Yakobut 3:14 - Ala Wone Peenok Peebi Mbanak

¹⁴ “Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

Yakobut 3:14 ပူးပေါင်းရင်းမြစ်များ

Wakkagagerak 37:11

Yoge mbareegi, it at oweewi inikime nen, “Nit niigak at mban mippuurak ari ilik?” mbako logonet, mondok inanini agaket yogwe iigak, at ogoba perak, abi kagagerak nogo iniki nen liippunuk, abeke, koongge, eeke nagagerak.

Wakkagagerak 38:9

Yoge mbareegi, at awuluk iniki nen, “Kwe yi aagaluk ndarigin kenok, An naput, yaga'lek, Noweeluk aput aret, yogo logogun kagi,” mba'nuk, akwe nogo pigagangge kenok, oweeluk apuri wigak yukwak nduk, at oona mendek nogo we endekem kilirogo nappege nagagerak.

2 Endagembogut 10:16

at yoge logonet, “At Aliku ALA ake nanggena luk togon eerit nage minggirak kenegen neyaanok nduk, nimbirak nawok o.” Yoge nagagerik, at Yeku nen Yonarap nogo anggweendo wim eeka nogo paga wonok imbirak aret wagagerak.

2 Endagembogut 10:31

at Yeku nen eeko logorak Aliku Iterali inogoba Ala wone yugu nogo iniki panggombunuk, liirogon eerit noolik. Yerobeyam nen maluk eerit nage nagagerak paga Iterali maluk eerit nogo nogogwaarak nogo, at Yeku kunduk ndak-ndak eerit nage nagagerak.

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Kini Wuppiige 14:30

Aap iniki ugun tayenak wonage paga eebe omaawi aret eerogo pege menggerak kwe, Aap ambi eeke paga, “An togon eerikit lak, at mban eeke, ao,” mbarit unggwage paga perak, owa'na nenet unggwage menggerak.

Kini Wuppiige 27:4

Aap anini ambik nogo nen op neebi, maluk neebi, eerit nage, Anini wungge nogo ti, niyo wurik nage logonet, yi mendek ndi mendek yigirit nage menggi kwak, eerogo pit nage, eeke nogo ti, iya negen kwe, Aap ambi nen ore ambi eeke paga, “An togon eerikit lak at mban eeke yi, ao,” yinuk, anini lombok ombake ti perak, mondok iya lombok menggerak.

Yetaya 11:13

Piya woraagin me, it Eparayim mendek nen, “Nit togon eeppinanuwak lak, it mban eeppiige, ao,” yinuk, Ineebi inombakwi nogo lek age, It Yekura mendek inom wim mbanak nogo lek age, Eerigin me, Eparayim nen, “It mban eeppiige, ao,” yinuk, it Yekura ineebi inombakwi, Ndi, it Yekura nen it Eparayim mendek inom ambinom ogoorak wonogwe, Eeko logogun lek o.

Abakuk 1:3

“Maluk eerit nugwi enegen iyaawak,” nomba'nuk, mbo panege, Koone yugu taganogo pugwi iigak kwe, lambek wonage, Eeke ti, Nonggop nduk agandik? Nenegen neegak, maluk eerogo piinet nugwi, Inogogumbuk lombok logonet, eeppiinet nugwi, Ndugwi pit nogwe, wone warit nogwe, Eeko agaarik o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Nappiigak 13:45

Kuwak ari wogwe nogo it Yakuri inigen iigo nogogwaarik, “Nit ninoone konenuwak lak, it inoone mban konenggwi yi, nineebi a,” yinuk inanini nen at Pawulut oone ari nogo taganggo logonet, miyuk-meya eerogo pereegwaarak.

Nappiigak 26:9

An aa'nduk togon at Nataret mendek Yetut ti, endage miyuk-meya eerogo pikit aret mbake nagagirik,

Nappiigak 5:17

Ti'nuk, it Ala unde inowe nggwok awuri aap Taruki mendek abok inom nen, “Nit togop eeko logowok lak, it mban eekwi yi, nineebi a!” yinuk,

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

Oroma 1:29

Pulunogo mbo piyareegerak me, yi maluk ndi maluk alitik-alitak lombok ambik aret eeko nogogwaarak. Eeko logonet, maluk mban eerit nugwi, uugwe-uugwe mbakwi, inogogumbuk logonet agan nugwi, neebi-keebi yogwe, aap wakwi, yawi pugwi, inambokan laganggwi, inanini agaket yogwe, togot-togot wone yogwe,

