Yakobut 1:14 - Ala Wone Peenok Peebi Mbanak

¹⁴ Nit niniki nggagangge nogo ti, aap ambi maluk eeruwak nduk, oone amburu puk-puk niikkenok nage menggi kwak, nit niniki nen eeriyak uugwe mba'nuk aret eeko monggoorak o.

Yakobut 1:14 ပူးပေါင်းရင်းမြစ်များ

Wakkagagerak 3:6

Yoge mbareegi, at kwe nogo nen eyo ti pekkage nagagerik, abu obeelom aret mbareegi, “Anggen yugu ti, noorak op aret o. Ndi, nengge neenok, yi wone ndi wone abok aret neenu arigin,” mbake nagagerik, eyoonggen nogo aret mbanogo nenggegerak. Nengge nagagerik, ando aap nogo wogoge mbareegi, aret nenggegerak.

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

2 Tamuwen 11:4

Yoge mbareegi, at Ndawut nen aap ambi kwe nogo wa nawak nduk, nappereegerak wonok iri wage mbareegi, kwe nogo kumi tut kogwe iinok, “Yogop logorak,” yugu nogo abu aret agagerak me, imbirak nogo yege nagagerik, kwe nogo ame aret nagagerak.

Ayup 31:27

Ti aret inalut eerikit o, yinuk, kote koonogo pege, Inayuk wuke logonet, nena wanduk yagak eeke, Ee'netak nen ti,

Ayup 31:9

Kwe paga niniki nengge, Noreeluk arungga paga nena woorogon mannari nage, Eeke logonetak en,

Kini Wuppiige 4:23

Ndi, keenik logonet, eerit nage logorak ti, Niyo eneeri kwak kiniki aret me, Wone ti unde wake logonet, kiniki inom mondok-mondok unde wakkolage logot o.

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Oteya 13:9

It Iterali mendek yeenggwaaraga an nen aret ineebe lek eerogo piige me, aap ta nen it yeenggwaaraagin o?

Matiyut 15:18

Ndi, kinoone yogo monggotak nogo ti, kinikime nen aret wungge nagaatik, maluk eekkinake menggerak o.

Matiyut 15:20

kinikime nen wunggetak nogo paga maluk eekkinake menggerak o. Kineenggi kooka'lek logonet, mbi nunggwi ti paga nen maluk eekkinakeelik aret o,” yinuk, yoragagerak.

Matiyut 4:1

Kage mbareegi, ti'nuk, Ibilit nen Yetut abut mbanuwak nduk, Aberiniki nen Yetut wonok karume aakumi lek me nagagerak.

Matiyut 5:28

an nen perak, Yi aap ndi aap kumi inigen pegiigo nagaatik, iniki nengge kenok ti, muk inikime nen wukaarak aret, yokkiragi o.

Oroma 7:11

Maluk alom niniki me wonage nogo mi'na'nuk, wone eeriyak mage yugu nogo konembunuk, nambokan lagangge logonet, “Wone yugu nogo taganogo punuk maluk eeriyak nanonggwan agaarak me, eeru o,” yinuk, yo'nege kenok eeke minggirak me, wone yugu nogo nen aret noorogo negen paneegerak agarik o.

Oroma 7:13

Ndi, noorogo negen paneegerak nogo ti, wone yugu obeelom nogo nen an noorogo negen paneegerak mbakop? Abu lek o, noreewi. Ata, an maluk eeriyak ee'nake nogo ti, maluk aret yelok kaakit nduk, wone obeelom yugu nogo nen, “Kit maluk eekwi kiinok kambumunggup o,” yinuk, yereegerak nogo paga kambigin neenu agagirak me, “Eeriyak mage,” wone yugu nogo ti paga, “Maluk eekwi ti, abu maluk aret me, kambigin aret kagi,” mbarikit nduk, yo'nirage menggerak kogo o.

Epetut 4:22

“Niniki nengge kenok mugurok nogo nogoorak nogo ti, maluk ee'ninaburak kagak mugurok nogo nogoorak kogo,” yinuk, mamunggologogutak me, kinobaabut maan mendek nogo, nggonenogo mbo punuk,

Iberani 3:13

“Ala nen ninooka'lek kagak,” mba'nuk, maluk eerit nogo logonet, kiniki omaawi eekkinake kero, wone, “Yogondak o,” yereegerak nogo ti, lek aga'lek awo aret wonage me, Ala nen yokkirage nogo, konenggo logonet, kiniki eyak wat-wat yogo logonip o.

Yakobut 1:13

At Ala nen, “An maluk ambi eerikit,” mbake, ndi, aakumi maluk eeruwak nduk, iniki nggaganogo piige, eekeelik me, aap ambit-ambi iniki nggagangge kenok, “Yi Ala nen niniki nggagangge o,” yinuk, yuurak ti mondok mage o.

Yakobut 1:15

Ndi, kwe ambi elege inikime logombunuk, ndaketak nogo, ti'nuk, eebe kole a'nuk, kangge menggi kwak, nit niniki nen aret maluk eeriyak uugwe mba'nuk, eebe eeko nogootik, ti'nuk, nineebe aret kanggo monggoorak.