Yakobut 2:5 - Ala Wone Peenok Peebi Mbanak

⁵ Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

Yakobut 2:5 ပူးပေါင်းရင်းမြစ်များ

1 Endagembogut 22:28

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

Ayup 34:10

Togop aret me, Kit yi wone ndi wone kineenu yi, wae. An noone yokkirage yi, konenggo logonip o. At Ala nen maluk eeke, At Omaawi Lombok Menggerak nen ninggin eeke, Eeke menggerak yuurak mondok mage o.

Wundeegwaarak 20:6

it yi aakumi ndi aakumi apit lombok an nabuwa nen, Yogop ee'nu ndogop ee'nu, wone yokkirage minggirak nogo liirogon konembunuk eekwi iinok perak, inombowologwe wiganak inom apit aret niniki kunik eeginake logogin o.

Kini Wuppiige 13:7

Aap ambi eenggi warak yuwak nege kwe, amendek ambiriluk ambi lek aret wonage, Ndi, aap ambi nen amendek wonage kagak, lek mbaruwak eenggi melaarak nege kwe, amendek ambik aret wonage, Eeko menggaarak.

Kini Wuppiige 7:24

Togop me, napuri yi wae. Noone ari yi, kinaruk konenggwi, An wone yokkirage yi, liippugwi, Eeko logonip o.

Kini Wuppiige 8:32

Togop me, napuri yi wae. An eerit nage nogo mugurok nogwe iinok, inale'nggen mbako menggaarak me, An yokkirage yi, kinaruk konenggo logonip o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yetaya 29:19

It aap tebenak wonogwe nogo Aliku ALA paga inale'nggen mbako nogogwa kwak, peebi inale'nggen mbakwi, It aap ineenggi lek nogo at Kikak Nakeelik Alik Leenak Iterali inogoba paga iniki ale'nggen mbakwi, Eeko logogun o.

Tepaniya 3:12

At kota enggela'me time it aap iniki tebenak logonet, yanggonak mban eekwi, It iniki Naliku an ALA noba panggombunuk, mu'neren wogwe, Eeko logomenggaarak nogo perak, O kota yime logowak nduk, teppiyaagin o.

Takariya 11:11

Ne ti paga aret kalenogo pereegirak me, it ndomba wariyak ake leenak inigen iigak kalenogo pege mbareegi, “Yi eekerak ti, Aliku ALA nen aret eekerak kogo o,” yinuk, ineenu ogogwaarak.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Matiyut 5:3

“It aakumi iniki tebenak menggaarak nogo ti, At mbogut paga mendek abu'me piyoorak it aret me, Iniki ale'nggen aret mbako logowak o.

Marakut 7:14

Yorage nagagerik, it aakumi ambik wiiragagerak nogo, wogo mbareegwa, yorage logonet, “Kit abok aret an wone yokkirage yi, kinaruk liirogon konembunuk, waganggo logonip o.

Lukat 12:21

Yinuk, yorigin me, Ala nen it aakumi agi mendek paga ineenggi lek logonet, ogu mendek paga mban ineenggi warak eekkologwe iinok, at aap ti ndak-ndak aret o,” yinuk, yoragagerak.

Lukat 12:32

Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

Lukat 16:22

Ti'nuk, ne ambi paga aap ambe nggino yaga nogo kambeegerak. Kangge mbareegi, it malayikat nogo nen eebe wonok Abarakam ogome pi nogogwaarak. Pi nogogwaarak kagak, peebi aap eenggi warak nogo kunduk kambeegerak. Kangge mbareegi, oreewi nen eebe nggween taambereegwaarak.

Lukat 16:25

Yoreegerak kwe, Abarakam nen at yoge logonet, Naput o. Kat keenik logonet, paalo aago mban wonagagindak nogo o. Ndi, Latarut yi perak, ninggin-nanggin wonagagerak nogo kiniki aberu o. Yogondak Latarut yime logonet, iniki tayok yegerak kwe, kat perak, yagan yobak-nggolak wake agandik o.

