Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaya 1:51 - Ala Wone Peenok Peebi Mbanak

51 Yoge nagagerik, ambi yoge logonet, “Peebi mbogut keyaappunuk, it Ala yonggo nappiya wage menggerak malayikat nogo nen an aap aret nda'nagagirak pe'neya wambi wogwe, mbogut paga lagi nogwe, eekwi iige logomunggun o, yinuk, abet aret yokkigi o,” yoreegerak.

အခန်းကိုကြည့်ပါ။ ကော်ပီ




Yaya 1:51
55 ပူးပေါင်းရင်းမြစ်များ  

Winna'nuk nogo yege me, oonikiya abi kage logonet, ya'na ambi nggorek abo ogu nggween paga nen nok, irip agi mbogut imbirak kunik wurik wonage me, Ala ayonggo malayikat mendek ya'na wurik ti paga laganggwi-wanggwi eekwi enegen iyareegerak.


Tahun 29 eeppunuk, ambi eerak tut 3 penembunuk, ambi penenak tanggal 5 tut ti paga an aakumi mbo piya nagagerak ninom niyo Kebat aa'nggi paga wonogwe me, nabinggaanggo paga mbogut tu paarak kagak Ala nonggop aago wonage nogo nenegen kagagirak.


At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.


Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,


An aap aret nda'nagagirak yi, an eeriminggirak nabok wone liiru mbanak ndak-ndak eeri nagin kwe, at aap it aakumi neebe nooruwak nduk yoramenggerak ti perak, abuwa o. At nda'nariyak lek mendek aret nda'nagagerak o.”


“E o,” yinuk, yiime wuppege mbareegi, Yetut yiime nen awo wundi wage kagak, mbogut keyaappege mbareegi, Aberiniki towe puume pogom wiga agan Yetut oba nabi wage kagagerak.


Yoge mbareegi, Ibilit nogo nen Yetut teppunuk, mbagangge kagak, it malayikat nogo nen Yetut iniki eyak wappi wogogwaarak.


Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.


Ala nen an aap aret nda'nagagirak nogo nggween paga aakumi inomaluk lek eerogo piyoorak unde mippaneegerak kineenu arubagip nduk, yogirak me,” yinuk, yorage nagagerik, aap eenggi-iyok nggunanak nogo yoge logonet, “Mi'na'nuk, kat nogo yege menggendak ndoonak ti, ko'nok, kame nak o.”


Wuppege mbareegi, wundi wage kagak, mbogut keyaake mbareegi, Aberiniki towe puume pogom wiga agan at Yetut oba nabi wage kagagerak.


Kin wokkage mbareegi, at Yetut nen, “Yagandak nogo ti, an aret o. An aap aret nda'nagagirak nogo, peebi at Omaawi Lombok Menggerak eenggi abe'nggan kwi'ndak wonage logominggirik, ti'nuk, mbogut paga nen ndugwi enggela'me wambi wage neyaamunggup o.”


Awo yorage me, it mbogut paga mendek wim eeka ineebe apit aago nu'lek me kuwak ari wogo nogogwaarik, at malayikat nogo inom Ala endage alut eeko logonet,


it Ala yonggo nappiya wage menggerak malayikat ambi nu'lek me inowagam mi'nari wage kagak, ninogoba Ala eya pindambiige mbareegi, inagabiti ambik aganabeegerak.


Yoge mbareegi, malayikat ambi mbogut paga nen at owagam tena'me ari wage nagagerik, iniki eyak wappereegerak.


Yogondak nen perak, an aap aret nda'nagagirak yi, at Omaawi Lombok Menggerak Ala eenggi abe'nggan kwi'ndak wonage neyaamunggup o.”


Eebe lek mbareegi, “Yi nonggop aga ubi?” mbakwi iigak, abera'lek me aap mbere inambogoyum abinak kwindagala aago yirik inowagam mi'nari wogwe iyareegwaarak.


At Yaya nen aakumi abok yiime wuppiige nagagerik, Yetut inom wuppege mbareegi, Yetut tamban awo eeke kagak, mbogut keyaake mbareegi,


Yoge mbareegi, at Yetut nen, “Kat eyo wuli alome wonage keegirak o, yinuk, yokkigirak paga kiniki noba panggombunuk, abet nombakendak ya? Kat eeke kagandak yi ti, mbuuluk negen eeke kagandak kwe, peebi perak, nggwok aret eeke kaamunggun o.”


Yorage nagagerik, Yetut nen ambinom yorage logonet, “It aap ndomba anggenogona unggwogo logonet, tu nda'nggi paga unggwaga'lek yagat uum unggwogwe iinok ti, aap inayogoot wulo kiraaka mendek aret o.


Liippega'lek wonogo mbareegwa, at Yetut nen ambinom yorage logonet, “Ndomba unggwogo menggam tu an aret o.


Ogoba tebenak kagak, ayeloman tiyanak wonageelik o. Ndi, at nappiige menggerak tebenak kagak, at nappi wagaatak tiyanak wonageelik mban o, yinuk, mondok abet aret yokkirage agarik o.


Yoge mbareegi, at Yetut nen, “Wulaga! Kat abet aret an nake kambuurak op mbake agandik ya? Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o, yinuk, mondok abet aret yokkege agarik o,” yoreegerak.


Aap ambit ambi iniki noba panggombunuk, abet nombake kenok, an eeke minggirak nogo at aret eeke logogin o. An eeke minggirak yi mbuuluk negen o. Ndi, an nogoba ka naminggirak ti paga, at abunuk nggwok aret eeke logogin o, yinuk, mondok abet aret yokkirage agarik o.


