Yaya 10:20 - Ala Wone Peenok Peebi Mbanak

²⁰ Eekkologo logonet, it ando nen, “At kugi inikime lik ari nagaarik, kumili kunggerak kagak, nonggop nduk at oone konenggo ogotik?”

Yaya 10:20 ပူးပေါင်းရင်းမြစ်များ

Yaya 7:20

Yorage mbareegi, it aakumi nogo nen, “Lek o. Kat kugi kinikime lik yegerak ya? Ta nen kooriyak eeke kenok, ari agandik?”

Marakut 3:21

“Aakumi ambik me, mbi noorak meek o,” yogwe at owe-awot inaruk konembogo nogogwaarik, “Aap yi kumili-kumili negen agan nege yi, piga nawok o,” yinuk, piga nawok nduk eereegwaarak.

Yaya 8:52

Yorage mbareegi, it Yakuri mendek nen at Yetut yogo logonet, “Wone yagandak ti paga kugi kinikime liinik abet aret keego o. At Abarakam inom, Ala nen yorage kagak yoraga inom, kambeegwaarak kagak, kat nen, Aap ambit ambi an noone liippunuk, mugurok nage kenok, kambigin mondok lek o, yagandak ti,

Nappiigak 26:24

Pawulut nen wone ti awo yorage kagak, at Petut nogo oone nggwok paga ari logonet, “Pawulut wae. Kat kumili aret keegi o. Yi wone ndi wone mamunggo'net nege paga kumili negen aret agan nege keegi o.”

Matiyut 10:25

at wone wagangga ambi nen at wone mamunega nogo imbirak ndak-ndak age kenok perak, op aret o. Ndi, ayeloman nogo nen ogoba nogo imbirak ndak-ndak age kenok ti, op mban o. Aap inowe o unde endage, Mbeletebut o, yogwi iinok, at awuri ti, abunuk yorogo logogun o,” yinuk, yoragagerak.

Matiyut 9:34

it aap Pariti mendek nen perak, “Kugi iyagalo nen yoreegerak paga at kugi aakumi inikime nen nggiginogo wumbiige menggerak o,” yinuk, agan nogo nogogwaarak.

Yetaya 53:8

Awone amburu liirogon mbanggwi, eekerak ndak-ndak eeppugwi, eeka'lek logonet, Inoone yimbu-lambu eerogo wonok nogogwaarak. Ndi, at paga wiganak nogo taani o? Lek aret me, at awone mbanulik aret o. Napuri wone yugu taganogo pogo nogogwaarak paga warogo pereegwaarak me, It aakumi wonogo menggam nen enggaawak lek aret agagerak.

Yeremiya 29:26

Tepaniya wae. At Aliku ALA nen at eebe unde logonet awi wurik arum logonok nduk aap Ala unde Yoyara obaane'me kat aret mippagagerak o. Ndi, it aap Ala yorage kagak yoraga ti, kumili negen yogwe me, it aap ti mendek inoone agan nogwe iinok, ineenggi-iniyok keele maarogo piige, inenggaanok mbutigeele paga yilunogo piige, eeriyak aret me,

Matiyut 11:18

At Yaya nogo nen mbi inom, anggur amburu inom, nenggeelik wagagerak me, kit nen, Kugi inikime unggwegerak o, yinuk, yogo monggotak.