Yakobut 4:10 - Ala Wone Peenok Peebi Mbanak

¹⁰ Ala abu'me kiniki tebe yinip o. Tebe yogwe kiinok, at nen kit aret tiyappinagagin o.

Yakobut 4:10 ပူးပေါင်းရင်းမြစ်များ

2 Mbinineegwaarak 7:14

it aakumi nen, Ala apuri aret o, yinuk, nendage kunogo yokkirogo menggaarak an napuri kit nen kiniki tebeppatinuk, Ala etenggen kaawok lak, ao, yinuk, kwaa'nakwi, tamban eekwi, maluk eeko monggotak nogo mbo pugwi, eekwi kiinok, an mbogut paga logonet, naruk konembunuk, kinomaluk lek eerogo mbo pege, kinanggween obeelom eerogo pege, eerigin o.

Ayup 22:29

Aap iniki tiyappakwi iinok, Ala nen tebenogo piige, Ndi, iniki tebeppakwi iinok, at nen tiyappiige, Eeke menggerak me,

Ayup 5:11

Inendage tebenak kenok, inendage tiyappiige, Iniki wakkologwe windak iinok, inale'nggen eerogo mippiige, Eeke menggerak o.

Ndawi 113:7

Aap tebenak liirubu enggela'me nen pilanogo mippiige, It ineenggi lek aakumi inambeebuk mbo pogo menggam nen piyanogo mippiige, Eeke logomenggerik,

Ndawi 147:6

Aliku ALA nen it aap tebembiinok wonogwe nogo, Pilanogo mippiige menggerak kwe, It aap maluk mendek perak, Nggween paga inuut ngguluk nappiige menggerak o.

Ndawi 27:6

Ti eerogo panege keenok, Nawim wangge'nabemenggaarak nogo, Nabu'me iigak nuut pilak ari, Kawi wurik me kake warogo wokkege logonet, Nale'nggen nen kuum-keek ari, Karuk konenenok nduk, ndawi wake, Ndawi paga kanep tenok-mbenok ari, Eerigin o.

Ndawi 28:9

Kapuri yi, inagap ndarogo piige, Yate kwak kale'nggen inoba piige, Ndomba ndegeninaka kwak, kat aret age, Inarum logonet, mondok-mondok ndegeninake, Eeke logomunggun o.

Ndawi 30:1

Kaliku ALA wae. It aap ninom wim mbanak nen nooppunuk, “Keyik a! Op wako,” yogwe iyo, nagap ndarogo panege, An abu tebenak wonage me, tiyappanege, Eekendak me, Kat kalut eeke agarik o.

Wundeegwaarak 10:3

Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Yetikiyen 21:26

Aliku Itok Menggerak ALA nen eeppuurak yegerak nogo yi aret. “At yogondak wonage kwak logorak lek me, anobak paga yum perenak nogo nggoorogo mbo nappege, anggare-nggare yirik nogo nggoorogo mbo pege, eeruwak o. It aap iniki tebenak iinok tiyappiige, ndi, iniki tiyanak kenok mondok tebembiige, eerigin o.

Matiyut 23:12

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 1:52

It aap inendagembogut wone lengganogo yorogo menggam nogome nen tebenogo piige, Ndi, it iniki tebenak menggaarak nogo tiyappiige,

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

1 Peterut 5:6

At Ala nen, “Ne ti eyom paga tiyappiyaakit o,” yinuk, kooneegerak nogo a'me lik yi wage kenok, tiyappinagawak nduk, at omaawi ambik menggerak Ala nogo abu'me tebe yinuk, logonip o.

1 Tamuwen 2:7

Kaliku ALA nen mban aakumi ineenggi lek eerogo piige, Ineenggi warak eeppiige, Iniki wogoppakwi iinok tebeppiige, Iniki tebeppakwi iinok, tiyappiige, Eeke menggendak o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,