Yakobut 1:12 - Ala Wone Peenok Peebi Mbanak

¹² It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

Yakobut 1:12 ပူးပေါင်းရင်းမြစ်များ

Wakkagagerak 22:1

Ti'nuk, ne ambi paga at Ala nen Abarakam iniki abut mbanikit nduk, yoge logonet, “Abarakam wae,” yoge mbareegi, at Abarakam nen, “Yu o, nogoba.”

Nekemiya 1:5

“Kaliku nogoba ALA wae. Mbogut paga menggendak kat Ala aret o. Kat abu nggwok wonage keenok, aakumi kayuk wuko logonet, pi wakkakwi Ala nogo nen, Yogop ee'nu ndogop ee'nu, wone yereegindak eerit nugwi, it iniki kunik eekkakwi, eekwi iinok, kinom wone koonogo pereegindak nogo li'lak aret eeppiige menggendak me,

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ayup 5:17

Aap Ala nen inaruk wake nogo inale'nggen wonogo menggaarak me, At Omaawi Lombok Menggerak nen niniki koonogo pinanege kenok, Neebi, yuurak mage o.

Ndawi 11:5

Aliku ALA nen aap iniki abe koonak iinok, Inabut mbangge menggerak kwe, It aap maluk eeka inom, inanini paga eeppiyoorak inikilom mbaka inom, Eebi lombok inombake menggerak.

Ndawi 119:67

An aaninggin awo noba kwi'naga'lek kagak, Koone mbo punuk nomoninuk nagagirak kwe, yogondak perak, Koone yugu nogo liirogon aret eerit nage agarik o.

Ndawi 119:71

Koone lengganak an mamunggolaakit nduk, Aaninggin noba paneegindak nogo ti, Op aret mbake agarik o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 5:11

“At pinanogo logowak o,” yinuk, Kabu'me ari wogwe nogo inale'nggen mbakwi, Inale'nggen nen ndawi kuli pega'lek mondok wakwi, Eeko logowak o. Kaliku ALA wae. Aap iniki abe koonak nogo kale'nggen inoba piige, Obeelom eerogo piinet nage ti paga Nggeemu kwak mulunogo piige, Eeke menggendak me, It kat kendage yuurak inikilom mbakwi nogo Inale'nggen mbako logowak nduk, Kabu'me piinok logot o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Wundeegwaarak 20:6

it yi aakumi ndi aakumi apit lombok an nabuwa nen, Yogop ee'nu ndogop ee'nu, wone yokkirage minggirak nogo liirogon konembunuk eekwi iinok perak, inombowologwe wiganak inom apit aret niniki kunik eeginake logogin o.

Kini Wuppiige 17:3

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aliku ALA nen perak, Aakumi iniki abut mbangge menggerak.

Yetaya 64:4

Kat Ala nen eeke keyaawok nduk tokkeegwi me, eeke keego mengga kwak, O aa'nduk nen nok, yogondak kuli it aakumi inogoba alik ambi togop eeke liippugwi, Oone ari inaruk konenggwi, inigen abe nen kogwe, Eeka'lek aret wonogo menggaarak o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Oroma 5:4

Niniki kwi'ndak logonet, waganggwi ti paga at Ala nen, “Aap yi, abut mbanggirak kwe, iniki yanggonak logonet wagangge me, op aret kagi,” ninombake kagak, nit nogo nen, “Ti ari paga Ala nen wo'ninabigin abet aret kogo,” mba'nuk, nit niniki abu lunik aret ogoorik o.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

1 Korindut 2:9

At ambi nen ari logonet, “Inigen abe nen kogwe, oone ari inaruk konenggwi, Inikime nen, Yogop eeriyak, abe lombok koonggwi, eekulik nogo mendek aret o. At Ala nen it aap at inom iniki kunik mbako menggaarak nogo, inake pipuk-papuk agago piyareegerak wonage agaarik o,” yinuk, yereegerak liiru mbanak nogo ndak-ndak

1 Korindut 8:3

Ndi, aap ambi Ala imbirak iniki kunik wonage nogo Ala nen aap ti, eenu aret menggaarak o.

1 Korindut 9:25

Aap ambi it aakumi nggare agan nogwe nogo inom nggare agan aa'nduk wundi noorak mbake logonet, at yi mendek ndi mendek eeriyak mbake nogo tebenogo pege menggerak. At onggo nggare-nggare mendaarak we luulu lek ariyak mendek kagak yippanuwak mba'nuk, eeke menggerak kwe, nit perak, onggo nggare-nggare mendaarak mondok-mondok logorak mendek yippinanuwak mba'nuk, eekwi me,

Pelaareegerak 13:3

it yogwe nogo kit kinaruk koneniyak mage o. At Aliku kinogoba Ala nen, Iniki inom, ineebe inom, abok aret inogoba Ala an mban iniki kunik ee'nakwi iyaamun ilik, lek a, yinuk, it aap agan wogwe nogo paga kinabut mbanikit nduk, eeppinagage me, it yogwe nogo kinaruk koneniyak mage o.

Pelaareegerak 7:9

Togop aret me, at Aliku kinogoba Ala ti, at alik Ala aret kineenu a'nip o. Ndi, Ala yegetak mbeyok ariilik liirogon aret eeke menggerak me, it aakumi iniki at inom kunik lombok logonet, Yogop ee'nu ndogop ee'nu, yorage nogo nggirik-nggerok porogo logonet, eerit nogwe nogo inabuwa mba'nuk, wone abuk nggaruk togon inom koonogo pereegerak nogo kobak arigin lek aberak mban wonage kagak, yi aakumi ndi aakumi inombowologwe ndaganabit wundi namengga-namengga o ambi me aret ari nage logogin o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

2 Timotiyut 2:15

Aap ambi yabu abe eeke logonet, agabiti mbakeelik nogo pogom, kat Ala ari menggerak wone mamunirage logonet, kiniki nen koonogo alik inom nabenogo yoraga'lek at oone mban liirogon yorage keenok, Ala nen inikilom kombaruwak nduk, liippunuk, eeke logot o.

