Yakobut 2:1 - Ala Wone Peenok Peebi Mbanak

¹ Nowe-nawot o. At abu tiyanak menggerak ninowe Yetut Keritut nogo, kiniki oba panggombunuk abet mba'nuk eerit nogo logonet, aakumi inetenggen liippiinok, eeppiigo logogup o.

Yakobut 2:1 ပူးပေါင်းရင်းမြစ်များ

2 Mbinineegwaarak 19:7

At Aliku ninogoba Ala nen aakumi inowak loongge logonet ugun-ugun eeke, inetenggen maloppiinok eeke, Wu kolaakit mbakak eeke, eekeelik me, Aliku ALA kinagabiti mbako logonet, mondok liirogon inowak looninako logonip o,” yinuk, yoragagerak.

Kini Wuppiige 24:23

Aap iniki warak nen yogo menggaarak wone ando yi o. Aap inowak loonggo logonet, inetenggen maloppunuk eekwi ti, maluk aret o.

Kini Wuppiige 28:21

Aap inete maloppunuk inowak looninaburak ti maluk aret kwe, Inambi noorak paga maluk eeko menggaarak ti kunduk, maluk aret o.

Ala Unde 19:15

Aakumi inowak loonggo logonet, maluk-maluk inowak loonggwi, aap ineenggi lek iinok, inawone abe koonogo piiga'lek yiri-wuri eerogo piinok, aap ineenggi warak iinok, inawone abe koonogo piigwi, eeriyak mage o. Ata, Aap yi ninom ndak-ndak aret o, yinuk, eeremenggaarak ndak-ndak aret inowak loonggo logowak o.

Matiyut 22:16

Wone mbanggo nogogwaarik, it inoone waganggwi ando inom, it Keroriyan mendek inom, Yetut owagam nappiya wogogwaarak wogo nogogwaarik, Yetut yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me,

Nappiigak 10:34

Yoge mbareegi, at Peterut nogo nen yorage logonet, “Noreewi o, At Ala nen, Aap ambi eebi, ndi, ambi inikilom, mbakeelik ti, abet aret mbaki o.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

Nappiigak 24:24

Nogo mande negen yippunuk wonageme at Pelikit akweeluk Ndurutila kwe Yakuri mendek nogo imbirak wogogwaarak. Wogo nogogwaarik, Pawulut woraawak nduk ayonggo pege mbareegi, wage nagagerik, Keritut Yetut abet mbakwi wone ari inaruk koneneegwaarak.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Oroma 1:11

Kiniki kole aruwak nduk, Ala nen an eeppanegerak ambi kit yokkiraakit nduk pekkiya woroorak uugwe lombok mbake minggirak o.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

Pelaareegerak 16:19

Mippiyamonggotak aakumi inowak loonggo logonet, maluk eerak onggo, Ndogop puurak o, yugu kagak, Puurak lek, yoruwak nduk, wu kote wogogwi nogo ti, aap inawone abe mbaniyak kagak inigen mbuk kwak liinggwi yogo logonet, kagaarogo pugwi, ndi, Ninawone op aret mbanugun, mba'nuk, nogwe nogo wi-wi eeginako logonet, Maluk eerulik kagak yogotak o, yinuk, it aap obeelom nogo inenggali wappiigwi, eeko menggaarak me, togop eeruwak nduk, wu wokkirogwe iinok waganggwi, maluk eerak onggo ndak-ndak eeppuurak kagak yiluk-yiluk awone mbanggwi, aap inetenggen pegiigak inowak loonggwi, eeko logobok o.

1 Timotiyut 5:21

An nogo, Ala inom, Keritut Yetut inom, it Ala ake leenak malayikat nogo inom, abok inenggaanom paga an wone yi, lengganogo yokkigi o. An wone lengganogo yokkege yi, abok aret eeke logonet, kat kinom kunik kenok eeko logorak yoraga'lek mbo piige, ndi, aakumi ugun kenok eeko logorak yorage, eeke logogun o. Ata, aakumi abok aret ineenu a'nuk, eeko logowak nduk, yorage logot o.

Titut 1:1

Naput Titut wae. Nit abok wone abet mbakwi nogo paga naput abe kat aret me, it aakumi Ala nen miirinabeegerak iniki abet mbakwi wone nogo wigangge, ndi, Ala ari menggerak wone nogo liippunuk, Ala apuri nen eeko mengga kwak eekwi, eeruwak nduk, an Pawulut Ala ayeloman Yetut Keritut ayonggo nappiigak mendek agago paneegerak nogo nen aret yokkiri o. At pilit ariilik abet mban ari menggerak Ala nogo nen, “Mondok-mondok ineenik logogun o,” yinuk, o yi wakkaga'lek kagak, koonogo pereegerak nogo, ee'ninabuwak nduk, niniki lunik wonogwe nogo ti, nit abet mbakwi, Ala ari menggerak nineenu ogwe, eekwi nogo paga panggonak wonage agaarik o. Niniki lunik wone ti, maan togon koonogo pereegerak kwe, “Ndiyom paga kin arigin,” mbareegerak nogo ninagap ndaka Ala nen, “At yorage logowak o,” yinuk, an yogondak abe wone yorage logokit nduk, unde eeppaneegerak nogo aret yorage neegak, nineenik ee'ninaburak wone ti inom yorage paga kenom aga o. Ninogoba Ala ninagap ndaka Keritut Yetut imbirak iniki kunik nen wokkugwi, kiniki ugun tayenak ale'nggen logonok nduk, eeppagagwi, eeko logogun o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Yakobut 1:16

Nowe-nawot o. Kit an niniki kunik me, kiniki nomongginakwi iyo, liippogo logonip o.

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

Yakobut 2:3

aap yum abe kigirikwe yirik nogo ayuk wuppunuk, yogo logonet, “Nogoba o. Kwi'nogo menggam abe paga yayi kwi'nari mok o,” yogwi, ndi, aap eenggi lek nogo ayuk wuka'lek logonet, “We taati mi'ndak logorak a, ilin me nggween paga time kwi'nagan a,” yinuk, yogwi, eekwi kiinok,

Yakobut 2:9

aakumi inetenggen liippiinok eeppiigwi kenok perak, maluk eekwi aret o. Ti eekwi paga wone yugu nogo taganogo pugwi me, Ala nen, “Kit maluk aret eekwi o,” yinuk, yokkiraagin o.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

Yurat 1:16

It aap ti nen ineebi-ineeba yogwe, inoreewi meek inombakwi, eeriyak iniki nengge kenok eerit nugwi, “An aap nggwok o,” yinuk, wogoppatit nugwi, inamendek kolaawok nduk, inoone amburu ndik-ndik agan nugwi, eeko menggaarak o.

Wayu 14:12

Ari naruk konengge mbaki, at oone yo'nege nogo nen, “It iniki Yetut oba panggombunuk, oone yugu li'lak eerit nogwe, ndi, Ala nen, Yogop ee'nu ndogop ee'nu, yereegerak wone liirogon mugurok nogwe, eeko menggaarak at apuri ake leenak nogo, andi-pandi inoba piigwi iigak kwe, inogogumbuk logonet, waganggo logowak o,” yinuk, yo'nege kagarak.