Yakobut 2:4 - Ala Wone Peenok Peebi Mbanak

⁴ kit kiniki nen aap ambi maluk, ambi abe, mba'nuk, yorogo logomunggup nogo lek a? Ndi, inetenggen liippiinok, yorogwe me, aap wone owak loongga nen eeko mengga kwak eeko logonet, maluk aret koombunuk, yorogo logomunggup nogo lek a?

Yakobut 2:4 ပူးပေါင်းရင်းမြစ်များ

Ayup 21:27

Kit kiniki mbakwi nogo inom, Maluk eerogo paniyak koonggwi inom, An neenu aret nombako logonip o.

Ndawi 58:1

Kit o unde monggotak nagawan-nagawan yi wae. Kit wone a'me liirogon mbanggwi mbakop? Aakumi eekaatak ndak-ndak inowak loonggwi mbakop?

Ndawi 82:2

“Aakumi yiluk-yiluk inowak loonggwi iigak, Inaana'le mbanggwi, It maluk eeka inom ari nanuk, inom wone koonggwi, Eekwi kiigak, Ne mande ari nagin o.

Maleyaki 2:9

Eeko logorak mbake minggirak nogo, mugurok naga'lek mbo punuk, eeko logorak wone yugu nogo mamuninako logonet, inete yombonogo piinok, mamuninako menggaarak ti paga it aakumi nen meek inombakwi, inendage tebenogo piigwi, eeruwak nduk, eerogo piyareegirak o,” yinuk, at Omaawi Lombok Menggerak Aliku ALA nen aret yegerak me yokkiragi o.

Lukat 18:6

Yorage nagagerik, at ninogoba Yetut nogo nen, “Aap wone owak loongga nen wone abe owak loongge logolik kwe, yereegerak nogo koneninip o.

Yaya 7:24

Alom liippega'lek kagak, etenggen paga mban liippunuk, maluk inoba piyoorak mage o. Ata, alom liippunuk, eekaarak onggo ndak-ndak aret inoba piyoorak op o,” yinuk, yoragagerak.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

Yakobut 4:11

Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.