Yakobut 3:9 - Ala Wone Peenok Peebi Mbanak

⁹ Ninambe peenok paga ninogoba Ala alut eekwi, ndi, peenok paga aakumi Ala etenggen ndak-ndak ogobakkigirogo piyareegerak kagak, kugi pulunogo piigwi, eeko monggoorak.

Yakobut 3:9 ပူးပေါင်းရင်းမြစ်များ

Wakkagagerak 5:1

Aap Aram ombowologwe wiganak inendage liiru mbanak yi o. Ala nen aakumi wakkage logonet, at etenggen pogom aret ogobakkigirinabeegerak.

Wakkagagerak 9:6

An Ala neebe pogom aakumi ogobakkigirogo piyareegirak me, aap ambi nen aap ambi wake kenok, onggo aap alik ambi nen at aret warogo puwak o,” yoreegerak.

2 Tamuwen 16:5

Ti'nuk, aap endagembogut nogo, o Mbakurim time ari nage mbareegi, Ndawut wakwi iyo, awuri wim eeka inom, ineegin warak inoweewi inom, yengget-wangget eeppunuk, wonok nogwe me, aap Tawun anebunu logorogon ndarak mendek ambi Nggera apuluk Timeya nogo, time nen wundi wage nagagerik, Ndawut pulunogo pege logonet, yugum waganogo Ndawut inom, awuri inom yabu eeko menggaarak inom, inoorit nagagerak.

2 Tamuwen 19:21

Yoge mbareegi, kwe Teruya aagaluk Abitayi nogo nen ari logonet, “At Aliku ALA nen leenogo pereegerak amburu eerogo mippugu kagak, pulunogo pereegerak nogo, aap Timeyi yi aret me, at warogo puurak nogo lek a?”

1 Mbinineegwaarak 29:10

At Ndawut nen aakumi kuwak eerak nogo abok inenggaanom paga Aliku ALA alut eeke logonet, “Kaliku nogoba ALA wa! Ninombo Iterali ogoba kat aret o. Aa'nduk nen nok, peebi kuli, Kendage mondok-mondok tiyappogo logowak o.

1 Mbinineegwaarak 29:20

Tamban eeke nagagerik, at Ndawut nen aakumi apit kuwak aago nogo yorage logonet, “Aliku kinogoba Ala endage tiyappogo logonip o,” yorage mbareegi, it aakumi abok nen inombomini inogoba Aliku Ala endage tiyappogo logonet, abu'me tebe yinuk, alut eekwi, inowe endagembogut abu'me tebe yinuk, ayuk wukwi, eereegwaarak.

Ndawi 10:7

Inikime maluk mban yagabit aago logonet, Aakumi pulunogo piigwi, Pilit wone yoranet nugwi, Aakumi inagabiti mbaruwak nduk yorogwe, Eeko menggaarak. Ndi, inoone maluk mban wundi wage logonet, maluk eeriyak mban koonogo pit nugwi, Aakumi ale-pale eerogo piyoorak mban yogwe, Eeko menggaarak.

Ndawi 108:1

Ala wae. Niniki nu'lek kat paga panggonak wonage. Niniki yi wae. Kabolok yu o. An ndawi tiyangge, ndawi paga kanep pege, Eerikit o.

Ndawi 145:1

Kendagembogut nogoba Ala yi wae. An nen kat tiyappagage, Kendage mondok-mondok tiyappagit nage,

Ndawi 145:21

Togop aret me, an nen, “Aliku ALA abu tiyanak o,” yinuk, ari logogin o. Yi mendek ndi mendek inamiya warak abok aret At endage abu abe alik leenak nogo mondok-mondok tiyappogo logowak o.

Ndawi 16:9

Togop me, An niniki ale'nggen mbake, Noone paga kalut eeke, Eeke agarik o. An kanggo menggam naakit nduk mbo panege, Kaput Kikak Nakeelik Alik Leenak nogo kunduk, kambunuk pili age kagak teppege, Eerumunggun lek me, An kambigin kenok, neebe obeelom aret logogin o.

Ndawi 30:12

Noone puk logogin lek o. Niniki paga nen kanep pege logonet, ndawi wake, Ndi, Kaliku nogoba Ala wae. An mondok-mondok, “Wa!” mban yokkege, Eeke logogin o.

