Yaya 10:16 - Ala Wone Peenok Peebi Mbanak

¹⁶ An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.

Yaya 10:16 ပူးပေါင်းရင်းမြစ်များ

Wakkagagerak 49:10

Aap endagembogut ambin mbanak Mondok kat Yekura keenggime aret wonage, Ndi, ogoba nen aput awone kilirigetak nogo Porogo wonage menggi kwak, Kat keebe paga wiganak nogo nen mban wone ti, Eenggime pipporogo wonage, Eerit namenggi-namenggi Wone Alom Unde nogo kin ari wage kenok, Yi aakumi ndi aakumi inanebunu lombok abok aret At ari kenok mban eeko logogun o.

Ndawi 86:9

Nogoba o. Kat Ala kalik aret wonage, Abu nggwok lombok wonage, eerubok mendek eeke, Eeke menggendak me, Yi aakumi ndi aakumi ogobakkigirogo piyareegindak nogo Abok aret wogo logomenggaarik, Kat kabu'me tebe yinuk, kalut eekwi, Kat kendage kunogo tiyappagit nugwi, Eeko logogun o.

Wone Alom Kibingga 12:11

Aap iniki warak nen wone yogwe nogo ti, yawi wam teegak kwak wonage, ndi, wone yogo nogogwaarak kuwak eerak nogo ti, pulu eyo paga warak kwak wonage, eerak menggerak me, wone ti abok aret at ndegenninaka ambit nen aret wo'niragagerak o.

Yetaya 11:10

Ne ti eyom paga eyo omanggen Itayi paga agarip ndaremenggerak nogo yi aakumi ndi aakumi ineenu agak aret mi'nage, aakumi inanebunu lombok nen at abu'me ari unggwogwe iinok, at logowam mondok tiyak ari, eeke logogin o.

Yetaya 43:6

Napuri wo'niru o, yinuk, o omarip paga pa'nggwe yoge, Napuri inili ari mage o, yinuk, o ame pa'nggwe yoge, Eeke logonet, Napuri wologwe o nda nen, Napuri komologwe o nggween irip-irip nen,

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Yetaya 56:8

Aakumi Iterali mbo piya nogogwaarak wonogwe me nen wogoren wagagerak Aliku Itok Menggerak ALA nen ari logonet, “An kuwak eerogo piyareegirak wonogwe iigak, It aakumi ando inom lambunna'nuk logowak nduk wogoren piya woraagin o,” yinuk, yegerak o.

Yetikiyen 34:12

Aap ndomba ndegeninaka ambi nen andomba ndegeninake me, andomba ma'nogwe iinok, mbo piigeelik kwaarinabit nage menggi kwak, an nandomba togop aret kwaarinabit nagin o. Ndi, o tit narogo pege, o yumaak eerogo pege, eeke paga ma'narit namenggaarak wonogwe me nen inagap ndarogo wogoren piya woraagin o.

Yetikiyen 34:23

Aap ambi nen nandomba ndegeninake logowak nduk, mippigin nogo ti, nayeloman Ndawut aret me, at nen aret unde wogonake logogin o. Ndi, unde wogonake logonet, nandomba ndegeninaka at aret logogin o.

Yetikiyen 34:6

Puut teberogon paga inom, puut nggorek paga inom, an nandomba kobak eerak logonet, nugu agaarik o. O nggween paga abok aret nandomba mak eerak nugwi iigak, aap ambi nen maloppiinet nege, kwaarinabit nege, eeka'lek aret wonage agaarik o.

Yetikiyen 37:22

Piya nage logominggirik, it inanggween puut-puut paga time inanebunu ambit aret eerogo piyaminggirak wonogwe iigak, inanebunu mbere wonogwe, inoweewi inabu'me piinok menggam mbere wonogwe, eeko nogogwaarak nogo, ambinom eeko logogun lek aap inowe endagembogut ambit nen it abok aret at abu'me piinok, wone lengganogo yorage logogin o.

Yetikiyen 37:24

Nayeloman Ndawut nogo inowe endagembogut a'nuk, wone lengganogo yorage logogin me, ndomba ndegeninaka kwak, it abok aret ndegeninaka ambiret aret arigin o. At ndegeninake kagak eeko logorak wone an yorage minggirak nogo ndak-ndak mugurok nogwe, ndi, wone lengganogo yorage minggirak nogo pippunuk, liirogon eekwi, eeko logogun o.

