Yakobut 5:13 - Ala Wone Peenok Peebi Mbanak

¹³ Aap ambi kinenggela'me nen aaninggin-paaninggin oba age kenok, at tamban eekkolage logowak o. Ndi, ambi iniki ale'nggen mbake kenok, ndawi wake logonet, Ala endage tiyappege logowak o.

Yakobut 5:13 ပူးပေါင်းရင်းမြစ်များ

1 Mbinineegwaarak 16:9

Aruk konenuwak nduk, ndawi paga yogwe, Konenuwak nduk, ndawi paga endage tiyappugwi, Iya tit eeke menggerak abok aret yoranet nogwe,

Ayup 33:26

Togop aret ogo logomenggaarik, It nen tamban eeko logonet, Ala yogwi iinok, Ala nen inoone konembunuk, obeelom eeppiige, Ala wonage me ina ni'na'nuk inale'nggen paga Ala alut eekwi iinok, Ala nen, Aap yi obeelom aret o, yinuk, Aa'nduk wonogogwaarak kwak eerogo piige, Eerigin o.

Ndawi 105:2

At ale'nggen mbaruwak nduk, ndawi wakwi, Ndawi paga endage tiyappugwi, Iya tit eeke nagagerak nogo abok aret mbininogo yoranet nogwe,

Ndawi 118:5

An nonggop eerubok ee'nake kenok, “Yeenggwa niru o,” yinuk, Noone nggwok paga Aliku ALA yoge neenok, At aruk konembunuk wondet eerogo panegerak o.

Ndawi 18:6

Eeppanit wage paga aaninggin noba wonage logonet, Aliku ALA noone nggwok paga yoge, “Nogoba Ala yeenggwa niru o,” yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Ndawi 95:2

At owagam nanuk, “Wa!” yogwi, Ninale'nggen paga ndawi wako logonet at alut eekwi, Eeko logowok o.

Yetaya 65:14

It an nayeloman mini nogo iniki ale'nggen nen ndawi wako logonet, keekok yogo logogun kwe, It perak, iniki aaninggin ndugu aago logonet, inoone nggwok paga le yogwe, iniki wakkologo logonet, leenggu maakwi, Eeko logogun o.

Ndaniyen 5:4

Anggur amburu nogo nonggo logonet, inagugi ogut mbuti emas paga, perak paga, tembaga paga, mbuti owak paga, eyo paga, yugum paga, ogobakkigirik nogo inayuk wuko logonet, inalut eereegwaarak.

Oteya 6:1

“It nen yogo logonet, At nen nibik-nobak eerogo pinaneegerak kwe, obeelom eerogo pinanege, At nen yawi ninooreegerak paga ninawin agagerak nogo nggerenogo pinanege, Eerigin me, Ninomaluk mbo punuk, niniyokan at Aliku ALA mugurok nawok o.

Yunut 2:2

Tamban eeke logonet, “An niniki aaninggin ndugu aago logonet, noone nggwok paga Kaliku ALA yokkege neenok, onggo yo'nege, Aakumi kambunuk nogo menggam kiiniki paga wonage logonet, Yeenggwa niru o, yinuk, noone nggwok paga yokkege me, noone yi, karuk konengge, Eekendak o.

Yunut 2:7

An niniki abu woroniyak ee'nake kagak Kaliku ALA koba abekkake, An tamban eeke nogo noone ndayo-ndayo karuk me unggwi nage, Kat kawi wurik alik leenak nogome ari unggwage, Eekerak o.

Mika 4:5

Aakumi inanebunu lombok inagugi inendage tiyappunuk eerit nogo logogun kwe, Nit perak, ninogoba Aliku Ala endage tiyappunuk, mondok-mondok eerit nogo logogun o.

Matiyut 26:30

Yorage nagagerik, ndawi wappunuk, wundi nogo nogogwaarik, puurom Tayitun paga lagi nogogwaarak.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Lukat 23:42

Yoge nagagerik, Yetut yoge logonet, “Ai, nogoba Yetut. Kendagembogut a'nuk wage kenok, an noba abeke logomunggun o.”

1 Korindut 14:15

Ti kenok, an tamban nonggop eeke logi o? An tamban eeke kenok, niniki kobak logonet, ambi inoone lalin negen woppunuk, eerigin lek o. Niniki nen abeppunuk, aakumi inoone paga aret eeke logogin o. Ndi, ndawi ari kenok, aakumi inoone lalin negen woppunuk kobak logonet ari logogin lek mban. Niniki koombunuk nen aakumi inoone yogo menggaarak nogo paga kin aret ari logogin o.

1 Korindut 14:26

Ti kenok, nit nonggop yuwok o, noreewi. Kit kuwak eeppunuk logonet, aap ambi nen ndawi tiyaniyak mbake kenok tiyangge, ambi nen wone ambi mamuniroorak mbake kenok mamunirage, ambi Ala nen paganogo yoge kagak, yoroorak mbake kenok yorage, ambi, it ambi inoone lalin negen woppunuk, yoroorak mbake kenok yorage, ambi, “Togop yigi o,” yinuk, abut laganogo yoroorak mbake kenok yorage, yi eeriyak ndi eeriyak ti abok aret eeko logonet, it Ala apuri iniki nu'lek eerogo piyoorak kenok mban eeko logonip o.

Epetut 5:19

Ndi, kit-kit aret kiniki mondok ale'nggen paga ninogoba endage alut eeko logonet, Ndawut ndawi pereegerak nogo inom, ki wone ndawi inom, Ala eeke menggerak ndawi inom, abok aret warit nogo logonip o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Yakobut 5:10

Nowe-nawot o. It aap Ala nen yorage kagak yorogo nogogwaarak nogo piyak-payak eeppiigwi iigak, iniki kwippunuk inogogumbuk logonet waganggo nogogwaarak nogo kwak, kit ndak-ndak aret in wakkagak eeko logonip o.

Wayu 14:3

Konengge nagarik, at wone lengganogo yorage menggim menggerak eebe nogo inom, it aakumi nen iigulik mendek ineebe 4 nogo inom, ndi, it mbogut paga wonogwe inoweewi inom, wonogwe iigak, it ineebe seratus empat puluh empat ribu nogo nen inabu'me wanggeko logonet, ndawi ngget mendek wakwi iigirak. Ndi, ndawi wakwi iigirak nogo ti, it aakumi ugun nen mamumbunuk tiyaniyak abu meek o. Ata, at Ala nen, “It o nggween paga time logorak lek o,” yinuk, aap seratus empat puluh empat ribu inonggo mbaneegerak nogo nen mban tiyaniyak perak op me, tiyanggwi iigirak o.

Wayu 7:10

inoone nggwok yogo logonet, “Wone lengganogo yorage menggenom kwi'ndak wonage kat ninogoba Ala nogo inom, Kat Ndomba Aagaluk inom, Kimbirak nen ninagap ndareegutak me, wa,” yinuk, yorogwe iigak,