Yakobut 5:16 - Ala Wone Peenok Peebi Mbanak

¹⁶ Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.

Yakobut 5:16 ပူးပေါင်းရင်းမြစ်များ

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

Wakkagagerak 20:17

At Abimelek nen at Abarakam akwe Tara nogo waganeegerak paga it kumi Abimelek ame wonogwe nogo tigitogon wubili agago piyareegerak me, ti'nuk, inaagalogwe ndaganako logowak nduk, at Abarakam nen tamban eeginake mbareegi, at Ala nen Abimelek inom, akwe inom, ayeloman komologwe nogo inom, obeelom agago piyareegerak.

Wakkagagerak 20:7

Non mbambagage wonagarak me, yogondak kwe ti, ogonggelo unde wogori nak o. At ogonggelo ti, an noone yoge neenok yoraga mendek me, kat kake tamban eerigin kenok, kambumunggun lek o. Ndi, kwe ti, ogonggelo wogorumunggun lek kenok perak, kat inom, kowe-kawot inom, Nit abok aret kambugun aret kagi, mbake logot o,” yoreegerak.

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

2 Tamuwen 19:19

yoge logonet, “Kat kawuri kinom o Yerutalem nen wundi woraanuk wogwe me, an kayeloman nen maluk eeppagareegirak nogo kiniki abeke, ndi, Aap maluk eeppaneegerak nogo yi o, yinuk, keebi nombake, eerugun o, nogoba. An kayeloman yi nen aret maluk eeppagareegirak neenu me, kat nowe kendagembogut nimbirak lambunikit nduk, o yogondak yi paga at Yutup ombowologwe abok aret inenggela'me nen an naa'nduk a'nuk, keya wagi o. Togop aret me, an eeppagareegirak nogo, kat nowe kendagembogut aberak logorak mage o.”

1 Endagembogut 13:6

Ti eeke mbareegi, aap endagembogut nogo nen aap Ala wone liirogon eeka nogo yoge, “An neenggi wonage menggi kwak obeelom ee'nabuwak nduk, nake tamban eeke logonet, kabuwa warak nggo-nggo Aliku kogoba Ala yoru o.” Yoge mbareegi, abuwa warak nggo-nggo logonet Aliku ALA yoge mbareegi, eenggi wonage menggi kwak obeelom aret agagerak.

2 Mbinineegwaarak 30:20

At Kitikiya tamban eereegerak nogo at Aliku ALA konembunuk, inagap mbugunggologogwaarak nogo, obeelom eerogo piyareegerak.

Ayup 42:8

Nayeloman Ayup nen nabok abe pagangge menggi kwak, kit togop yuulik paga aaninggin kinoba pinagarak mbakirak kwe, lek eerogo pinagakit nduk, tapi ngguunok 7 waganggwi, ndomba ngguunok 7 waganggwi, ee'nuk, nayeloman Ayup owagam nogo logomonggotik, ti abok aret warogo kinake kani kunggwi kiinok, nayeloman Ayup nen kinake tamban eeke kenok, naruk konengge logominggirik, kit eekotak ndak-ndak eeppinagagin lek teppinagagin o,” yinuk, yoreegerak.

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Wundeegwaarak 17:11

Muta nogo mi'ndak eenggi tiyapporogo kagak, it aakumi Iterali nen Amalek mendek inoorit nogwe, ndi, eenggi tebeppege kenok, it Amalek mendek nen Iterali mendek inoorit wogwe,

Wundeegwaarak 9:33

Ndi, Muta nen Pirawun nogo o kota nogome teppunuk, wungge nagagerik, eenggi titik eeke logonet, at Aliku ALA nogo yoge mbareegi, o mayu kumulinggen wangge nogo puk age, o ngguurubu eeke nogo lek age, eeke logonet, o mayu lubu-lubu nggween paga wangge nogo, mbaneegerak.

Kini Wuppiige 15:29

Aap maluk mendek ti, Aliku ALA imbirak lambunik lek ndarogon menggerak kwe, Aap iniki abe koonak nen tamban eeke kenok perak, at aruk liirogon aret konengge menggerak.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 28:9

Aap ambi nen wone yugu nogo, “Naruk koneniyak neebi o,” yinuk, aruk nakkolage kenok, At tamban eeke nogo Ala nen, “Koneniyak mondok neebi,” ari logogin o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 33:3

Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Yeremiya 42:2

Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.

Linggineegwaarak 11:2

Nenet nage mbareegi, it aakumi Iterali mendek inoone nggwok paga Muta yogo mbareegwa, at Muta nen Aliku ALA yoge mbareegi, kani nogo, noguk yereegerak.

Matiyut 21:22

Kit tamban eeko logonet, Ndogop aret eeke keyane, yinuk, mbakwi nogo abok aret kiniki abet mba'nuk Ala nggino yogwi kiinok ti, eeppinagage aret kaamunggup o, yinuk, abet aret yokkiragi o,” yoragagerak.

Matiyut 3:6

inomaluk paganggwi iinok, at Yaya nen yi Yoraran inikime wuppiige nagagerak.

Marakut 1:5

Yorage nogome wonage me, it yi aakumi ndi aakumi o Yureya nen, kota Yerutalem nen, abok aret at Yaya owagam nogo nogogwaarik, inomaluk paganggo mbareegwa, yi Yoraran paga niyome wuppiige nagagerak.