2 Timotiyut 4:8

Ndi, yogondak at wone a'me nggelok owak loongga ninowe nen it aakumi obeelom eekwi iinok, onggo nggare-nggare mendaarak yippiige menggerak me, o age yobok paga an ambi yippanikit nduk, nake paneegerak wonage o. An nalik yippanigin lek o. Ata, yi aakumi ndi aakumi nen, “At kin ari woraawak lak, a o,” yinuk, tokkogwe nogo abok aret yippiyaagin o.

Iberani 10:32

Kit aa'nduk obeelom wone waganggo mbareegup, kinikime eya eekkinabeegerak me, aaninggin-paaninggin alik negen kinoba pinagagwi iigak, kinogogumbuk logonet, waganggo nogogutak nogo, abeko logonip o.

Iberani 11:17

Ala nen Abarakam abut mbanikit nduk yoge logonet, “Kaput warogo an nake kani kumbu o,” yoge mbareegi, Abarakam nen, “Kaput Itak paga nen kombowologwe apit wigannarugun o, yinuk, yo'nege mbaki, abet aret mbakirak kwe, Waru o, yo'nege me, nonggop togon wari?” ti mbarulik. Ata, “Ala nen kanggaatak ineenik eerogo mippiige menggerak neenu me, togop aret eenik eerogo mippigin kagi,” yinuk, abet mbake logonet, “Naput ambolom ndarak yi kagak aret warikit,” mbareegerak. Ndi, Ala nen kanggaatak ineenik agago mippiige menggerak abet mbareegerak nogo ndak-ndak, iniki nen abu warikit mbareegerak ti paga abet aret wakerak mba'nuk, Ala nen eenik agago mippereegerak negen aret mbaruwok o.

Iberani 12:5

At Ala nen, “Yi an napuri aret o,” yinuk, kiniki eyak wappinagakit nduk, yokkirage logonet, “Napuri wae. Kinogoba Ala nen it aap at iniki kunik nogo iniki koonnaruwak nduk, eeppiige, Ndi, Yi an napuri aret o, yinuk, yorage nogo alik eekwi iinok, yawi inooke, Eeke menggerak me, Kiniki koonnaruwak nduk, eeppinagage kenok, Eeppinanege yi, iya lek o, yinuk, meek mbakwi, Ndi, kinaruk wake kenok, kiniki maluk ogwe, eerugup o,” yinuk, yereegerak nogo kit kobak ogotak kiigi o.

Iberani 6:15

Yoge mbareegi, Abarakam nen, “Abet aret eeppanigin o,” yinuk, iniki mondok kwippunuk, tokkage nagagerak me, abok yoreegerak nogo aret waganeegerak.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

Yakobut 5:11

It aaninggin inoba age kagak inogogumbuk logonet waganggwi iinok, Ala ale'nggen inoba piige nagagerak nogo nineenu aret o. Aap Ayup kunduk aaninggin oba age kagak wagangge nagagerak nogo ti, muk koneneegutak o. Aakumi abok Ala inabuwa nen obeelom eeppiige menggerak me, aap Ayup aaninggin oba age kagak iniki kwippunuk abu wagangge mbareegi, ti'nuk, irip paga Ala nen eeppereegerak nogo ti, kineenu aret o.

1 Peterut 3:14

Togop eekulik kwe, kit obeelom wone yoranet nugwi kiigak andi-pandi eerogo pinagagwi iinok, “Nonggop nduk eeppinanugwi?” yinuk, kinagabiti nen kiniki piirik eerugup o. Ata, “Ala ale'nggen ninoba pinanigin o,” yinuk, kiniki ale'nggen paga waganggo logonip o.

1 Peterut 4:13

Kit andi-pandi eerogo pinagagwi nogo ti, peebi, at Keritut mondok tiyanak wage kinigen kogo logomonggotik, “Nit togop aret tiyappinanigin o,” yinuk, kiniki ale'nggen mondok alik negen eekkinabigin me, “Yogondak at Keritut eeppogo nogogwaarak ando nogo aret eeppinanugwi me, op aret o,” yinuk, kiniki ale'nggen mbako logonip o.

1 Peterut 4:14

It aakumi nen, “Kit Keritut oone wagangga mendek o,” yinuk, miyuk-meya eerogo pinagagwi iinok, “Ala Aberiniki mondok tiyanak menggerak nogo nit ninoba wuppi wagaarak ninom wonage kenok, yo'nirogwe iigo o,” yinuk, kiniki ale'nggen logonip o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.

1 Peterut 5:4

Togop eekwi kiinok, nit ndomba ndegenninaka ninowe nogo, peebi wage logonet, “Kit abu obeelom eeko nogotak o,” yinuk, kinenggare-nggare mendaarak kiik ariyak lek mondok laambu logorak mendek yirippinagi woraagin o.

1 Yaya 4:19

Aa'nduk at Ala nen nit ninabuwa mba'nuk, iniki kunik ee'ninabeegerak me, yogondak nit togon togop aret aakumi inabuwa mba'nuk, niniki kunik aganako logowok o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.