Yakobut 3:10 - Ala Wone Peenok Peebi Mbanak

¹⁰ Ninambe ambit me nen wundi wage logonet, Ala alut eekwi, ti'nuk, aakumi kugi pulunogo piigwi, eeko monggoorak me, togop eeriyak abu mage o, noreewi togon, ai.

Yakobut 3:10 ပူးပေါင်းရင်းမြစ်များ

Wakkagagerak 20:9

Inagabiti mbakwi iigak, at Abimelek nen Abarakam wiireegerak wage mbareegi, yoge logonet, “Kat nonggop eerogo pinani wagandak? An inom, it aakumi nabu'me menggaarak inom, maluk nggwok lombok eeppinani wagandak nogo ti, nit nen ngge eeppagagoorak paga maluk eeppinani wagandak? Togop eekulik kagak eeppinani wagandak.”

2 Tamuwen 13:12

Yoge mbareegi, kolaga nogo nen, “Mage ubi, noweeluk! Nit aakumi Iterali togop eekulik me, an neebi mbake neegak, kat an noweeluk nen maluk togoti eeppaniyak mage o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Oroma 12:14

Piyak-payak eekkinakwi iinok, kugi pulunogo piyoorak lek o. Ata, kinale'nggen aret inoba piigo logonip o.

1 Timotiyut 5:13

Ooluk-ooluk nogo yit nogo logonet, ineenggi lebenak eekko'net nugu menggaarak. Ti mban eerit nugwi ti lek o. Ata, wone inambe irip paga wonok nugwi, ambi me wok yagak nugwi, eerit nugu logonet, wone yuurak lek nogo mendek kagak ugun agan nugu menggaarak.

Yakobut 1:16

Nowe-nawot o. Kit an niniki kunik me, kiniki nomongginakwi iyo, liippogo logonip o.

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

Yakobut 3:1

Nowe-nawot o. Ala nen ninowak loongge logonet, nit aakumi mamuninako monggoorak nogo eeko logomonggoorak abu liippinaninuk, aaninggin nggwok ninoba pinanigin nineenu me, kit abok aret, “An mamuniraga mendek logokit,” mbarugup o.

Yakobut 3:11

Niyo eneeri ambit me nen ambi mili wundi wage, ndi, ambi nggut wundi wage, eeke kogo monggotak?

Yakobut 3:9

Ninambe peenok paga ninogoba Ala alut eekwi, ndi, peenok paga aakumi Ala etenggen ndak-ndak ogobakkigirogo piyareegerak kagak, kugi pulunogo piigwi, eeko monggoorak.