Yaya 10:12 - Ala Wone Peenok Peebi Mbanak

¹² it aap ando nen, Yi nit ninandomba lek me, yinuk, liirogon ndegeninaka'lek, We onggo kolaawok, mba'nuk, ndegeninakwi nogo nen perak, mba'ngge wage inigen kogo nagaatik, ndomba mbo piinok, mbaganggo menggaarak. Mbaganggwi iigak, mba'ngge nogo nen ndomba eyak nggereniige logonet, mappiige menggerak.

Yaya 10:12 ပူးပေါင်းရင်းမြစ်များ

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Yaya 10:13

It aap ndomba liirogon piirogo wonogwe lek we, Onggo kolaawok, mba'nuk, piirogo menggaarak me, mba'ngge wage kenok, ndomba mbo piinok, mbaganggo menggaarak.

Yaya 10:2

Ndi, aap ambi tu nda'nggi paga unggwage kenok perak, aap ndomba ndegeninaka aret o.

Yaya 10:3

At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Nappiigak 20:29

An lambembinaganuk nage neegak, mba'ngge kinenggela'me unggwi wogo logomenggaarik, teppinagagun lek nibingginabugun ti, an neenu aret o.

1 Timotiyut 3:3

amburu kumili aganake ndonggorogon nenggeelik kenok, anini mbet-mbet wunggeelik iniki yanggonak kenok, yawi pegeelik kenok, wu inikilom mbakeelik kenok, aap togop mendek ti, Ala apuri unde logorak mippiyoorak op aret o.

1 Timotiyut 3:8

Ndi, it aap yeenggwaaragak nogo, togop aret it inayuk warak logonet, inoone mbere lek ambiret mban yogo menggaarak kenok, anggur amburu kumili aganake menggerak ndonggorogon nunggulik kenok, wu kolaawok nduk aakumi wi-wi eeginakulik kenok,

2 Timotiyut 4:10

At Ndemat nogo, nggween paga mendek mban inikilom agagerak me, mbo paninuk o Tetalonika nagagerak o. Ndi, at Kereket o Nggalatiya nage, at Titut o Ndalamatiya nage, eekwi iigak,

Titut 1:7

It aap aakumi inarum logorak nogo ti, Ala eyabu eeka me, maluk eeke kenok aakumi inoone inoba piyookwak, obeelom mban eerit nugu logowak o. It koonggwi mban eeriyak mbakwi, inanini mbet-mbet wungge, amburu kumili aganake mendek ndonggorogon nunggwi, ndugwi pugwi, aakumi inawu kolaawok nduk, wi-wi aganakwi, eeko menggaarak kenok, aap ti mendek mippiyoorak lek o.

1 Peterut 5:2

Kit Ala apuri inarum logobagip nduk, mippinagareegerak nogo, “Kineebi,” mbako logonet, inarum logorak ti mage o. Ata, Ala iniki mbake ndak-ndak, “Inarum logokit,” mbako logonet, ndomba ndegeninako mengga kwak, Ala apuri ti, togop aret ndegeninako logonip o. Ndi, onggo koloorak paga mban kiniki lunik logonet, ndegeninako logorak ti mage mban. Ata, we kiniki ale'nggen paga aret ndegeninako logonip o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.