Yakobut 2:18 - Ala Wone Peenok Peebi Mbanak

¹⁸ Togop aret kwe, kit ambi nen, “Kat abet mban mbake kwe, an perak, eebe inom aret eeke o,” yinuk, yogwe kiigirak me, wologo wae. Kit abet mbakwi nogo, eebe inom eeka'lek kiinok, “Yi aap abet mbaka'lek aret,” kinombarugun kwe, an perak, abet mba'nuk eebe inom aret eeke me, “Yi aap abet mbake aret,” nombarugun yi kogo ogotik?

Yakobut 2:18 ပူးပေါင်းရင်းမြစ်များ

Oroma 14:23

“Nit abet mbakoorak paga noorak op aret,” mbaka'lek kiniki mbere logonet, nunggwi kiinok perak, Ala nen, “Kit maluk aret eekotak,” kinombarigin o. Yi eekak ndi eekak eerit nogo monggotak nogo abok aret abet mbaka'lek logonet, eerit nugwi kiinok ti, maluk aret mbako logonip o.

Oroma 3:28

Wone, “Yogop ee'nu, ndogop ee'nu,” Muta yoreegerak waganggo monggoorak paga Ala nen, “Aap yi, oba lek o,” yinuk, obeelom eerogo pinanigin ti, lek o. Ata, abet mbakwi paga mban obeelom eerogo pinanigin abet aret mbako logonet, yogo ogoorik o.

Oroma 4:6

“Aap ambi nen, An obeelom eekkola, yinuk, mbaka'lek kagak, Ala nen mban obeelom agago pege kenok, at ale'nggen aret mbake logogin o,” yinuk, at Ndawut nen yereegerak nogo ndak-ndak aret yokkirage agarik o.

Oroma 8:1

Togop kenok, nit Keritut Yetut ninom kunik monggoorak me, “Kit maluk eekotak me, onggo eeppinagagin o,” yinuk, yo'nirage mondok lek o.

Oroma 9:19

Ala togop eeke menggerak me, kit ambi nen, “Ti kenok, nit maluk eekwi alom Ala aret me, Maluk eekotak o, yinuk, Ala nen nonggop togon nit yo'niroorak mbaken? Ndi, Ala iniki mba'nuk nen eeke menggerak kagak alik eeriyak op me nduk ari agandik?” yinuk, yo'nugwi kiigirak me,

1 Korindut 13:2

An Ala wone yorage logokit nduk, unde eeppanege, yi wone ndi wone alom neenu a'nuk, liirogon yorage, wone kote kumaarak mendek abok yelok kage, niniki abet mbake logonet, “Puut yi keebe tayo yu o,” yinuk, yoge neenok, tayo yi nage kage, eeke minggirak kwe, aakumi inabuwa mbaka'lek logonet eeke neenok perak, we aanom warogo aret eeke minggirak kagi o.

2 Korindut 5:17

Aap ambi Keritut imbirak kunik wonage kenok, at iniki ngget ogobakkigirogo pemenggerak me, obaabut maan mendek lek age logonet, obaane'me ngget mendek aret arigin o.

2 Korindut 7:1

Togop me, noreewi o. Kit an niniki kunik me, Ala nen wone yereegerak ti, nit niinok aret yo'niragagerak me, ninikime nen maluk eeriyak koonggwi, eebe aret eekwi, eeko monggoorak nogo abok aret mbo punuk, Ala ninagabiti mbako logonet, maluk eeka'lek at ake leenak obeelom mban eekwi niyaawak nduk, eeko logowok o.

Nggalatiya 5:6

Nit Keritut Yetut ninom kunik logonet, ninagabolo mbanak kenok, mbanak lek kenok, ti iya lek o. Ata, niniki abet mbareegurak paga aakumi inabuwa nen obeelom eeppiinet nogo logorak nogo perak iya o.

1 Timotiyut 1:5

An wone lengganogo yokkereegirak nogo ti, it iniki abe paga aakumi inabuwa mbakwi, iniki obeelom koonnage kenok mban eekwi, ndi, iniki abu abet aret mbakwi, eeko logowak nduk, “Yorage logot o,” yinuk, yokkereegirak nogo o.

Titut 2:7

Aakumi kat paga in wakkagak eeko logowak nduk, kat yi eekak ndi eekak eeke logonet, obeelom mban eerit nage logot o. Eerit nage logonet, wone mamunirage menggendak nogo, kat koone inom nabenogo ugun-ugun mamunirage, kayuk lek we i'ndok-i'ndok yorage, eeke logogun o.

Iberani 11:31

Kwe yawukak Arakap kunduk, Ala nen it Iterali mendek eeppiige nogo, aruk konembunuk, iniki abet aret mbake nagagerik, aap o pekkaawok nduk wogogwaarak nogo, iniki obeelom paga kumaappiyareegerak me, peebi it aap Ala wone taganeegwaarak nogo inooko logonet, at kwe nogo teppereegwaarak.

Iberani 11:33

It aap ti, Ala nen yoragagerak abet mbareegwaarak paga, it aap inendagembogut inabu'me piigo menggam tebenogo piigwi, obeelom eerit nogo logonet, a'me nggelok eeko logowak nduk, koonogo piigwi, Ala nen yoragagerak nogo ndak-ndak aret waganggwi, aakumi inooka singa nogo inambe keele maarogo piigwi,

Iberani 11:6

“Ala abet aret menggerak me, niniki abe paga at owagam nogwe niinok, onggo wo'niraagin,” abet aret mbako logonet, at owagam nagak eekwi niinok, inikilom ninombake menggerak kwe, aap ambit-ambi abet mbaka'lek kagak, at owagam nage kenok perak, Ala inikilom ombarigin abu lek o.

Yakobut 2:14

Nowe-nawot o. Kit ambi nen, “Niniki abet mbake o,” yogwe kwe, eebe eeka'lek kiinok, kit abet mbakwi nogo kin age mbakop? Ala wone yugu eebe eeka'lek logonet, we abet mbakwi paga mban Ala nen kinagap ndarigin mbakop?

Yakobut 3:13

Kit aap ambi kinenggela'me iniki warak logonet, yi mendek ndi mendek mbet-mbet yelok kage menggerak kenok, aap ti, iniki tebenak logonet, iniki warak nen obeelom eerit nage kinigen kogo logobagip nduk, eerit nage logowak o.