Yakobut 4:2 - Ala Wone Peenok Peebi Mbanak

² “An ndi mendek kolaakit lak, ao,” yinuk, kiniki nengge kwe, woorak meek age kenok, aap wariyak koonggwi, “An aret kolaakit lak, at mban kolage ti, neebi a,” yinuk, kinoreeluk aret kwe, kineebi mbakwi, eeko logonet, ndi mendek uugwe mbakwi nogo wagangga'lek kenok, wone wakwi, ndugwi pugwi, eeko monggotak. Kit uugwe mbakwi nogo, Ala nggino yoga'lek me, wagangga'lek aret ogotik o.

Yakobut 4:2 ပူးပေါင်းရင်းမြစ်များ

1 Endagembogut 21:6

Yoge mbareegi, at Akap nen onggo yoge, “An nen aap Yiteren mendek Nabot nogo yoge logonet, Keyabume anggur awi yarak kunikit mbakirak me, wu wokkiriyak ilik, anggur awi yarak, Wo'niriyak, mbake keenok, obaane'me ti aret wokkiriyak a? Yogirak kwe, at nen, Neyabume anggur awi yarak ti, wokkirigin lek o, yo'nege mbaki, niniki aagi a'nuk agarik o.”

Kini Wuppiige 1:19

Aakumi maluk eeppiigo logonet inamendek nabenogo kolaawok nduk eekwi onggo irip paga eeginaburak ti aret. Inamendek waganggwi ti nen it ineebe aret nggelenogo piige menggerak.

Wone Alom Kibingga 4:8

Aap ambi aput wulaga inom, awot wulaga inom, wonogwe lek iigak, alik mban wonage logonet, Amendek wonage nogo, “Abu aret wonage,” yinuk, kuli pega'lek yabu nggwiirit-nggwaarit eerit nage nagaatik, iniki mbake logonet, “An aap ta ake nggwiirit-nggwaarit eerit nage, Ndi, nonggop nduk nale'nggen lek kagak eerit nage, Eeke agarik o?” yereegerak. Ti eereegerak ti kunduk, aaninggin eerogo patiyak kagak aanom warogo eerit nage kagagirak.

Yetaya 7:12

Yoge mbareegi, at Akat nen onggo Yetaya yoge logonet, “At ambi mendek eeruwak nduk yoge, ndi, Aliku ALA abut mbangge, eeriyak ti, neebi o.”

Abakuk 2:5

“Aap eenggi warak eekko'net nage ti paga ambokan laganggolage, Aap iniki wogoppatit nega nogo, iniki teberogon wonaga'lek yi paga ndi paga mban koonit nege, Eeke menggerak o. Kambunuk nogo menggam nen, Abu aret waga o, mbaka'lek, Ambinom woraayok, mbake menggi kwak, At aap ti nen, Abu aret tebenggolagi, mbaka'lek ambinom tebenggolaakit, mban mbarit nege, Kanggo menggam nen, Abu ndonggoppanigi, mbaka'lek ambe a aago mban menggi kwak, at togop aret mbarit nege, Eeke logonet, Yi aakumi ndi aakumi at wonage me mban kuwak eerogo piya wage, Aakumi inanebunu lombok keele maageren abu'me piya wage, Eeke menggerak.

Yaya 16:24

O maan nen nok, yogondak kuli nendage kumbunuk nogoba ambi nggino yoga'lek aret ogotik o. Kiniki ale'nggen nggwok lombok kaamunggup nduk, nggino yo'nip o. Nggino yogwi kiinok, aret wokkirage kaamunggup o, yinuk, mondok abet aret yokkiragi o,” yoragagerak.

Yaya 4:10

Yoge mbareegi, at Yetut nen at yoge logonet, “Ala nen onggo lek we wokkiriyak inom, ndi, aap nen, Niyo too'niru o, yokkege nogo eebe inom, kat keenu logonet, Niyo aakumi ineenik eeginake menggerak mendek wo'niru o, nggino yo'nenetak en, niyo ti mendek aret wokkenetak o.”

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.

Yakobut 5:6

It aakumi maluk eekeelik nogo nen wone onggo yokkiraga'lek iigak, kit nen mban pilit wone inoba piinok, inooko nogogutak nogo o.

1 Yaya 3:15

Aap ambi at awot eebi lombok mbake kenok, at aakumi inooka aret o. Ndi, aakumi inooka nogo ti, at mondok-mondok ineenik logorak mendek unde eekkolaga'lek ti, kineenu aret o.