inoone alik mendek nen, Napuri yi, an noone yoraawak nduk, nappiya woraminggirak kwe, Noone yorogwe nogo it liirogon inaruk konenugun lek o,” yinuk, yereegerak Muta liiru mbaneegerak wonage me,