Yakobut 3:8 - Ala Wone Peenok Peebi Mbanak

⁸ ninamili perak, yanggonogo owaanggo eeriyak meek o. Ninamili ti abu maluk, aakumi inooriyak nduk iri'ngga magagirak nogo pogom mondok yagabit aago wonage me, tebenogo puurak meek aret o.

Yakobut 3:8 ပူးပေါင်းရင်းမြစ်များ

Ndawi 140:3

Waalo aakumi inooka kwak logonet, Inamili irip paga wone agan nugwi, Waalo muuru eyak inooketak kanggo mengga kwak, wone agan nugwi, Eeko menggaarak.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Ndawi 57:4

Aakumi nen an nooruwok nduk eekwi ti, Singa aakumi nibininaburak kwak wonogwe, Ineyak ti, maale-wooluwak kwak wonogwe, Inamili ti, paloowi engget ambik kwak wonogwe, Eerak logonet, An wanggeppaninuk wonogo agaarik o.

Ndawi 58:4

Kinoone yogwe ti, Waalo aakumi inooka inameyo kwak wonogwe, Waalo aap yanggoninake menggerak abu eenu nen Waalo muuru yanggonuwak nduk Oone yanggok-yanggok yoge nogo konengge kwe, Aruk logu negen eeppunuk menggi kwak aret wonogwe, Eeko ogotik o.

Ndawi 59:7

It nen yogo logonet, “Nit yogwe yi, ta nen koneniyak? Lek me,” yinuk, Wone ugun-ugun kilirogo pit nugwi, Wooluwak paga inooko mengga kwak, Inoone paga nen inoorit nugwi, Eekwi yi, iyet o.

Kini Wuppiige 17:20

Aap ambi iniki nggolawe kenok, at obeelom eekkolaga'lek aret wonage, Ndi, aap ambi oone mbere ari kenok, at nen aret maluk oba kwippake, eeko menggaarak.

Wone Alom Kibingga 10:11

Waalo muuru, “Keyak mbaninaburak mage o,” yoga'lek kagak inooke kenok, Aap, “Keyak mbaninaburak mage o,” yoga nogo, yori noorak ti, we aanom warogo aret o.

Oroma 3:13

Inale'lok ti, aakumi nggween taanak ambe paga ari menggi kwak wonogwe, Ndi, inoone ti, pilit mban pugunit nugwi, Waalo muuru eyak inooketak kanggo mengga kwak wone agan nugwi,

Pelaareegerak 32:33

It anggur amburu toologo pugwi ti, waalo aakumi inooka amburu aret. Waalo anini ambik age yombak inooke menggerak pogom aret wonogwe o.

Yakobut 3:6

Ninamili ti, kani pogom aret o. Yi maluk ndi maluk anebunu abok aret alom ti, ninamili aret o. Ninamili ti, nineebe ando aret me nineebe apit aret maluk eerogo pinanege menggerak. Kani omoonu'me nen kani anggen wonok ninamili paga wuninogo pi wagaatak paga, nit aakumi nggween paga mendek eeko monggoorak abok aret eerit nogo logonet, maluk mban eerit nogo logowok nduk, ninoba wuninogo pinanit nage menggerak alom ti, ninamili aret o.

Yakobut 3:7

Towe-pagi inom, ndiimbu-nggwiya inom, woret-waalo inom, yi kole yenggenak laut inikime menggaarak yibut-yikwe inom, yi mendek ndi mendek ogobakkigirik nogo abok aret pigogo owaanggo eeginako menggaarak me, owaanggo eeginaburak op aret kwe,

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.