Yakobut 5:15 - Ala Wone Peenok Peebi Mbanak

¹⁵ Ndi, iniki Ala oba panggombunuk, tamban eekwi iinok, ninogoba nen aap andi nogo omaawi aret nege logowak nduk, obeelom eeppigin o. Ndi, at maluk eereegerak kenok, omaluk ti inom aret lek eerogo pigin o.

Yakobut 5:15 ပူးပေါင်းရင်းမြစ်များ

Yetaya 33:24

It o Tiyon wonogwe nogo ambi nen, “An andi ee'nake o,” yinuk, ari logogin mondok lek o. Ndi, it aakumi time wonogwe nogo inomaluk lek eerogo piige logogin aret o.

Matiyut 17:20

Yogo mbareegwa, at nen, “Kiniki liirogon abet nombaka'lek nogo paga eeriyak meek aret wonogotak o. Kit kiniki abet nombakwi nogo kulok anggen pogom logonetak en, puurom yi yogo logonet, Yime nen tayo yi nage keyaagin o, yogwi kiinok, tayo yi nage kaanetak o. Kiniki mondok abet nombakwi kiinok, kit eeriyak mbakwi nogo ambi eeriyak meek ti lek abok aret eeko logomunggup o. (

Yaya 5:14

Ti'nuk, peebi aap nogo Ala awi wurik me wonage Yetut enegen kage nagagerik, at yoge logonet, “Wulaga! Kat keebe obeelom aret agandak me, andi abunuk nggwok eekkake kero, maluk ambinom eerugun o,” yinuk, yoreegerak.

Yaya 6:39

Ndi, at nappani wagagerak eeriyak mbake nogo ti, it an wo'nege nogo ambit kobak ariyak lek, o age wobok paga it abok ineenik agago mippiyoorak mbake menggerak nogo aret o.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

2 Korindut 4:14

At ninowe Yetut eenik agago mippereegerak nogo nen peebi nit ndak-ndak nineenik agago mippinanege logomenggerik, Yetut ninom logowok nduk, kit ninom at owagam pinani nagin nineenu me, obeelom wone ti, mondok abet mbako logonet, yogo ogoorik o.

Yakobut 1:6

Kit Ala yogo logonet, kiniki yungguppegak eeka'lek mondok abet mbako logonet, yogo logonip o. Aap ambi iniki yungguppegak eeke logonet, Ala yoge kenok ti, o wiya wage logonet, niyo kilaarak-mogonik eeke menggerak nogo pogom aap ti, iniki togop aret menggerak o.

Yakobut 5:13

Aap ambi kinenggela'me nen aaninggin-paaninggin oba age kenok, at tamban eekkolage logowak o. Ndi, ambi iniki ale'nggen mbake kenok, ndawi wake logonet, Ala endage tiyappege logowak o.

Yakobut 5:16

Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.

Yakobut 5:20

Ala nen yokkirage logonet, “Aap ti, maluk eeke menggerak nogo mbo punuk, an noone woorak nduk, iniki yanggombunuk wonok wogotak paga, aap ti, kambunuk nogo menggam nage me, omaluk lek eerogo agap ndaruwak nduk, eekotak me, op aret eekotak o,” yinuk, yokkiraagin o.