Kiniki puru ari, leenggu maakwi, eekwi kiigak, it aakumi o nggween paga yime menggaarak nogo nen inale'nggen mbarugun. Kit kiniki puru yumonggotak kwe, peebi kiniki puru ari nogo lek age logonet, obaane'me ale'nggen nggwok eekkinake kaamunggup o.


Ti eyom paga kit nen wone ambi kin wo'neyaamunggup lek o. Ti mendek wo'niret o, yinuk, nogoba nggino yogwi kiinok, an nendage kumbunuk, wokkirage kaamunggup o.


Kat tawe logonet, kayum yikko'nok ambime noorak mbake'nom nogome nage nagagindak kwe, peebi kanggok age logomenggendik, keenggi ngginogo nappege keenok keele maakkako logomenggaarik, kat noorak keebi mbaremengge'nom nogome aret pagi nagun o, yinuk, mondok abet aret yokkigi o,” yoreegerak.


Yoge mbareegi, at Yetut nen onggo at yoge logonet, “Aap ambit-ambi ngget nda'naga'lek kenok, Ala abu'me piige menggim enegen kaagin lek o, yinuk, mondok abet aret yokkigi o.”


Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.


Eekwi me, at Yetut nen it yorage logonet, “Ala aput nalik niniki koombunuk nen eeriyak meek o. An nogoba eeke nenegen kenok mban eeke minggirak o. Nogoba nen yi mendek ndi mendek eeke nogo ti, aput an ndak-ndak aret eeke minggirak.


Aput an aap aret nda'nagagirak me, aakumi inowak loonogo maluk onggo eeppiyoorak nogoba nen awone kili'nereegerak o, yinuk, mondok abet aret yokkiragi o.


Yogo mbareegwa, at Yetut nen, “Kineenu ariyak kinagabiti warak mendek eeke neegotak paga kwaa'nabit woroolik. Ata, kit mbi ndonggorogon nonggotak nogo paga kwaa'nabit wogotak kiigi o, yinuk, abet aret yokkirage agarik o.


Yogo mbareegwa, Yetut nen it yorage logonet, “Muta nen mbi wokkiragagerak nogo ti, mbi mbogut paga mendek wokkirage logolik. Ata, an nogoba nen aret mbi abe mbi mbogut paga mendek aret wokkirage menggerak.


Kit kiniki noba panggombunuk, abet nombakwi kiinok ti, mondok-mondok kineenik aret logomunggup o, yinuk, abet aret yokkirage agarik o.


Yogo mbareegwa, at Yetut nen it yorage logonet, “An aap aret nda'nagagirak neebe inom, namiya inom, nengga'lek kiinok, kineenik logomunggup mondok lek aret o, yinuk, mondok abet aret yokkirage agarik o.


Yogo mbareegwa, Yetut nen, “Ayeloman ambi ogoba abu'me logonet, aruk konok mban eeke menggi kwak, kit maluk eeriyak mban eekkinake kenok, maluk ti, ayeloman aret logomunggup o, yinuk, mondok abet aret yokkiragi o.


Aap ambit ambi an noone liippunuk, mugurok nage kenok, at kambigin mondok lek o, yinuk, abet aret yokkiragi o.”


Yogo mbareegwa, at Yetut nen, “Abarakam nda'naga'lek kagak, an wonage aret minggirak o, yinuk, abet aret yokkiragi o.”


Abinggaanggo kage logonet, mbogut keyaappunuk, mbogoyum tabak, irip agi-ogu, aru-ogwe pigaganggo nogogwaarik, towe-pagi inom, ndiimbu-nggwiya inom, weret-mbonon inom, abok aret yum ndoonak paga pugu nogo enaani nggween paga wurabi wage kagagerak.


yorage logonet, “Kinigen nigiyaanip o. Mbogut keyaakerak enggela'me aap aret nda'nagagerak nogo Ala eenggi abe'nggan mi'ndak wonage kagi o,” yoragagerak.


Ndi, yogondak aaninggin kit kinoba wonage nogo, peebi nit ninom niniki tayenogo pinanigin o. It waka'ngget mondok tiyanak menggaarak malayikat nogo ninowe Yetut inom mbogut paga nen kani omoonuk enggela'me wambi wogo logonet,


Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.


Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.


Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.


Aram ombowologwe ambo'me-ambo'me nda'narit wundi wogo logonet, 7 nda'nagagerak Enok nogo, Ala nen at yoge kagak aakumi yorage logonet, “It aakumi Ala wone woorak, Nineebi o, yinuk, Ala miyuk-meya eerogo pugwi, oone taganogo punuk, iniki liirak lek maluk ugun eerit nugwi, eekwi nogo ninowe nen inowak loonogo maluk onggo inoba piyaakit nduk, at awuri ake leenak malayikat nogo ineebe ambik lombok aago at inom wogwe iigirak o,” yinuk, yoragagerak nogo ti, it aap kinenggela'me agan nugwi nogo, aret eeppiyoorak nduk, yoragagerak o.


Yo'nege kage nagarik, mbogut paga tungga paarak wonage kagak, aap ambi endage Abet Mban Ari, Liirogon Eeke, Eeka nogo, kuda yanggwi negen amborowak paga kwi'ndak wage kagarak. Wage nagaarik, liirogon inowak loonogo a'me nggelok mban onggo wogorage, wim liirogon aret nambuke, eerit nage kagarak.


Ti yo'nege mbaki, nabinggaanggo ambi kage logonet, o mbogut paga time tungga ambi paarak kage neegak, nogome nen aap ambi nen oone nggwok eeka trompet oone nggwok ari pogom aa'nduk yo'nege konenggirak nogo ambinom yo'nege logonet, “Yogondak eeriyak kagandak nogo eeppunuk, peebi eeriyak nogo titikkirikit nduk lagi mok o,” yinuk,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