Yaya 10:3 - Ala Wone Peenok Peebi Mbanak

³ At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Yaya 10:3 ပူးပေါင်းရင်းမြစ်များ

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Wundeegwaarak 33:17

Yoge mbareegi, at Aliku ALA nen Muta yoge, “Kendage neenu age, ndi, keebe ninikilom kombake, eekirak me, wone yo'negendak nogo ti, ndak-ndak aret eerikit o.”

Kini Wuppiige 27:23

Kamendek ti, mondok-mondok wonage, ndi, kendage tiyanak kenok kenggare-nggare yirik kwak kombowologwe nda'narit wundi wogwe iigak, kat unde wonage, Eeke logomunggun lek me, Kambin-ndomba ineebe keenu age, kaanggumi lembu-tapi liippege, eeke logot o.

Ndawi Iya 8:13

Kat yi yabu ndi yabu yarak me menggendak yi wae. Noreewi koone ari inaruk koneniyak uugwe mbakwi me, Koone konenikit nduk, yu o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yaya 10:14

Ndomba obeelom ndegeninaka an aret o. Nogoba nen an eenu menggerak,

Yaya 10:16

An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.

Yaya 10:4

At andomba lombok abok aret wogoret wundi nanuk, at aa'nduk nage kagak, at andomba nogo oone konenak me, at ambokan mugurok nogo menggaarak.

Yaya 10:9

Tu an aret o. It aap tu an wonage yi paga unggwi wogwe iinok, inagap ndakkolaagun o. Inagap ndarak wonogwe me, yinggak-unggwagak eeko logonet, inagari'ngga mbanogo nenet nogo logogun o.

Yaya 6:37

It an nogoba nen wo'nege nogo abok aret an neya woraagun o. Ndi, it aap an neya wogwe nogo ti, mbo piyaagin mondok lek o.

Yaya 6:45

It aap Ala nen yorage kagak yoraga nen liiru mbanggo logonet, Ala nen yi aakumi ndi aakumi abok aret wone mamunirage logogin o, yinuk, liiru mbaneegwaarak me, an nogoba nen wone mamunirage nogo yi aap ndi aap inaruk konembunuk, waganggwi nogo ti, an neya wogo menggaarak aret o.

Oroma 8:30

Nit nda'naga'lek niigak mii'ninake nagagerik, leenogo pinaneegerak nogo aret ninayonggo pereegerak. Ndi, ninayonggo pereegerak nogo aret obeelom agago pinaneegerak. Ndi, obeelom agago pinaneegerak nogo aret at ninom tiyappinaneegerak.

Pilipi 4:3

Ndi, kat nore Tundogot nimbirak Ala eyabu ndak-ndak eeke menggendak me, it kumi ti, obeelom wone wigak yuwak nduk, nggwiirit-nggwaarit eeko nogogwaarak me, yeenggwaarage logot o. Ndi, aap Kelemen kunduk, it an noreewi ando inendage mbuku ineenik aganaka paga mbanak wonage nogo kunduk, togop aret ninom eeko nogogurak me, inom yeenggwaarage logot o.

Kolote 4:3

Tamban eeko logonet, an Keritut awone kote kumaarak nogo yorage nagagirak paga keele maarogo mambaneegwaarak yime logonet, nagabiti mbaka'lek paganogo yorage logorak Ala nen tu koonogo panege, ndi, yorage neegak, aakumi nen, “Yi abet aret yo'nirage kogo,” mba'nuk, waawak nen eeppiige, eeke logowak nduk, Timotiyut nimbirak ninake tamban eeko logonip o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Yaya 4:6

Ndi, nit perak, Ala apuri mbogut paga mendek aret me, nit ninoone yogwe nogo, it Ala inom kunik nogo nen mban inaruk konenggo menggaarak. Ndi, Ala apuri lek kenok perak, nit ninoone yogwe nogo konenggulik aret o. Nit ninoone konengga'lek ti paga, “Aberiniki nen yorage kenok yogwe ilik, iniki koombunuk nen pilit yogwe a?” yinuk, nineenu ogo monggoorak.

3 Yaya 1:14

an mbet-mbet keya wage logominggirik, nimbirak ninengga kunna'nuk, wone li'lak mbaniyak uugwe mbake agarik o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.