Lukat 9:6

Yorage nagagerik, nappiyareegerak nogo nogogwaarik, yi yaga'lelo ndi yaga'lelo unggwit nogo logonet, obeelom wone yoranet nugwi, aakumi obeelom eeginabit nugwi, eerit nugu nogogwaarak.

Yaya 9:31

It aap maluk eeko menggaarak inoone Ala aruk konenggeelik ti nineenu o. Aakumi Ala ayuk wuppunuk, at eeriyak mbake nogo eekwi iinok, inoone Ala aruk konengge menggerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 19:18

It aakumi ambik abet mbareegwaarak nogo wogo nagaatik, “Nit togon maluk togop aret eeko nogoorak o,” yinuk, nggwok paga paganggo nogogwaarak.

Nappiigak 8:24

Yinuk, mberege mbareegi, at Timon nen, “Ai! Kit yogotak nogo an ee'nake kero, kinogoba Ala yogo logonip o,” yoragagerak.

Oroma 3:10

“Aap ambit ambi iniki abe koonak wonage, Ambiriluk ambi iniki abe wonage, abu lek aret o.

Oroma 5:19

Aap ambi nen Ala yoreegerak ndak-ndak eerulik maluk eereegerak paga nit aakumi abok maluk eeko nogogurak nogo kwak, yogondak togon, togop aret aap alik ambi nen Ala oone liirogon eereegerak paga nit aakumi abok aret obeelom agago pinanikit nduk eereegerak kogo o.

Kolote 1:9

Kit togop eerit nogwe ninaruk koneneegurak kuli nen puk aga'lek kulinik-kalinik kinake tamban eeko logonet, Ala nen eeriyak mbake menggerak abok aret Aberiniki nen kineenu eeppinagage logonet, yi wone ndi wone alom abok aret yelok kogwe, ndi, kiniki warak eeppinagage, eeke logowak nduk, Ala yogo monggoorak.

1 Tetalonika 5:17

Puk aga'lek tamban mban eeko logonip.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

1 Tetalonika 5:25

Noreewi o. Ninake tamban eeko logonip o.

Iberani 11:4

At Kayin nogo nen amendek maluk negen Ala ake pi wagagerak kwe, Kaben perak, Ala yoreegerak nogo, “Abet aret yo'nigi,” mba'nuk, amendek obeelom mendek warogo Ala ake pi wage mbareegi, ake pi wage nogo Ala enegen kage nagagerik, “Aap yi, iniki abe koonak aret kagi,” yinuk, yereegerak. Ndi, at Kaben nogo ti, muk kambeegerak kwe, at abet mba'nuk eereegerak wone nogo nit awo mbininggwi me, ninom wone yogwe negen aret ogoorik o.

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.

Iberani 12:13

kiniyok andi nogo abunuk andi eekkinake kero, obeelom aruwak nduk, tu abe mot-mot yarak paga nogo logonip o.

Iberani 13:18

Ninake tamban mban eeko logonip o. Nit obeelom eerit nogo logorak mban, “Ao,” mbako monggoorak me, yi eekak ndi eekak eeko logonet, maluk eekoorak ambi ninikime abe'naga'lek kenok, “Obeelom aret eerit nogo monggoorak kogo,” yinuk, mbako ogoorik o.

Yotuwa 10:12

At Aliku ALA nen it Amori mendek aakumi Iterali wogorage mbareegi, inoorit nogwe iigak, at Yotuwa nen Iterali apit inenggaanom paga Aliku ALA yoge logonet, “Oonegen ti, o Nggibeyon irimbaga taati aret puk age, Tut ti, alu'me o Ayalon irimbaga taati aret puk age, Eeru o.”

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.

1 Yaya 3:22

At Ala nen, “Yogop ee'nu, ndogop ee'nu,” yinuk, yo'nirage menggerak wone inom, at eeriyak inikilom mbake menggerak nogo inom, ndak-ndak eekwi me, nit yi mendek ndi mendek wo'niraawak nduk, nggino yogwi nogo, at wo'nirage logogin aret o.

1 Tamuwen 1:12

At kwe Kana nogo oone lek we inikime nen mban Aliku ALA yoge logonet, tamban nggorek eereegerak. Eeke logonet, ambe puruk-lenggek ari at Eli nen liippege nagagerik, “Kwe yi, amburu nenok kumili kunggerak kagi,”

1 Tamuwen 12:17

O yogondak gandum anggen mbanggwi eyom nogo lek a? Mbanggwi eyom o kibi aret kwe, kit nen Aliku ALA mbo punuk, Aap ninowe endagembogut ambi mippinanu o, yogotak nogo ti, Aliku ALA enggaanom paga maluk nggwok eekotak kineenu arumunggup nduk, o ngguurubu eeke, mayu wuppi wage, eeruwak nduk, an nen at Aliku ALA yori o,” yinuk, yoragagerak.

1 Tamuwen 12:18

Yorage nagagerik, at Tamuwen nogo nen Aliku ALA yoge mbareegi, ne ti eyom paga aret o ngguurubu eeke, mayu wuppi wage, eeke mbareegi, it aakumi abok aret Aliku ALA inom, Tamuwen inom, it paga inagabiti nen, “Ia!” mbareegwaarak.