Yakobut 4:14 - Ala Wone Peenok Peebi Mbanak

¹⁴ Kit ko'lu eekkinaburak nogo, kineenggo'lek logonet yogwe kiigi o. Nineenik wonogwe nogo ti, laago aagi pogom aret o. Laago aagi nogo ti, ne ambit lagangge ninigen kogootak kwe, lek age menggerak kokwak ti, nineebe togop aret ee'ninake menggerak o.

Yakobut 4:14 ပူးပေါင်းရင်းမြစ်များ

2 Tamuwen 19:34

Yoreegerak kwe, at Mbaritilayi nen aap endagembogut yoge logonet, “An tahun mande neenik logorak me, kat nowe kendagembogut nimbirak o Yerutalem noorak, yo'negen o?

Ndawi 102:3

Kani ka'luk lek age menggi kwak An nda'nagagirak eyom togop aret lek arit unggwage, Kani kunik ket ari menggi kwak, An nowak worarit nage, Eeke agaarik o.

Ndawi 144:4

It aakumi ti, Inambe aagi ne ambit wungge kwak wonogo menggaarak o. Inagalu'mak lek age menggi kwak, Nda'nogogwaarak eyom nogo togop aret lek age menggerak.

Ndawi 39:5

An ne mande negen logorak ari nage nogo ti, Neenggi ambi wakkaanuk ambi wakkage nogo kwak Abu kuwagaluk eerogo panege, An nda'nagagirak neegak nggorek mbake kwe, Kat nen lek negen aret neege, Eeke menggendak me, Nit aakumi nineenik nggorek logorak mbakwi kwe, Ninambe aagi ne ambit wungge kwak Aret wonogo monggoorak.

Ndawi 89:47

An neenik wonage ti, Ne ambit liingge lek age nogo abeke logot o. Yi aap ndi aap abok aret We aanom warogo ogobakkigirogo piyareegindak me, ia!

Kini Wuppiige 27:1

Ko'lu ariyak keenggo'lek me, “An ko'lu ndogop eerikit o,” yinuk, wogoppatiyak ti mage o.

Yetaya 2:22

Togop aret me, it inambe aagi ne ambit wumbunuk kanggo menggaarak aakumi nogo Ineebe paga kiniki panggombunuk logorak mage o. It aakumi ti, nano kwak me, iya inombariyak mbakop? Lek aret o!

Yetaya 38:12

Aap ndomba ndegeninaka awooliya minogo ambime pi nogo mengga kwak, Nawooliya wurik minogo punuk, awiirogo panege, Kwe yum yega nen ambime nage logonet, yum yege nogo perenogo punuk wungge, Yum yega'lek obate paga munogo mbo pege, eeke menggi kwak, an nda'nagagirak nogo togop aret eerogo panege, Liingge nen nok oonikiya kuli at Aliku ALA nen neenik nggobok yi nawak nduk, mbo tek agago panege, Eeke agaarik o.

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

1 Yaya 2:17

It aap nggween paga mendek nen iniki koombunuk eekwi inom, yi mendek ndi mendek iniki nengge kenok mugurok nogwe inom, abok aret lek arigin kwe, Ala iniki mbake menggerak nogo, kit ndak-ndak eekwi kiinok perak, mondok-mondok kineenik aret logomunggup o.