Yakobut 2:7 - Ala Wone Peenok Peebi Mbanak

⁷ Ndi, kit at anebunu mendek ogogutak endage tiyanak menggerak nogo miyuk-meya eerogo pugwi ti, it aap ineenggi warak nen eeppugwi nogo lek a?

Yakobut 2:7 ပူးပေါင်းရင်းမြစ်များ

Ndawi 111:9

Apuri wondet aago logowak nduk wone lengganogo piige, Eeppiyoorak wone koonogo pereegerak nogo Mondok-mondok eeko logowak nduk koonogo pege, Eereegerak me, At endage mondok iya alik leenak aret menggerak.

Ndawi Iya 1:3

Obari kagabolo paga aago ti, abu aberogon aret o. Kendage ti, obari abe eeka kilirik kwak aret wonage me, Komologwe tawe abok aret iniki kunik eekkako agaarik o.

Yetaya 43:7

It an nendage tiyappogo logowak nduk ogobakkigirogo piige, Ineebe longgo warogo piige, ina koonogo piige, Eereegirak nendage kunogo agan nogo menggaarak abok aret wogoren piya wogo logowak o,” yinuk, yegerak me, yokkiragi o.

Yetaya 65:15

An leenogo piyareegirak nen it inendage toonak punuk namenggaarak nogo, kumbunuk pulunogo piigo logogun o. Naliku Nitok Minggirak an ALA nogo nen it inoorigin kwe, it an nayeloman mini nogo perak, inendage alik yorage logogin o.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yeremiya 23:6

Endagembogut logonet, wone lengganogo yorage ti eyom paga it aakumi Yekura mendek inagap ndarogo piige, It Iterali mendek iniki ugun tayenak logowak nduk, eerogo piige, Eerigin me, At endage ti, Ninogoba A'me Nggelok Eeppinanega Aliku ALA aret o, yinuk, yogo logogun,” yegerak o.

Matiyut 12:24

Yogwe nogo ti aap Pariti mendek nen inaruk konenggo nogogwaarik, “Ia! Aap yi, kugi iyagalo Mbeletebut nogo nen yoreegerak paga mban kugi nggiginogo wumbiige menggerak kogo o,” yinuk,

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Nappiigak 11:26

kwaappunuk wonok, o Andiyokiya wagagerak. Wonok wage nagagerik, imbirak logonet, Ala apuri inom kuwak eekwi, aakumi ambik wone mamunirogwe, eekwi iigak, tahun ambit aret eereegerak. It Yetut oone waganeegwaarak, “Keritut Apuri o,” yogwe nogo ti, aa'nduk o Andiyokiya nen aret yogo nogogwaarak.

Nappiigak 26:11

It Yakuri tamban eeko menggam lombok it abet mbakwi mbo puwak nduk, inoorit nage, ndi, At Yetut endage miyuk-meya eerogo pinip o, yinuk, noone omaawi paga yorage, eeke nagagirak. It abet mbakwi ti, Abu neebi lombok, inombake logonet, nanini wu agan nage kenok, aakumi inambik iname o nda lombok time aret inoorikit nduk, muguren-magaren lombok nege nagagirak o,” yinuk, yoragagerak.

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.

1 Peterut 4:16

Ata, “Kit Ala apuri mendek aret o,” yinuk, aaninggin kinoba pinagagwi iinok perak, kinagabiti lek logonet, “Keritut endage paga eeppinanugwi me, op aret,” mba'nuk, Ala, “Wa,” yinuk, alut eeko logonip o.

Wayu 19:13

“At endage ti, Ala Wone aret o,” yinuk, an yo'nege kagarak. At ambogoyum nggorek paga aakumi inamiya labunik yikko'nok nage kagak,

Wayu 19:16

Ndi, at endage nogo ti, Aap Inendagembogut Inowe Endagembogut inom, Aakumi Inoweewi Inowe inom, nogo ti aret me, ambogoyum paga inom, ambulok paga inom, at endage ti, liiru mbanak wonage kagarak.