Yakobut 5:5 - Ala Wone Peenok Peebi Mbanak

⁵ Kit nggween paga mondok obeelom mban logonet, kinikilom kenok mban eerit nogo nogogutak nogo o. Wam amok warak age kenok wariyak nduk, mbi abuk nggininogo wogorogo mengga kwak, kit, “Yi mendek ndi mendek amburu warak mban na,” mbarit nogwe paga kinamok warak eekkologwe me, kinoorigin aret mbako logonip o.

Yakobut 5:5 ပူးပေါင်းရင်းမြစ်များ

Ndawi 17:14

Kaliku ALA wae. It aakumi nggween paga mendek nen Nggween paga mendek mban kuwak eeriyak mbakwi yi, Inenggela'me nen keenggi omaawi paga nagap ndaru o. Aaninggin inoba piyoorak koonogo piigendak nogo Ambi mbo puurak mage o. Ata, abok aret nggwik togon inoba piige, Inapuri kunduk, ineyate kwak inoba kwippiige, Ndi, ando ndiinik inombowologwe inoba kwippiige, Eeru o.

Ndawi 73:7

Iniki omaawi wonogwe me, Maluk eeriyak mban mugurok-magarok nugwi, “Maluk abu aret eeko o,” mbaka'lek eeriyak mban iniki koonogo pit nugwi, Eeko logonet,

Kini Wuppiige 17:1

Kiniki ugun tayenak logonet mbi abuk mban nunggo logorak ti op aret kwe, Wone-wone yogo logonet, laago nggwok larak nunggo logorak ti perak, maluk aret o.

Kini Wuppiige 7:14

“Ala nimbirak lambunik logorak ake name warogo lake, Wokkirigin o, yinuk, wone kumbuk mbaneegirak nogo ne yi paga ndak-ndak aret eeke, Eeke nagarik,

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Yetaya 22:13

It nen inale'nggen nggelok yinuk, ugun-ugun eerit nogo logonet, Nit ko'lu aret kambuurak me, amele o, yinuk, Tapi inom, ndomba inom, warogo lappunuk, Enggaanggum larak nenet nugwi, anggur amburu nenet nugwi, Eekwi iigirak o,” yinuk, yegerak me, yokkiragi o.

Yetaya 3:16

Aliku ALA nen ari logonet, “Kumi o Tiyon menggaarak inigen mbogut paga nugwi, Inenggaanok wo yagak nugwi, inigen unggut eerit nugwi, Iniyok irip paga pit nugwi, Iniyok paga pugu'ndalik-pugu'ndalek aago oone ngginu-ngginu agan nugwi, Eekwi me,

Yetaya 47:8

Togop me, kale'nggen kaanok nduk eekko'net nage, Niniki ugun tayenak wonage mbake, An iya aret o. Ndi, an kwak ambi wonage lek me, an kwe nanu age, Naagalogwe lek ogwe iinok, niniki wakkolage, Eerigin lek aret o, yinuk, yikkolage, Eeke kat yi, Wone an yokkege yi, karuk konengge logot o.

Yetaya 56:12

“Anggur amburu noorak wa nagin me, mok o! Yogondak nunggwi kwak lek, ko'lu abu alik negen ndonggok togon nunggo logogun me, Amburu omaawi mendek yi, yogondak kunduk ndonggorogon nunggo logowok o,” yinuk, yogo menggaarak.

Yeremiya 12:3

Togop aret kwe, Kaliku ALA wae. Kat an liippanege menggendak o! An eeke minggirak nogo kenegen neege, An kat paga nonggop kombake neyaamun? yinuk, nabut mbangge, Eeke menggendak o. Ndomba inooruwok nduk, wogoren wundi wogo mengga kwak, it aap ti, togop aret nigiren nage, Inooriyak eyom ari wage kenok, inooruwak nduk, leenogo piige, Eeke logot o.

Yeremiya 25:34

Kit kinenggaanok mbanogo pinagarak eyom muk aret panggoni wage, Niyoowak nggween nggabok paga abe ogobakkigirik wangge logonet, Telenak-mbelenak ma'nage menggi kwak, eekkinaburak eyom ari wage, Eekerak me, Kit aap ndomba ndegeninaka yi wae. Le yogwe, leenggu maakwi, Kit ndomba inarum waka yi wae. Wun paga lagak-mbagak yogwe, Eeko logonip o.

