Yakobut 4:13 - Ala Wone Peenok Peebi Mbanak

¹³ Wologo wae! Kit wone yogo logonet, “Yogondak a, ko'lu a, o kota time nogo logomonggoorik, wu kuwak eekkolaawok nduk, yi mendek ndi mendek kunit nugwi niigak, tahun ambit aruwak o,” yinuk, yogo monggotak nogo, kinaruk logonip o.

Yakobut 4:13 ပူးပေါင်းရင်းမြစ်များ

Wakkagagerak 11:7

ari nagagerik, “It inoone ambit yogwe nogo konen-konen yogo logokwak, inoone inalitak lombok eerogo piyaawok o.”

Kini Wuppiige 27:1

Ko'lu ariyak keenggo'lek me, “An ko'lu ndogop eerikit o,” yinuk, wogoppatiyak ti mage o.

Wone Alom Kibingga 2:1

An ninikime nen ari logonet, “Niniki yi wae. Nale'nggen mbariminggirak ti paga ambi abe ariyak kaamun ilik?” yinuk, wakkagatak kwe, ti kunduk, ndak-ndak we aanom warogo aret ariyak kage,

Yetaya 24:2

Ti eeke logonet, It Ala unde eeppiige nogo, aakumi we ugun mendek ndak-ndak eeppiige, Inogobamini eeppiige nogo, inayeloman mini wologwe ndak-ndak eeppiige, Inagalomini eeppiige nogo, inayeloman mini komologwe ndak-ndak eeppiige, It kunggwi eeppiigwi nogo, it kunggologwe ndak-ndak eeppiige, It luulu nggino yorogwe eeppiige nogo, it porogo wonogwe nogo ndak-ndak eeppiige, It nomat waganggwi eeppiige nogo, anomat mbanak ndak-ndak eeppiige, Eeke logogin o.

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yetikiyen 7:12

Ti eeppiyoorak eyom ari wage, eeginaburak ne abu koonak nogo panggo ari, eeke agaarik o. Maluk onggo Naliku ALA nanini aakumi abok aret inoba kwippiyaakit nduk eeke me, it aakumi inoona kunggologwe nogo iniki ale'nggen mbakwi, ndi, aakumi kunggolaawak nduk, inamendek porogo wonogwe nen iniki wakkologwe, eerugwaarik o.

1 Korindut 7:30

ndi, kit le yogwe nogo ti, le yogolik negen a'nuk, wonogwe, kit kiniki ale'nggen wonogwe nogo ti, kiniki ale'nggen lek negen a'nuk, wonogwe, kit yi mendek ndi mendek kunggwi nogo ti, yi mendek ndi mendek unde lek negen a'nuk, wonogwe,

Yakobut 5:1

Kit aap kineenggi warak yi, kinaruk logonip o. Kit andi yagan wako logorak eyom panggoni wage me, kinale yikkologwe, kinaleenggu maakkologwe, eeko logonip o.