Lukat 22:29

nogoba nen an aakumi inarum logokit nduk, unde eeppaneegerak nogo ndak-ndak.

Lukat 6:20

Togop eekwi me, Yetut nen at oone waganggwi nogo enegen pegiige nagagerik, yorage logonet, “Kit aap kinamendek lek yi, Ala abu'me pinagarak me, kiniki ale'nggen mbako logonip o.

Yaya 7:48

Kinoweewi inom, nit Pariti mendek inom, niniki at oba panggombunuk, abet ombakwi ambi niigotak ya? Lek aret o!

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Oroma 8:17

Ndi, nit at apuri kenok, aap ambi kangge logonet, eyate apuri unde eeppiige menggi kwak, Ala nen at apuri unde eeppiyoorak koonogo pereegerak nogo nit aret koloorak me, Keritut ninom ndak-ndak aret kologo logogun o. Ndi, at Keritut piyak-payak eerogo pugwi iigak wagangge nagagerak nogo kokwak, nit ti ndak-ndak waganggwi niinok, at tiyappereegerak nogo kokwak, nit togon togop aret tiyappinanigin o.

1 Korindut 2:9

At ambi nen ari logonet, “Inigen abe nen kogwe, oone ari inaruk konenggwi, Inikime nen, Yogop eeriyak, abe lombok koonggwi, eekulik nogo mendek aret o. At Ala nen it aap at inom iniki kunik mbako menggaarak nogo, inake pipuk-papuk agago piyareegerak wonage agaarik o,” yinuk, yereegerak liiru mbanak nogo ndak-ndak

2 Korindut 4:15

Togop me, aaninggin ninoba pinanugwi nogo ti, kit kinake aret eeppinanugwi me, op aret o. Ala iniki kunik nen obeelom eeppinaniyak wone at ambi waganggak, at ambi waganggak, eerit wiganinuk nage paga it aakumi apit Ala, “Wa,” yinuk, at tiyappuwak nduk, eeppinanugwi me, op aret o.

2 Korindut 6:10

niniki puru ari kwe, kagak ale'nggen mban mbakwi, nineenggi lek kwe, it apit ineenggi warak eeppiigwi, ninamendek lek aret kwe, yi mendek ndi mendek abok aret unde eerogo pakwi, eerit nogo monggoorak nogo abok aret ambi eerumonggoorak paga yiluk ari kenok, nit wone unde eeppinaneegerak nogo meek mbarukwak, Ala ayeloman logonet, “Eerit nogwe yi, iya,” yuwak nduk, niniki kwi'ndak logonet, mondok liippunuk aret eerit nogo ogoorik o.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Epetut 3:8

It Ala apuri alik leenak nogo abok aret tiyanak wonogwe iigak, an abu inabu'me tebenak tit neegak kwe, Keritut oba ngginik kagak eeppinanit wundi wage menggerak wone nogo, kit aap endekem mendek yokkirage, ndi, at yi mendek ndi mendek wakkagagerak Ala nogo nen wone o maan koonak kote kumaapporogo wonagagerak nogo, nonggop eeppinaniyak koonogo pereegerak yi aakumi ndi aakumi abok ineenu eeppiige, eeke logokit nduk, iniki kunik ee'nake logonet unde eeppaneegerak.

2 Tetalonika 1:5

Kit Ala abu'me logorak miikotak kenok, maluk eeppinagagwi nogo ti, Ala nen, “Kit obeelom aret me, nabu'me logorak op aret o,” yokkiraawak nduk, kinogogumbuk logonet, waganggwi me, Ala nen koonogo pinanege nogo ti, maluk lek obeelom aret koonogo pinanege menggerak nineenu ogo o.

1 Timotiyut 6:18

Obeelom eeppiinet nugu logonet, yi obeelom ndi obeelom eekwi paga ineenggi warak eekkologwe, iniki lek ndoobu aakumi wogoroorak mban inikilom mbakwi, eeko logowak nduk, mamunirage logot o.

