Wundeegwaarak 5:9 - Ala Wone Peenok Peebi Mbanak

⁹ It aap Iterali mendek ti, pilit wone agan wogwe inaruk konembunuk, yabu eekwi nogo mbo pugwi iyo, ineebi mbakugak yabu aaninggin ambinom inoba piigo logonip o,” yinuk, yoragagerak.

Wundeegwaarak 5:9 ပူးပေါင်းရင်းမြစ်များ

2 Endagembogut 18:20

An nawuri ineegin warak ambik me, yogop-ndogop eerugun o, yinuk, ari ti, ta imbirak panggonak logonet, At Atiyut inowe endagembogut wone lengganogo yo'niroorak neebi, mbake agaarik? Ti we aret agan nege agaarik o.

Ayup 16:3

Kit wone ugun agan nugwi ti, Lek aga'lek kunik aret agan nugwi ya? Nano eekkinake kenok, ninom wone wariyak eekkinake agaarik?

Wundeegwaarak 5:10

Yorage mbareegi, Pirawun awuri yabu eekwi inarum wonogwe nogo inom, it aap Iterali mendek inawuri yabu lengganinaka nogo inom, wundi nogo nogogwaarik, aakumi Iterali yorogwe, “At Pirawun nen ari logonet, An wiiringga ambinom wogoraagin lek me,

Yeremiya 43:2

Kotaya aput Atariya inom, Kareya aput Yokanan inom, it aakumi iniki tiyappaka abok aret inom, nen Yeremiya yogo logonet, “Ninogoba Aliku Ala nen, It o Metit ye mbambatinuk logowak nduk, noorak mage, yora nak o, yinuk, yegerak, yo'niragandak ti, at yuulik kagak, yo'niragandak me, pilit aret ari agandik o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.

Maleyaki 3:14

Inoone andiigwi yo'nugwi nogo ti, At ayuk wuko logonet, alut eeko monggoorak nogo ti, we aanom warogo aret eeko monggoorak o. Yogop ee'nu ndogop ee'nu, at yo'nirage nogo eerit nugwi, at Omaawi Lombok Menggerak Aliku ALA enegen kagak, maluk eeko nogogurak paga niniki wakko'net nogwe, eeko monggoorak nogo ti, nano eekkolaawok nduk, eeko ogoorik? Lek aret o.

Epetut 5:6

It Ala wone tagambunuk, maluk ti mendek eerit nogwe iinok, Ala anini inoba piige menggerak me, it ugun kobak menggaarak nogo nen inoone amburu ndik-ndik agan wogo logonet, kinambokan laganggwi iyo, liippogo logonip o.