Yaya 10:32 - Ala Wone Peenok Peebi Mbanak

³² Waganggo mbareegwa, Yetut nen it yorage logonet, “An obeelom eeke logorak nogoba nen yo'nereegerak nogo kit kaabagip nduk, apit aret eeke nagarak kwe, ngge eekirak paga kit yogondak yugum paga an nooriyak nduk, eeko ogotik?”

Yaya 10:32 ပူးပေါင်းရင်းမြစ်များ

Ndawi 35:12

An obeelom eeppiinet nage minggirak nogo Onggo negen it nen maluk eeppanugwi, Eekwi paga Niniki abu aaninggin ndugu agan nage agarik o.

Wone Alom Kibingga 4:4

Mbake nagagirik, aap yabu nggwiirit-nggwaarit eekwi, ndi, ineenggi amburu paga eerit nugwi, eekwi iinok, aap ambi nen, “It eekwi ti, an togon eerikit lak, it mban eekwi yi, ao,” yinuk, anini inombake ti paga at ndak-ndak eerit nage kagagirak. Ti eekwi ti kunduk, o wiya mugurok nogwe kwe, pigoorak meek kwak aanom warogo aret eekwi iyareegirak.

Yeremiya 37:18

Yoge nagagerik, at Yeremiya nen aap endagembogut Terekiya nogo wone ambi yoge logonet, “Kat inom, kawuri kinom eeka inom, aakumi o yime wonogwe inom, maluk ngge eeppinagagirak kenok, an keele maarogo mambiigo menggam mambanggotak?

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Yaya 10:25

Yogo mbareegwa, at Yetut nen, “An muk yokkiragarak kwe, kit abet mbaka'lek aret ogotik. Nogoba endage kumbunuk eeke minggirak nogo paga nabok pagak ari menggerak kwe,

Yaya 10:31

Yorage mbareegi, it Yakuri mendek nen Yetut ambinom waruwok nduk yugum waganeegwaarak.

Yaya 10:33

Yorage mbareegi, it Yakuri mendek nen, “Kat obeelom eekendak paga koorugun lek o. Ata, Ala miyuk-meya eerogo pege, ndi, kat aap aret kwe, Ala aret eekko'net nage, eeke ti paga aret koorugun o.”

Yaya 10:37

An nogoba eeke menggerak nogo, eeka'lek neenok, kit kiniki noba panggombunuk abet nombariyak lek ti op aret kwe,

Yaya 5:36

at Yaya nen an nabok paganogo yokkirage ti, meek negen. An abu worok togon eeke logokit nduk, nogoba nen yo'nereegerak eeke minggirak nogo paga nogoba nen nappani wagagerak nabok pagak ari nogo ti, mondok iya lombok aret o.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 2:22

Kit aap Iterali mendek yi, wae. An yokkirage yi, liirogon konenggo logonip o. Ala nen aap Yetut Nataret mendek leenogo nappi wagagerak kit liippatubagip nduk, Ala nen omaawi eeppege kagak, at kinom logonet eerubok mendek eeke, inagabiti warak mendek eeke, tam warak eeke, eeke nagagerak kineenu nogo o.

1 Yaya 3:12

At Kayin nen eereegerak nogo pogom, kit togop eeriyak mage o. Maluk eeriyak ee'ninake menggerak aput at aret me, awuluk mondok wareegerak. Nonggop nduk awuluk wareegerak mbakop? Lek o. At Kayin maluk mban eeke menggerak me, awuluk obeelom mban eeke kage nagagerik, anini nen aret awuluk wareegerak.