Yetikiyen 16:49

Awuluk o Torom nen maluk eeke nagagerak nogo yi aret. At aagalogwe inom ti, iniki wogoppatit nugwi, inambi-mbiingga ndonggorogon nunggwi, Nit mban, mbarit nugwi, eeko logonet, aap aaninggin inoba wonogwe inom, aap ineenggi lek inom, yeenggwaaraga'lek aret wonogogwaarak o.

Yetikiyen 39:17

Aakumi nen ndarak yi wae. Naliku Nitok Minggirak an ALA nen yagarak yoroorak nogo yi aret. Towe anebunu lombok inom, ndiimbu-nggwiya inom, abok aret woraawak nduk koone nggwok paga yoret o. An Naliku ALA nen inake warogo pipuk eerogo piige, Iterali wonogo menggam puut-puut paga inake pipuk eerogo piige, eeke me, yi o ndi o nen kuwak eeri woraawak o. Wogo logomenggaarik, it nen enggaanggum inom, amiya inom, nonggo logogun o.

Amot 6:1

It aakumi Iterali mendek nen, “Yeenggwa niraawak o,” yinuk, Aakumi ando tebenak iigak, it ambi abu tiyanak menggaarak inenggela'me nen kit kinengga warak kiya wogo menggaarak abok aret O Tiyon paga, “Niniki ugun obeelom wonogwe,” mbakwi inom, Puut Tamariya paga, “Niniki ugun tayenak nu'lek aret wonogwe,” mbakwi inom, kinabuwa o!

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 16:25

Yoreegerak kwe, Abarakam nen at yoge logonet, Naput o. Kat keenik logonet, paalo aago mban wonagagindak nogo o. Ndi, Latarut yi perak, ninggin-nanggin wonagagerak nogo kiniki aberu o. Yogondak Latarut yime logonet, iniki tayok yegerak kwe, kat perak, yagan yobak-nggolak wake agandik o.

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

1 Timotiyut 5:6

It kumi ineenggi eekwi lek amburu warak mban na mbarit nugwi iinok ti, ineenik wonogwe kwe, kambak negen aret wonogwe o.

2 Timotiyut 3:4

aakumi inambokan laganggwi, iniki koongga'lek ugun eerit nugwi, “An mban iya,” mbarit nugwi, Ala inikilom mbaka'lek iniki nengge kenok mugurok noorak mban inikilom mbakwi, ti mendek mban eerit nogo logogun o.

Yurat 1:12

Niniki-kiniki kunik paga mbi nawok nduk, kuwak eekwi me, it aap ti, inageerok abe mendek ko'nok wa'nuk, it ando abu iigak, inagabiti mbaka'lek inalik mban nonggo menggaarak me, yum abu laambu kwe, oololuk mili eerak menggi kwak logonet, eeko menggaarak o. Mayu ndugwi paga luurik lek me, ndugwi o wiya nen wonok nage, eyoonggen abe yuwak nduk, awi yakaatak kwe, anggen abe yega'lek kanenep age kenok, kinogo pegaatak me, mondok mbuk age,

Wayu 18:7

At Mbaben nogo ti, kwe yawukak nogo pogom me, iniki mbake logonet, An kwe togwe wonage nen niniki wakkolage logonet, le yikit lak kwe, aap pe'neya wogo menggaarak ineebe ambik wonogwe me, An kwe nggwok aret kagi, mba'nuk, niniki ale'nggen ambik mbake agarik o, yinuk, Iniki wogoppake logonet, endage tiyanak paalo aago mban wonage nogo obaane'me ale'nggen lek age logomenggerik, Iniki puru ari, andi yagan yobak-nggolak wake, eeke logowak nduk, aaninggin mondok oba kwippogo logonip o.

1 Tamuwen 25:36

Yoge mbareegi, kwe Abigayin nogo iyokan ame nage nagagerik, at Naban nogo aap endagembogut logonet, laago nggwok lako mengga kwak lappunuk, anggur amburu toolak nenok, kumili kuneegerak wiganinuk nege me, kwe nogo ka nage nagagerik, wone ambiriluk ambi at Naban yoga'lek kagak o aret weereegerak.

1 Tamuwen 25:6

Kat keebe li a'nuk kangge, kakwe kapuri kinom kineebe obeelom aret wonogwe, ndi, kamindik-kamendek ti, inaani amuni mbanak aret wonage, eeko logomunggup o.