Yakobut 2:25 - Ala Wone Peenok Peebi Mbanak

²⁵ Ti eereegerak ndak-ndak, kwe terak wuka Arakap nogo nen it aap Iterali mendek o pekkoorak nduk wogogwaarak nogo, inookwi iyo, kumaappiinok, tu alik paga nomonogo nappiyareegerak nogo paga, Ala nen, “Kwe yi, abe o,” yinuk, obeelom agago pereegerak nogo lek a?

Yakobut 2:25 ပူးပေါင်းရင်းမြစ်များ

Matiyut 1:5

ndi, Talomo nen kwe Arakap kolage nagagerik, Mbowat ndake, at Mbowat nen kwe Urut kolage nagagerik, Obet ndake, Obet nen Itayi ndake,

Matiyut 21:31

Inogoba eeriyak iniki mbareegerak nogo apuri mbere me, ambi ta nen eereegerak mbakop?” Yorage mbareegi, it nen, “Lek o. At peebi mendek nogo nen aret eereegerak kogo o.” Yogo mbareegwa, at Yetut nen, “It aakumi mondok ineenik logorak mbakwi iinok, obeelom eerit nugu logorak Ala mbake wone nogo, at Yaya nen mamunggira wagagerak kwe, kit nen, Yi abet aret yo'nirage, mbaka'lek kiigak, it o unde inake wu kuwak eeka inom, kumi terak wurinaka inom, nogo nen mban abet mbareegwaarak. Ndi, it aret abet mbareegwaarak kinigen iigo nogotik, Ao, nit kunduk, ninomaluk mbo punuk, abet mbaruwok o, yuurak op aret kwe, mbo punuk, abet mbaka'lek wonogwe me, kit awo Ala abu'me unggwi naga'lek kiigak, it o unde inake wu kuwak eeka inom, kumi terak wurinaka inom, inaa'nduk aret unggwi nogo agaarik o, yinuk, abet aret yokkiragi o,” yoragagerak.

Nappiigak 17:7

at Yaton nen wogonakerak o. It aap ti, at Kayitat nen wone lengganggetak nogo taganogo pogo logonet, Ninowe endagembogut alik ambi wonage nogo ti, endage Yetut aret o, yinuk, yogo menggaarak o,” yoragagerak.

Iberani 11:31

Kwe yawukak Arakap kunduk, Ala nen it Iterali mendek eeppiige nogo, aruk konembunuk, iniki abet aret mbake nagagerik, aap o pekkaawok nduk wogogwaarak nogo, iniki obeelom paga kumaappiyareegerak me, peebi it aap Ala wone taganeegwaarak nogo inooko logonet, at kwe nogo teppereegwaarak.

Yakobut 2:18

Togop aret kwe, kit ambi nen, “Kat abet mban mbake kwe, an perak, eebe inom aret eeke o,” yinuk, yogwe kiigirak me, wologo wae. Kit abet mbakwi nogo, eebe inom eeka'lek kiinok, “Yi aap abet mbaka'lek aret,” kinombarugun kwe, an perak, abet mba'nuk eebe inom aret eeke me, “Yi aap abet mbake aret,” nombarugun yi kogo ogotik?

Yakobut 2:22

Ala abet mbake logonet, eebe inom eeke mbareegi, “Aap yi, abe o,” yinuk, obeelom agago pereegerak yi kogo ogotik? Ndi, eebe aret eereegerak paga at iniki abet mbareegerak nogo yobok yuulik, mondok endak aret agagerak o.

Yakobut 2:24

Ti kenok, niniki abet mba'nuk eekwi kwe, eebe inom eeka'lek kagak, Ala nen, “Aap yi, abe o,” yinuk, obeelom agago pinanigin lek o. Ata, abet mba'nuk, eebe inom eekwi paga eeppinanege menggerak yi kogo ogotik?

Yotuwa 2:1

Yogo mbareegwa, at Nun aput Yotuwa nogo o Titim logonet, aap mbere o Yeriko inigen yombooni nawak nduk, kote kumaarogo nappiige logonet, “O yaga'lelo ambik wurik Yeriko ti inom kinigen liirogon pippak yomboombunuk, woro o,” yoraanuk, nappiyareegerak. Nappiige mbareegi, nogo nogogwaarik, kwe ambi ya wukak endage Arakap ame nogo yereegwaarak.

Yotuwa 2:15

Yogo mbareegwa, kwe nogo ame o kota yugum pak wurik wuka wagak tiyarogon wurik wukagi ambe mbanak me nen keeleluwi paga pugunogo endekem wumbiige logonet,

Yotuwa 2:16

wone yorage, “It aap kwaakkinabit nogwe nogo kwaakkiyookwak, o endekem puut nggelok-nggobok time kumaarak nogo kenagan yogo logomonggotik, it aap kwaakkinabit nogwe nogo iniyokan wogwe iinok perak, aret namunggup o.”

Yotuwa 2:6

At kwe nogo nen aap nogo wogoren tilaabaga nggiru tiirogo woloombereegim enggela'me kumaappiige nagagerik, yoragagerak.

Yotuwa 6:17

O ti wokkiraagin kwe, inawi kota inom, inamindik-inamendek o time wonage inom, ti at Aliku ALA amendek at ake aret me, tigitogon aret lek eerogo pumunggup o. Ndi, kwe ya wukak Arakap ti perak, it aap o yi inigen yomboonuwak nduk, nappiya wogoorak nogo, kumaappiirogo wonagaarak me, at inom, it at ame wonogwe nogo inom, it mban teppiyaamunggup o.