Ndawi 34:1

An yi eyom ndi eyom abok aret Aliku ALA endage tiyappege, At alut eeriyak mban ee'nake,

Ndawi 35:28

Ndi, an perak, “Aliku ALA nen obeelom mban eeppiige menggerak o,” yinuk, ari, Ko'lu-kii'me kendage tiyappege, Eeke logokit o.

Ndawi 51:14

Ala wae. Kat nogoba Ala nagap ndaka aret me, Aap amiya neenggi paga wonage nogo Lek eerogo panu o. Lek eerogo panege keenok, Kat obeelom eeke menggendak wone nogo Nale'nggen paga yoranet nege logogin o.

Ndawi 57:8

Niniki yi wae. Kabolok yu o. Nggitat inom, nggawiwak inom, yi wae. Kinoone yinip o. An o weeruwak nduk eerogo pikit mbakirak me, Mi'na'nuk kinoone yinip o.

Ndawi 59:12

Iniki wogoppako logonet, Inambe paga maluk mban porogo wonogwe, Inoone paga maluk mban agan nugwi, Eekwi nogo paga Keele pugu negen yilunggolaawak nduk eeppiige, Aakumi pulunogo piinet nugwi, Inoone pilit pugunit nugwi, Eekwi paga

Ndawi 62:4

“At amunggat oba tiyanak wonage nogo Lek eerogo puwok,” mba'nuk agan nugwi, Pilit puguniyak kinikilom mbakwi, Eeko logonet, Kit kinambe paga nen Aakumi kinale'nggen inoba piinet nogo logonet kwe, Kinikime nen kugi pulunogo piinet nugwi kiigi o.

Ndawi 63:4

An kambuurak kuli ari nage kagak, tiyappagit nage, Neenggi nippege logonet, “Nogoba Ala o,” yinuk, nggino yokkege, Eeke logogin o.

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Matiyut 26:74

Yogo mbareegwa, “An aap ti, abu neenggo'lek me, nombo owak o,” yinuk, ombo owak awo mbangge kagak, ayam oone aret yereegerak.

Matiyut 5:44

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, it kinom ogoorak monggotak nogo kiniki kunik eeginakwi, ndi, it piyak-payak eekkinako menggaarak nogo, inake tamban eekwi, eeko logonip o, yinuk, yokkiragi o.

Nappiigak 2:26

Togop me, an niniki ale'nggen mbake, Noone paga kalut eeke, Eeke agarik o. An kanggo menggam naakit nduk mbo panege, Kaput Kikak Nakeelik Alik Leenak nogo kunduk, kambunuk, pili age kagak, teppege, Eerumunggun lek me. Kanggo menggaarak mendek an aret kwe, Eeppaniyak niniki lunik aret me, niniki tayenak aret agarik o.

Oroma 3:14

Inikime maluk mban yagabit aago logonet, aakumi pulunogo piigwi, Inoone andiigwi mban agan nugwi, Eeko menggaarak o.

1 Korindut 11:7

Ala nen aap ti, kumi inake wakkoolik o. Kumi ti, aap inake wakkagagerak me, aap inalom ti, kumi lek o. It kumi inalom ti, aap aret me, inayum langgunik logonet, inogonggelomini inabu'me tebe yinuk, inayuk wuko logowak o. Ndi, aap perak, Ala nen, “An tiyappanugo logowak o,” yinuk, at etenggen pogom aret wakkagagerak me, aap ti, Ala abu'me tebe yinuk, inabetagi nggoorogo punuk, tamban eeko logowak o.

Epetut 1:3

Ala wonage menggim mbogut paga mendek eeppinaniyak mbake menggerak nogo mendek abok aret, Keritut ninom kumbinaneegerak paga nen eeppinanege me, ninowe Yetut Keritut ogoba Ala mondok alut eeko logowok o.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.

Yakobut 3:10

Ninambe ambit me nen wundi wage logonet, Ala alut eekwi, ti'nuk, aakumi kugi pulunogo piigwi, eeko monggoorak me, togop eeriyak abu mage o, noreewi togon, ai.

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

Owak Loongga 9:27

Mbakwi iigak, it aap nogo yabu yarak me nogo nogogwaarik, anggur anggen mbanogo kuwak eerogo aambiranogo punuk, iniki ale'nggen paga laago lappunuk, inagugi awi wurik me unggunuk, mbi nunggwi, anggur amburu nunggwi, eeko logonet, Abimelek pulunogo pereegwaarak.