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

Oroma 2:17

Kit Yakuri mendek perak, nonggop mbako ogotik? “Nit Yakuri mendek aret o,” yinuk, yikkologwe yi, wone Muta yoreegerak nogo paga, kiniki panggombunuk, “Ala ti, nit mban ninogoba aret o,” yinuk, wogoppakwi,

Oroma 2:8

Ndi, it ando inobaalombok mban eekkoloorak koombunuk eerit nogo logonet, Ala yereegerak nogo mugurok naga'lek, maluk mban eekwi iinok perak, Ala nen, “Aap yi, abu maluk aret o,” yinuk, anini nen maluk eeppiyaagin o.

1 Korindut 13:4

It aakumi inabuwa mbako logonet eekwi nogo ti, wone onggo mbet-mbet yoraga'lek puk wonogwe, inobaabut yanggonak wonogwe, eeko menggaarak. Ti eeko logonet neebi-keebi yogwe, iniki wogoppakwi, an iya mbakwi,

1 Korindut 5:2

Kit Ala apuri nen aap nogo maluk eekerak paga kiniki wakkologo logonet, kinenggela'me nen nggiginogo wumbuurak op aret kagak, “Yi iya eekerak lek o,” yinuk, taganogo punuk, wogoppatit nugwi kiigi o.

1 Korindut 5:6

Kit wogoppakwi ti, maluk aret o. Roti piike menggerak mendek mbuuluk roti enggela'me pugwi iinok, roti eebe abok aret piike menggerak nogo kineenggo'lek ya?

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

Nggalatiya 5:15

Kit neyak-keyak yogo logonet, at ambi nibinogo nappegak eekwi paga kineebe lek eerogo pakwi kiyo, liippogo logonip o.

Nggalatiya 5:20

kugiwak amili kunggwi, magagirak paga aakumi inookwi, iniki ogoorik-ogoorak wonogwe, wone wakwi, nuwa-kuwa yogwe, inanini mbet-mbet wungge, an eeke mban op mbakwi, an iya kat iya yogwe, iniki nen koombunuk pilit pugunogo agan nugwi,

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

Nggalatiya 5:26

Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Nggalatiya 6:13

It inagabolo mbanak nogo nen wone Muta yoreegerak nogo ndak-ndak eeka'lek logonet kwe, kit mban eeko logobagip nduk, yokkirogwe nogo ti, “Nit ninapuri ambik aga o,” yinuk, wogoppatuwok nduk, yokkirogo menggaarak.

Pilipi 1:15

It ando nen, “Nit togon ninoone konenggo logowak o,” yinuk, abet aret ineebi nombako logonet, “Tebembuwok,” mba'nuk, Keritut wone yorogo menggaarak kwe, it ando nen perak, iniki obeelom paga yorogo agaarik o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

1 Timotiyut 2:4

At nen yi aakumi ndi aakumi abok aret inagap ndappunuk, at ari menggerak wone nogo ineenu aruwak lak, “Ao!” inombake menggerak.

1 Timotiyut 6:4

at nen, “An neenu o,” nduk, wogoppatit nage kwe, kobak kagak we ugun agan nege o. At aap ti nen wone, “Yi ndogop me, ti ndogop me,” ari logonet, wone wake, ndi, wone mbuuluk yugu kagak ndugwi pege, eerit nage logorak ti, inikilom lombok mbarit nage menggerak. At togop eerit nage kenok, it aap ando Ala ari menggerak wone nogo mondok kobak logonet, maluk mban koonggwi nogo nen, “At ari kenok mban koneniyak, yo'nirogwe me,” yinuk, neebi-keebi yogwe, “An iya, kat iya,” yogo logonet ndugwi pugwi, at meek ombako logonet abok mbanit nogwe, ndi, inom wone mondok wakak mban eekwi, eeko menggaarak. It aap ti, “Ala wone liippunuk eerit nogwe niinok, nineenggi warak eekkolaawok,” mbako menggaarak kwe

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

Yakobut 5:19

Nowe-nawot o. Aap ambi Ala ndogop menggerak wone nogo koneniyak, “Neebi o,” yinuk, nomo agan nage me, kit ambi nen aap nogo iniki yanggombunuk wonok wogwe kiinok,