2 Timotiyut 4:18

Maluk eeppaniyak mbakaarak nogo abok aret eeppanugwi iyo, nogoba nen nagap ndarogo at abu'me piige menggim mbogut paga time kuurik me aret pani nagin o. At togop eeppaningin me, endage mondok-mondok tiyanak aret logowak o. Amin.

2 Timotiyut 4:8

Ndi, yogondak at wone a'me nggelok owak loongga ninowe nen it aakumi obeelom eekwi iinok, onggo nggare-nggare mendaarak yippiige menggerak me, o age yobok paga an ambi yippanikit nduk, nake paneegerak wonage o. An nalik yippanigin lek o. Ata, yi aakumi ndi aakumi nen, “At kin ari woraawak lak, a o,” yinuk, tokkogwe nogo abok aret yippiyaagin o.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

Yakobut 1:16

Nowe-nawot o. Kit an niniki kunik me, kiniki nomongginakwi iyo, liippogo logonip o.

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

Yakobut 1:9

Oonegen wundi wage logonet, mo andi nen iri'ngga-kale'ngga teebat age nagaatik, mono-mono wangge logonet, etenggen maluk negen age menggi kwak, it aap ineenggi warak eekkolaawok nduk, eerit nugwi iinok, ineebe togop aret lek arugun me, kit noreewi Ala apuri ando kineenggi lek me kinendage tebenak wonogwe nogo, kineenggi warak age logonet, kinendage tiyak ari kenok, “Ala nen aret eeppanege o,” yinuk, kiniki tebenak logonet, ale'nggen mbakwi, ndi, kit ando kineenggi warak me, kinendage tiyanak wonogwe nogo, kinamendek lek age logonet, kinendage tebek ari kenok, “Iri'ngga-kale'ngga lek age menggi kwak, ninendage togop aret lek age me, op aret o,” yinuk, kiniki obeelom logonet, ale'nggen mbakwi, eeko logonip o.

2 Peterut 1:11

Ti eeko logomonggotak kenok, nit ninagap ndaka ninowe Yetut Keritut abu'me piige menggim mondok-mondok menggim nogome, at Ala nen, “Kit aret unde eekkola woraanip o,” yinuk, yokkiraagin o.

Wayu 2:9

it Ala apuri o Timirina eerit nogo menggaarak nogo, an neenu aret o. It aaninggin-paaninggin inoba age logonet, ineenggi lek age kwe, agi mendek paga ineenggi warak negen wonogwe nogo an neenu aret o. Ndi, it Yakuri mendek lek Ibilit eeke menggerak ndak-ndak eeruwok nduk kuwak eeko menggaarak nogo mendek kagak, we piliret, Nit Yakuri mendek aret o, yinuk, Ala apuri o Timirina mendek inoone miyuk-meya eerogo piigwi ti, neenu mban.

Wayu 21:7

It an noone mbo pega'lek inogogumbuk logonet, liirogon mugurok nogwe iinok, ineyate wogorogo mengga kwak, eeginaburak wone karuk konenggendak nogo eeginake logominggirik, an inogoba Ala aret age, ndi, it an napuri aret ogwe, eeko logogun kwe,

Wayu 3:18

It inagap mbelanak nugwi me aakumi nen inigen iigwi iinok, inenggali ogwe iyo, inayum laambu yanggwi negen yikkolaawak nduk kunggologwe, inigen mbuk nogo obeelom a'nuk yi mendek ndi mendek inigen kaawak nduk, amburu inigen me puurak kunggologwe, ndi, abe mendek paga ineenggi warak aruwak nduk, an nawu mbuti emas abe kani paga worarak nogo mendek inom onggo kunggologwe, eeko logorak yoraawak nduk, yoriyak, yokkigi o.

Owak Loongga 9:7

Mippereegwaarak nogo, at Yotam aruk konembunuk, puut Nggeritin paga lagangge nagagerik, oone nggwok paga agago wuppi wage logonet, “Kit aakumi Tikem monggotak kogona yi wae. Kinoone Ala konengge logowak nduk, an yokkirage yi, kinaruk logonip o.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,