Yakobut 4:3 - Ala Wone Peenok Peebi Mbanak

³ Ndi, kit ando Ala nen wokkiraawak nduk nggino yogo monggotak kwe, kiniki nengge nogo mugurok nogo logonet, lek eerogo patuwok nduk, kiniki abu alik koombunuk yogwi me, wokkiraagin mondok lek o.

Yakobut 4:3 ပူးပေါင်းရင်းမြစ်များ

1 Endagembogut 3:11

at yoge logonet, “Kat nen nggino yo'negendak nogo ti, keenik nggorek logorak inom, keenggi warak eekkoloorak inom, kawim anggen kumbunuk inooriyak inom, eeppagarak nduk nggino yo'negembok. Ata, aakumi inawone amburu mbangge logonet, alom liippunuk mbangge logorak, Eeppanu o, yinuk, yo'negendak me,

Ayup 35:12

It inoone, Ai ao, yogwe nogo ti, Aap maluk eeka wogoppako logonet yogwe me, Inoone Ala konengga'lek aret agaarik o.

Ndawi 18:41

Inoone nggwok paga, “Ninagap ndari woraanip o,” Yagaarak kwe, inagap ndari wogwe, “Kaliku ALA o,” yokkegaarak kwe, Karuk konembunuk, onggo yorage, Eerulik o.

Kini Wuppiige 1:28

Ne ti eyom paga it aap ti nen an yo'neremenggaarak kwe, an wone onggo yoraga'lek puk age, An kwaa'nabit namenggaarak kwe, kwaa'neega'lek aret wonogwe, Eerugun o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 21:13

It aap ineenggi lek nen inoone nggwok paga, “Yeenggwa niret o,” aap ambi yogwi nogo aruk nappatinuk wonage kenok, At kunduk oone yemenggerak kwe, onggo yorugun lek aret o.

Kini Wuppiige 21:27

It aap maluk mendek nen Aliku ALA ake warogo wogogwi iinok, eebi lombok mbake menggerak me, Iniki maluk ambi koombunuk ake warogo pit wogwe iinok perak, abunuk eebi lombok mbake menggerak o.

Yeremiya 11:11

it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yeremiya 11:14

Togop me, aaninggin inoba ariyak eyom paga, Yeenggwa niret o, yinuk, yo'nugwi iinok, inoone an konenigin lek me, it aakumi yi, inake nen tamban eeke, Ndogop eeppiyet o, yinuk, an nggino yo'nege, Inagap ndaru o, yinuk, an yo'nege, eeriyak mage o.

Yeremiya 14:12

It nen inambe mage negen logonet, Yeenggwa niret o, yinuk, nggino yo'nirimenggaarak kwe, inoone yogwe an naruk konengge, ndi, ndomba warogo nake kani kunggwi, gandum anggen yigirik niri wogwe, eeremenggaarak kwe, nale'nggen nen wagangge, eerigin lek o. Ata, wooluwak paga, mbi noogelo paga, kugilingga paga, ineebe lek eerogo piyaagin o.”

Mika 3:4

“Yeenggwa niru o,” yinuk, Aliku ALA yoriyak eyom ari woramenggerak yorumonggotak kwe, at nen kinoone konengge, Maluk eeko monggotak me, ne ti eyom paga kit tamban eekwi nogo, at etenggen kumaappatinuk wonage, Eeke logogin o.

Takariya 7:13

At Omaawi Lombok Menggerak Aliku ALA nen ari logonet, “It wiirage neenok, Ninaruk koneniyak nineebi o, mba'nuk mbo pereegwaarak me, it nen nggino yo'nugwi iinok, an naruk koneniyak neebi o, yinuk, mbo pereegirak o.

Matiyut 20:22

Yoge mbareegi, at Yetut nen, “Kit nggino yo'nugwi ti, kineenggo'lek logonet, nggino yo'nogo ogotik o. An nagi toolak nagin nogo ti, kit noorak op mbakop?” Yorage mbareegi, it nen, “E o. Nit noorak op aret o.”

Marakut 10:38

Yogo mbareegwa, at Yetut nen, “Kit yo'nugwi ti, kineenggo'lek logonet, yo'nogo ogotik. An nagi toolak nagin ti, kit noorak op mbakop? Aakumi yiime wuppiigwi kwak an ambi eeppanugun ti, kit eeppinagarak op mbakop?”

Lukat 15:13

Wogorage mbareegi, nogo mbereeret yinuk, aput ambokan ndarak nogo nen ageerok ogoba wogoreegerak nogo abok kuwak eerogo onggo mbanggolage nagagerik, awu ko'nok o nda time nagagerak. Nagagerak time logonet, iniki liippega'lek ugun eerit nege logonet, awu nogo tigippateegerak.

Lukat 15:30

kaput yi perak, kumi ugun wurinabit nege logonet, kawu wogoreegindak nogo tigippagit nege nagaarak nogo wage mbaki, tapi aagaluk amok warak lombok warogo lagagendak o.

Yakobut 4:1

Kit ndugwi pugwi, wone wakwi, eeko monggotak alom ti, ngge paga o? Kiniki nengge alom abok aret ti, “An nduk eeriyak, kat nduk eeriyak,” yinuk, kinikime nen nili-kili yogo logonet, eeko monggotak nogo lek a?

1 Yaya 3:22

At Ala nen, “Yogop ee'nu, ndogop ee'nu,” yinuk, yo'nirage menggerak wone inom, at eeriyak inikilom mbake menggerak nogo inom, ndak-ndak eekwi me, nit yi mendek ndi mendek wo'niraawak nduk, nggino yogwi nogo, at wo'nirage logogin aret o.

1 Yaya 5:14

At Ala iniki mbake nogo ndak-ndak wo'niraawak nduk, nggino yogwi niinok, at aruk konembunuk, wo'nirage menggerak nineenu me, ninagabiti mbaka'lek, “Wo'niraagin aret,” mba'nuk, at nggino yogo logowok o.