Yakobut 5:9 - Ala Wone Peenok Peebi Mbanak

⁹ Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.

Yakobut 5:9 ပူးပေါင်းရင်းမြစ်များ

Wakkagagerak 4:7

Yoge nagagerik, “Kat obeelom aret ee'netak nen kenete paga i'ndok nggi ari keyanetak kwe, obeelom eeriyak mbaka'lek keenok perak, maluk eeriyak kinikime unggwi woraakit nduk, enaakkake logonet, molok kirit nege me, kinikime unggwage kero, mondok liippake logot o,” yoreegerak.

Ndawi 59:15

It inambi kwaarit yi awi ndi awi nugwi, Kwaappunuk nenggaatak kwe, inanoma'le aga'lek kenok, Nggeewo ku agan nogo mengga kwak agan nugwi, Eeko menggaarak o.

Yetikiyen 7:12

Ti eeppiyoorak eyom ari wage, eeginaburak ne abu koonak nogo panggo ari, eeke agaarik o. Maluk onggo Naliku ALA nanini aakumi abok aret inoba kwippiyaakit nduk eeke me, it aakumi inoona kunggologwe nogo iniki ale'nggen mbakwi, ndi, aakumi kunggolaawak nduk, inamendek porogo wonogwe nen iniki wakkologwe, eerugwaarik o.

Ala Unde 19:18

Naliku ALA an aret me, inore ambi nen maluk eeppiige kenok, inanini nen onggo at maluk eeppugwi, ndi, Yi ee'nakerak ao, yinuk, inikime mban porogo wonogwe, eeriyak mage o. Ata, it ineebe iniki kunik eekkologo menggaarak ti kwak, aakumi inom menggaarak ti, togop aret iniki kunik aganako logowak o.

Matiyut 24:33

Togop eerigin o, yinuk, yokkiragarak yi, eeke kinigen kogo logomonggotik, E! Koorok panggo yegerak me, wage aret kogo o, yinuk, mbarumunggup o.

Marakut 13:29

Togop eerigin o, yinuk, yokkiragarak nogo, eeke kinigen kogo logomonggotik, E! Koorok panggo yegerak me, wage aret kogo o, yinuk, mbarumunggup o.

Marakut 6:19

Mambereegwaarak me, at kwe Keroriyat nogo iniki pale agan nage logonet, “Yaya warikit,” mbake kagak, at Keroret nogo nen, “Yaya nogo maluk eeka'lek iniki abe koonak aret kagi o,” yinuk, at Yaya nen wone at yoge nogo aruk konengge logonet, iniki aaninggin age kagak kwe, koneniyak inikilom mbake nagagerak me, agabiti mbake logonet, wake kero, arum wonagagerak me, Keroriyat wariyak meek agagerak.

1 Korindut 10:11

It eereegwaarak nogo ti, in wakkagak nit nineenu aruwok nduk, eereegwaarak me, o age yobok eeriyak eyom panggoni wage kagak, nit yogondak wonogwe yi, niniki liippatuwok nduk, wone yi, liiru mbanniragagerak.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

2 Korindut 9:7

it aakumi iniki ale'nggen paga kuwak eekwi iinok, Ala iniki kunik aganake menggerak me, kit kuwak eeko logonet, kiniki aaninggin kagak kuwak eekwi, kineebi mbakak kuwak eekwi, eeko logogup o. Ata, kinalitik-kinalitak kiniki koombunuk nen ale'nggen paga kuwak eeko logonip o.

Nggalatiya 5:14

“Ineebe iniki kunik eekkologo menggaarak ti kwak, aakumi inom menggaarak ti togop aret iniki kunik aganako logowak o,” yinuk, yo'niragagerak nogo ti, wone yugu liiru mbanak eebe tigitogon eekwi ti aret o.

Nggalatiya 5:26

Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Yakobut 4:11

Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.

Yakobut 4:12

Wone lengganogo yo'niragagerak owak loongge menggerak ti, at Ala alik aret o. At alik nen ninagap ndake, lek eerogo pinanege, eeriyak op aret kwe, kit Ala kokwak eekko'nok kinowe-kinawot inowak looniyak nduk eeko ogotik ya? Mage o, noreewi.

Yakobut 5:10

Nowe-nawot o. It aap Ala nen yorage kagak yorogo nogogwaarak nogo piyak-payak eeppiigwi iigak, iniki kwippunuk inogogumbuk logonet waganggo nogogwaarak nogo kwak, kit ndak-ndak aret in wakkagak eeko logonip o.

Yakobut 5:7

Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.

1 Peterut 4:5

it aakumi kambeegwaarak inom, nineenik wonogwe inom, Ala nen nit abok ninawone amburu mbanogo ninowak looniyak nduk li'luk aago wonage me, it togon eeko logomenggaarak nogo Ala nen, “Paganogo yo'ninip o,” yinuk, yoraagin me, paganogo yorugun o.

1 Peterut 4:9

Kinoreewi ambi kiya wogwe iinok, kineebi mbaka'lek kiniki ale'nggen paga kinambi magarogo logonip o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.