Yakobut 2:21 - Ala Wone Peenok Peebi Mbanak

²¹ Nit ninogoba Abarakam nogo nen Ala ake warogo kani kunggo menggam ogobakkigirogo punuk, at aput Itak Ala ake pereegerak nogo paga Ala nen, “Yi aap abe o,” yinuk, obeelom agago pereegerak nogo lek a?

Yakobut 2:21 ပူးပေါင်းရင်းမြစ်များ

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Matiyut 12:37

Ala nen kinowak loongge logonet, Kat obeelom o. Kat maluk o, yokkiraagin nogo ti, kinoone yumonggotak paga mban eerigin o,” yinuk, yoragagerak.

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 16:24

Iige nagagerik, at oone nggwok paga yoge logonet, Nogoba Abarakam wae! An kani omoonuk andi alik negen yagan wake yime wonage me, nabuwa nombake logonet, aap Latarut nen eenggi irip paga niyo labumbunuk, namili yawek yi woraawak nduk, nappi mok ubi!

Lukat 16:30

Yoge mbareegi, aap nogo nen, Meek o, nogoba Abarakam. Aap ambi kanggo menggam nen yora nage kenok perak, it maluk eekwi nogo iniki koombunuk, mbo pogo logogun o, obak!

Yaya 8:39

Yorage mbareegi, it nen, “Nit ninombo ti, Abarakam aret me tit ari!” Yogo mbareegwa, Yetut nen it yorage logonet, “Kit Abarakam ombowologwe abet aret logonetak en, at eeke nagagerak nogo kit ndak-ndak aret eeko logonetak.

Yaya 8:53

nit ninogoba Abarakam kambeegerak nogo at mbuuluk. Ndi, kat nggwok me nduk yagan ya? It aap Ala nen yorage kagak yo'niraga nogo kunduk, kambeegwaarak kwe, kat ta ndak-ndak, Eekkola, nduk ari agandik?”

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Oroma 3:20

Togop me, Ala nen wone lengganogo Muta yoreegerak eekwi paga Ala nen, “Kat aap obeelom aret o,” yinuk, yigin lek aret. Ata, “An maluk eeke minggirak aret kagi,” yinuk, yelok kogo logowak nduk, lengganogo Muta yoreegerak o.

Oroma 4:1

Togop me, wone yi, nit aakumi ninombo Abarakam eereegerak nogo nonggop yuwok o?

Oroma 4:12

Ndi, inagabolo mbanak ti kunduk, inombo Abarakam aret. We inagabolo mbanak ti paga inombo lek o. Ata, at Abarakam nen agabolo mbangga'lek kagak iniki Ala oba panggombunuk abet mba'nuk, eeke nagagerak nogo, nit togon ndak-ndak abet mba'nuk eekwi niinok ti, ninombo Abarakam aret o.

Oroma 4:16

Togop me, it aakumi Muta yoreegerak wone nogo woppunuk eeko menggaarak inom, ndi, at Abarakam iniki abet mbareegerak kwak, it abet mbakwi inom, nit abok ninombo Abarakam aret me, Ala nen abok yoreegerak woorak ti, at ombowologwe nit eekwi paga lek o. Ata, “Abet mbakwi paga Ala iniki kunik en onggo lek we aret unde eeppinanege kagi,” mbaruwok nduk, yoreegerak.

Iberani 11:17

Ala nen Abarakam abut mbanikit nduk yoge logonet, “Kaput warogo an nake kani kumbu o,” yoge mbareegi, Abarakam nen, “Kaput Itak paga nen kombowologwe apit wigannarugun o, yinuk, yo'nege mbaki, abet aret mbakirak kwe, Waru o, yo'nege me, nonggop togon wari?” ti mbarulik. Ata, “Ala nen kanggaatak ineenik eerogo mippiige menggerak neenu me, togop aret eenik eerogo mippigin kagi,” yinuk, abet mbake logonet, “Naput ambolom ndarak yi kagak aret warikit,” mbareegerak. Ndi, Ala nen kanggaatak ineenik agago mippiige menggerak abet mbareegerak nogo ndak-ndak, iniki nen abu warikit mbareegerak ti paga abet aret wakerak mba'nuk, Ala nen eenik agago mippereegerak negen aret mbaruwok o.

Yakobut 2:18

Togop aret kwe, kit ambi nen, “Kat abet mban mbake kwe, an perak, eebe inom aret eeke o,” yinuk, yogwe kiigirak me, wologo wae. Kit abet mbakwi nogo, eebe inom eeka'lek kiinok, “Yi aap abet mbaka'lek aret,” kinombarugun kwe, an perak, abet mba'nuk eebe inom aret eeke me, “Yi aap abet mbake aret,” nombarugun yi kogo ogotik?

Yakobut 2:24

Ti kenok, niniki abet mba'nuk eekwi kwe, eebe inom eeka'lek kagak, Ala nen, “Aap yi, abe o,” yinuk, obeelom agago pinanigin lek o. Ata, abet mba'nuk, eebe inom eekwi paga eeppinanege menggerak yi kogo ogotik?

Yotuwa 24:3

Eerit nogwe iigak, an nen kinogoba Abarakam nogo niyo Eparat enebagan time nen wagangge nagagirik, o Kanan yime wonok nege logonet, ombowologwe ambik wigak yuwak nduk, Itak aret wogoreegirak.