Yakobut 4:11 - Ala Wone Peenok Peebi Mbanak

¹¹ Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.

Yakobut 4:11 ပူးပေါင်းရင်းမြစ်များ

Ndawi 140:11

Aakumi meek eerogo piiga ti, o nggween yi paga Obeelom logowak nduk, eeppiyoorak mage o. Ata, aaninggin mendek ti nen, “It aap inanini mbaka ti, Inoba kwi'narikit o,” yinuk, muguren nege logowak o.

Lukat 6:37

Yorage nagagerik, ambinom yorage logonet, “Kit kinoone omaawi paga perak togon aakumi yorogo logonet, Kit maluk o, yinuk, yoraagup o. Kinoone omaawi paga perak togon yorogwe lek kiinok, Ala nen perak togon, Kit maluk o, yinuk, yokkiraagin lek o. Kit nen aakumi inenggali wappiyaagup o. Inenggali wappiiga'lek kiinok, Ala nen kit kinenggali wappinagagin lek o. Kit nen it aakumi maluk eeppinagagwi nogo kinami eerogo pogo logonip o. Kinami eerogo pugwi kiinok, Ala nen kit kinomaluk lek eerogo pinagagin o.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

Oroma 2:13

At Ala nen Muta yoreegerak wone nogo ti, we inaruk mban konenggwi paga lek o. Ata, inikime nen liirogon woppunuk eebe aret eerit nogwe paga Ala nen, “Aap ti obeelom aret kagi o,” yinuk, yoge menggerak.

Oroma 7:7

Ti kenok, nit wone nonggop yuwok mbakop? Ala wone yugu Muta liiru mbaneegerak nogo ti, maluk aret mbakop? Mondok lek o. Wone Muta yo'netak lek en, an maluk eeke minggirak neenu a'netak lek o. Wone yugu ti paga nen, “Uugwe-uugwe eerugup o,” yenetak lek nen, an uugwe-uugwe mbake ti, neenu a'netak lek o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

Epetut 4:31

Kinoreewi kinom ogoorak wonogwe, neebi-keebi yogwe, nanini-kanini yogwe, wone wakwi, miyuk-meya eerogo piigwi, kinoreewi maluk eeppiigo monggotak nogo mendek abok aret mbo pogo logonip o.

1 Timotiyut 3:11

It inakuwi ti togop aret inayuk warak logonet, wone inambe irip paga wonok nugulik kenok, iniki warak kenok, ndi, yi eekwi ndi eekwi ineenggi omaawi eerit nugwi kenok, kumi togoti mendek iinok, it inogonggelomini aap yeenggwaaragak mippiyoorak op aret o.

2 Timotiyut 3:3

Ti eerit nugu logonet, inowe-inawot inabuwa mbakwi, inom lambuniyak mbakwi, eeka'lek aret logogun o. Aakumi inabok mbanit nugwi, eeriyak aganake kenok tebenogo pugwi lek mondok eerit nugwi, inanini wulo lombok logonet, aakumi mondok inoorit nugwi, obeelom eeriyak mondok ineebi mbarit nugwi,

Titut 2:3

It kumi inanggok ti, it eeko menggaarak liippunuk, Ala ayuk wuko logonet, eeko logowak nduk, aap inanggok yoroorak yokkigirak nogo ndak-ndak aret yorage logot o. Inambe irip paga wonok nugwi, amburu kumili aganake mendek ndonggorogon nunggwi, ti eeko logorak lek o. Ata, wone abe wone kenok mban mamunirogo logowak nduk, yorage logot o.

Yakobut 1:16

Nowe-nawot o. Kit an niniki kunik me, kiniki nomongginakwi iyo, liippogo logonip o.

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

Yakobut 1:25

Ala wone li'luk eerogo yo'niragagerak paga wondet agago pinanege menggerak wone nogo, li'lak pekkolage logomenggerik, kobak aga'lek liirogon woppunuk eeke logomenggerak kenok, Ala nen ale'nggen ambik aap ti, oba pege logogin o.

Yakobut 2:8

Ala wone mbanak ndak-ndak eeko logonet, “It ineebe iniki kunik eekkologo mengga ti kwak, aakumi inom menggaarak ti, togop aret iniki kunik aganako logowak o,” yinuk, nit ninogoba endagembogut wone lengganogo yo'niragagerak nogo eekwi kiinok ti, op aret eekwi kwe,

Yakobut 5:10

Nowe-nawot o. It aap Ala nen yorage kagak yorogo nogogwaarak nogo piyak-payak eeppiigwi iigak, iniki kwippunuk inogogumbuk logonet waganggo nogogwaarak nogo kwak, kit ndak-ndak aret in wakkagak eeko logonip o.

Yakobut 5:7

Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.

Yakobut 5:9

Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.

1 Peterut 2:1

Ti kenok, kit pilit wone yogo monggotak inom, kinikime alik eeriyak mbako logonet, agan nugu monggotak inom, “An eerikit lak at mban eeke yi, neebi a,” yinuk, yogo monggotak inom, nabok-kabok yogo monggotak inom, yi maluk ndi maluk ti mendek abok aret mbo pogo logonip o.