Yaya 1:16 - Ala Wone Peenok Peebi Mbanak

¹⁶ At oona ngginik kagak iniki kunik nen eeppinanegak mban, eeppinanegak mban, eeke kenok, nit abok aret waganeegurak.

Yaya 1:16 ပူးပေါင်းရင်းမြစ်များ

Ndawi 84:7

Nogo logonet, inomaawi arit-arit O Tiyon kat Ala kenggaanom paga ari unggwogwe, Eeko menggaarak o.

Takariya 4:7

Togop me, puut nggorek kat yi wae. An nomaawi ambik, mbake keegak, at Terubaben wage logonet, kat yanggunogo paganuk, kobappaga eerogo pagagin o. Kobappaga eerogo paganuk, yugum aa'nduk lombok ogowa kwippege kagak, aakumi keekok yogo logonet, Ala ale'nggen koba wonage o. Ala ale'nggen koba wonage o, yinuk, at yorugun o,” yinuk, puut nogo yoge kagarak o.

Matiyut 13:12

Kit kinamendek wonage kenok ti, ambinom oba lunogo wokkiramenggerak me, ambik aret arigin o. Ndi, kinamendek lek kenok ti, kinamendek mbuuluk porogo wonogwe nogo aret ndinogo kolage kaamunggup o.

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Matiyut 3:14

Yaya nen oone non nggaruk togon yoge logonet, “Kat nen an yiime wuppaniyak op kwe, an nowagam wagan o.”

Yaya 3:34

At Ala nen nappi wagagerak ti, Ala wone mban ari menggerak. Ala nen at Aberiniki wogoge logonet, ambi eeriyak kenok, abok endak mban eeke logowak nduk, wogoreegerak.

Oroma 5:17

Aap ambit maluk eereegerak paga kanggwi alom nit abok ninoba wigak yereegerak me, kanggo monggoorak ti, abet aret kwe, aap ambi Yetut Keritut nen eereegerak paga Ala iniki kunik en ninabuwa nggwok togon mbake logonet, obeelom eerogo pinanikit nduk, onggo lek we aret wo'niragagerak nogo waganggwi niinok, kambugun mbakop? Mondok lek o. Nit mondok-mondok nineenik aret logogun me, at eereegerak ti perak, iya lombok o.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

Oroma 5:20

Ala nen aa'nduk Abarakam wone abok yoreegerak nogo eekwi iigak kwe, peebi wone ambinom Muta yoreegerak nogo ti, it aakumi nen, “Mu-mage agan nege yi, kagak eeginombaawok,” yogo logonet, Ala wone taganogo pit nogo logowak nduk, Muta wone peebi yoreegerak. Ti eerit nogo logonet, maluk nggwok eerit nogwe iinok, Ala nen inabuwa nggwok togon mbake nagagerik, iniki kunik nen obeelom eeppiinet nege nagagerak.

Oroma 8:9

Togop kwe, kit yi perak, kiniki maan mendek nen eeriyak eekkinake kenok eekwi lek o. Ata, Ala Aberiniki kinikime wonage kenok, Aberiniki nen yokkirage nogo mban eeko monggotak kiigi o. Ndi, Keritut nen Aberiniki nappi wagagerak nogo kinikime wonage lek kenok, kit Keritut apuri lek o.

Epetut 1:23

Ndi, nit Ala apuri yi awi ndi awi kuwak eeko monggoorak lambuk togon nogo ti, at eebe aret me, eebe ambit aruwak nduk, nit nineebe anobak nogo paga kumbinaneegerak me, yogondak at eebe yi awi ndi awi abok aret mondok endak warak menggerak.

Kolote 1:19

At Ala nen, “An neebe nitok li'luk aago minggi kwak, naput mondok ndak-ndak aret logowak o,” yinuk, inikilom mbake logonet,

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.