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Takariya 2:11

Ne ti eyom paga yi aakumi ndi aakumi abok aret Naliku ALA ninom lambumbunuk, it an napuri arugun me, an it inenggela'me aret logogin o. Ti eeke neenok, at Omaawi Lombok Menggerak Aliku ALA nen an nappani wagaarak kineenu arumunggup o.

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Lukat 15:8

Ti yorage nagagerik, ambinom yorage logonet, “Kwe ambi wu 10 porogo wonage me, ambiret kobak age kenok, ndi wunimbunuk, liirubu koorogo nagake logonet, puk aga'lek kwaarit-mberaarit eeke nagaatik, kwaakkage menggerak nogo lek?

Yaya 10:11

Ndomba obeelom ndegeninaka ti, an aret o. At ndomba obeelom ndegeninaka nogo nen andomba inake kambikit mbake menggerak kwe,

Yaya 10:2

Ndi, aap ambi tu nda'nggi paga unggwage kenok perak, aap ndomba ndegeninaka aret o.

Yaya 10:27

An nandomba ti, an noone konenggo menggaarak. An nen it neenu minggirak me, it nen an mu'neren wogo menggaarak.

Yaya 10:3

At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Yaya 10:4

At andomba lombok abok aret wogoret wundi nanuk, at aa'nduk nage kagak, at andomba nogo oone konenak me, at ambokan mugurok nogo menggaarak.

Yaya 10:5

Aap inambik inambokan muguren nogolik o. Aap inambik inoone liippega'lek me, mbaganugun aret o, yinuk, mondok abet aret yokkiragi o,” yoragagerak.

Yaya 11:52

Aakumi Iterali mendek inake mban ti lek o. Ata, it aap Ala apuri yi awi ndi awi mak eerak wonogwe nogo kuwak eeppiyamenggerak iniki ambit lambunik logorak inake kambuurak me nduk, yoragagerak.

Yaya 17:20

It inalik mban inake tamban eeke lek o. Ata, it nen wone yoramenggaarak paga iniki noba panggombunuk, abet nombarugun nogo inom aret inake tamban eeke agarik o.

Yaya 6:37

It an nogoba nen wo'nege nogo abok aret an neya woraagun o. Ndi, it aap an neya wogwe nogo ti, mbo piyaagin mondok lek o.

Nappiigak 15:14

Aa'nduk at Ala nen it aakumi endekem mendek nogo at apuri eerogo piinok endage piyanggo logowak nduk, inabuwa mba'nuk, inenggela'me nen kwaarogo miirinabeegerak wone at Timon nen mbininogo yo'niragaarak o.

Nappiigak 22:14

Kage mbareegi, at nen yo'nege logonet, Ninombomini inogoba Ala iniki mbake menggerak keenu age, at Iniki Abe Koonak nogo kenegen kage, ndi, at oone ari nogo karuk konengge, eeke logonok nduk leenogo pagagerak o.

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

2 Tetalonika 2:13

Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

Iberani 13:20

Ndi, yogondak abu aret o, noreewi. Nit niniki ugun tayenak ale'nggen logowok nduk eeppinanege menggerak Ala nogo nen wone koonogo yo'niragagerak nogo, “Mondok-mondok eerigin o,” yinuk, abet mbako logowok nduk, ndomba mondok liirogon ndegenninake menggerak ninowe Yetut nogo, ninake amiya kili'nage mbareegi, kambunuk nogo menggam nen eenik agago mippereegerak me,

1 Peterut 2:10

Kit maan aa'nduk nen Ala apuri lek aret wonogogutak kwe, yogondak perak, at apuri eekkinabeegerak wonogwe, ndi, kit aa'nduk Ala nen kinabuwa mbake nagagerak nogo kineenggo'lek wonogogutak kwe, yogondak perak, at Ala kinabuwa nen obeelom eeppinagage nogo liippugwi, eeko ogotik o.

1 Peterut 2:25

Kit aa'nduk ndomba kobak aago kwak ugun nugu nogogutak kwe, yogondak nen at kinarum wake, ndegengginake, eeka nogo abu'me logobagip nduk, ka wogogutak o.

1 Peterut 5:4

Togop eekwi kiinok, nit ndomba ndegenninaka ninowe nogo, peebi wage logonet, “Kit abu obeelom eeko nogotak o,” yinuk, kinenggare-nggare mendaarak kiik ariyak lek mondok laambu logorak mendek yirippinagi woraagin o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.