Wundeegwaarak 40:2 - Ala Wone Peenok Peebi Mbanak

² “Tut iyaalok penenak tanggal 1 yi paga aret an ninom lambungge logowam mage logorak nawooliya nogo wuru o.

Wundeegwaarak 40:2 ပူးပေါင်းရင်းမြစ်များ

2 Mbinineegwaarak 29:3

Eerit nage logonet, tahun at endagembogut agagerak tut aa'nduk penenak ti paga, Aliku ALA awi wurik tu paarogo pit nanuk, tungga ogobakkigirogo pit nage nagagerik,

Wundeegwaarak 13:4

Tut yogondak iyaalok Abip penenak yi paga aret o Metit mbo punuk, wundi namunggup o.

Wundeegwaarak 19:1

It aakumi Iterali o Metit nen wundi wogo nogogwaarik, o Arapirim kagak, o karume Tinayi ari wogogwaarak nogo ti, tut mbere penembunuk, ambi penenak tanggal 1 paga aret wogo nogogwaarik, puut Tinayi abu'me time aret inawooliya wukkologogwaarak.

Wundeegwaarak 26:1

Yoge nagagerik, ambinom yoge, “An nawooliya wuriyak nduk eeko logonet, ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, nogo waganogo it aap penggaako menggaarak abu ineenu nen kayin tabak 10 aret penggaako logowak nduk wogoramenggendak penggaako logonet, malayikat negen kerub ogut eerogo inom aret nabenogo penggaaruwak o.

Wundeegwaarak 26:30

Ooliya ti, wuko logonet, puut yi paga nen, Yogop aret wuko logonu o, yokkigirak yi ndak-ndak aret wuko logowak o.

Wundeegwaarak 26:7

Ndi, an nawooliya kayin puurak nogo abena kagak, obaga lenggenogo puwak nduk yum tabak 11 kuli kambin eeruwak paga penggaarogo puwak.

Wundeegwaarak 27:21

An nawooliya wuriyak inikime naloobut mbanemenggaarak logowam akem pa'nggwe time wonage kagak, oolo yum tuguniyak endekem nggwe Ninom Lambungge Logowam Magame nogome Karun apuri inom nen an nenggaanom paga o kiyoma nen kuubondendok kuli, ndi wuninik mban logowak nduk, unde logowak o. Ti eeriyak ti, aakumi Iterali inapuri inombowologwe wiganit nogwe nogo inom mondok-mondok eeko logowak nduk wone yi koonogo pigi o,” yinuk, yoreegerak.

Wundeegwaarak 30:36

Nake leenogo punuk, wun negen yigirogo pege logomenggendik, ando waganogo an ninom lambungge logowam nawooliya wuppunuk, naloobut mbanemenggenom wone yugu yonggologo puurak nogome ninom lambunuwak nduk, pi unggwage logomunggun o. Yigirik nogo ti, an Ala nake abu alik leenak aret mbake logomunggun o.

Wundeegwaarak 35:11

Kuwak ogwe iinok, ooliya eebe inom, oo'ngget inom, yum tabak obaga lenggeniyak inom, enonggon inom, owak agi-ogu mippuurak inom, karo-karo nappuurak inom, owak oolo mippit noorak inom, owak mippit noorak iyok inom, ogobakkigirogo pugwi,

Wundeegwaarak 36:18

ndi, ooliya wuriyak ti, ambit ando kunik aruwak nduk, Mbuti tembaga paga enonggon 50 eerogo punuk, yum tabak kambin eeruwak nogo imbirak yilinogo pugwi, eerit nogogwaarak.

Wundeegwaarak 40:1

Ale'nggen inoba piige mbareegi, at Aliku ALA nen Muta yoge logonet,

Wundeegwaarak 40:6

Ndi, nake warogo kani kunggak ogobakkigirik nogo wonok ninom lambungge logowam tungga paga endekem nggwe taati pege,

Yetikiyen 40:1

O kota Yerutalem tebeni unggwogogwaarak iigak, tahun 13 eeppunuk, ambi eerak paga nit wo'niren mbo pinani wogogwaarak wonogwe niigak, tahun 24 eeppunuk, ambi eereegerak me, tahun ti paga tut iyaalok penenak tanggal 10 tut ti paga Aliku ALA omaawi noba panege kagak nabinggaanggo paga Aliku ALA nen wo'neren o Iterali wonogo menggam pani nage nagagerik, puut ambi abu tiyanak lombok paga panege kagagirak. Kage nagagirik, an wonage me nenaame o ame pa'nggwe time o wurik kota negen wonage kagagirak.

Yetikiyen 45:18

At Aliku Itok Menggerak ALA nen yegerak nogo yi aret. “Tut iyaalok penenak tanggal 1 tut ti paga aret an nawi wuremenggaarak etenggen maluk aremenggerak kero, obeelom aruwak nduk, tapi ngguunok awooluk awinde-obaande eerak lek mendek wonok pi woraawak o.

Linggineegwaarak 1:1

It aakumi Iterali mendek o Metit nen wundi wogo nogogwaarik, karume puut Tinayi paga wonogwe iigak, tahun mbere eeppunuk, tut ambi penembunuk, ambi penengge tanggal 1 paga at Muta nogo Ala inom lambungge menggim awooliya wurik me wonage me, at Aliku ALA nen at yoge logonet,

Linggineegwaarak 7:1

At Muta nogo Ala awooliya abu aret wuke nagagirik, ooliya wurik inom, yi mendek ndi mendek inikime akem time inom, Ala ake warogo kani kunggo logowam inom, yi mendek ndi mendek eekak yuurak ti paga inom, abok aret alik leenak logowak nduk, amburu werenogo pit nagagerak.

Linggineegwaarak 9:1

It aakumi Iterali mendek nogo o Metit nen wundi wa'nuk, tahun ambi eeppunuk, ambi eeke tut aa'nduk penenak paga at Muta nogo puut Tinayi paga wonage me, at Aliku ALA nen Muta yoge logonet,

Linggineegwaarak 9:15

Ala wone yugu aloobut mbanak me yonggolak logorak awooliya nogo abu aret wurogo pogo mbareegwa, ne ti paga aret Aliku ALA awooliya wurik paga ndugwi lenggeni wage logonet, oonikiya nen kuubondendok kuli ti, kani wuninik abinak negen ooliya wurik irimbaga wonage, ndi, liingge ti, ndugwi pogom obaga lenggenak wonage, eeke nagagerak.