Wayu 9:2 - Ala Wone Peenok Peebi Mbanak

² Wogogerak Kambunuk Nogo Menggam mbuun ambe nogo tu paake mbaki, yugum yugu ka'luk yonggo-ndonggo eeke menggi kwak, mbuun ambena nen ka'luk alik negen lagi wage logonet, oonegen inom, o oolo ogona ya'i inom, apit eerogo pege kagarak.

Wayu 9:2 ပူးပေါင်းရင်းမြစ်များ

Wakkagagerak 15:17

Oonegen nogo kilu yi nage mbareegi, o apit agagerak kagak, kani kunik ka'luk lu agan wambi wage nagagerik, ndi wunuk agan wonok tapi-kambin poorak nogo eraaninu nogome nage enegen kagagerak.

Wakkagagerak 19:28

o Torom Nggomora inom, o Yoraran kobappaga nogome inom, ena wukkage nagagerik, o nggween paga nogome kani kunggaatak ka'luk apit eerogo pege menggi kwak, o nogome ka'luk mban apit eerogo pereegerak wukkagagerak.

Wundeegwaarak 19:18

at Aliku ALA nogo kani omoonuk wunuk ari enggela'me puut Tinayi nogo paga wambi wage mbareegi, puut nogo paga yugum yugu ka'luk negen yonggo-ndonggo lagangge logonet, puut nogo paga ka'luk penggaarogo pege, puut nogo na'ndo-wa'ndo eeke,

Yetaya 14:31

O omarip paga pa'nggwe nen o kani pegaarak ka'luk lagit wage, Aap inakom niruk yogolik pekkagak lombok aago wogwe, Eekwi me, At Pilitin tungga ambe mbanak ti, ale yikkolage, At o kota ti, oone kwa ari, It Pilitin mendek abok aret ti, inaganak wakwi, Eeko logowak o.

Ndaniyen 3:6

Ndi, it ambiriluk ambi nen ogut aago yi, abu'me tebe yinuk, alut eeka'lek inogogun worokot iinok, ne ti paga aret kani omoonuk wunuk ari me mbo mambiyaagin, yegerak o.”

Yowen 2:10

It unggwi nogwe iigak, nggween ndipuk eeke, Mbogut nuk-nuk eeke, Oonegen inom, tut inom, yumaak eerogo pege, Laaluguragan abinak eeke menggerak nogo lek age, Eeke agaarik o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Yowen 2:30

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, ka'luk aagi inom, eerigin o.

Nappiigak 2:19

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, kaluk aagi inom, eerigin o.

Wayu 14:11

“It aakumi ineenggi paga ilik, inenggaawak paga a, nggeewo endage liiru mbanak logonet, nggeewo inom, at ogut wakkagak ogobakkigirik nogo inom, inalut eeko logomenggaarak nogo, kani kunik yugum anggen inom inoba kwippiyamenggerak ka'luk nogo nggaruk yaga'lek mondok-mondok inoba wungge kagak, liingge inom, oonikiya inom, tat yonggongga'lek mondok-mondok yagan wako logogun o,” yinuk, ari naruk konenggirak.

Wayu 16:10

Ndi, it malayikat ineebe 4 nogo nen Ala anini inarologowa'na toolak nogo aakumi inoba kilirogo wuppogo mbaka, ambi nen arologowa'na nogo nggeewo negen wone lengganogo yorage menggim nogome kilirogo wuppege kagarak. Wuppege kage nagarik, nenegen neegak, nggeewo nogo wone lengganogo yorage menggim time o apit age mbaki, at abu'me logonet, oone waganggo menggaarak nogo, kugi andi aganake, inawin maaluget inoba nik ari, eeginakerak nogo, andi nen ineyak nggilik maako logonet, “Ninomaluk mbo puwi o,” yinuk, mbo puurak op aret kwe, kagak, inomaluk iniki kundugu patogo logonet, Ala endage miyuk-meya eerogo pugwi iigirak.

Wayu 8:12

Malayikat kenagan oone nggwok eeka inarompet nogo, oone eeko mbaka, at ambi nen arompet oone eeke kagak, oonegen eya inom, tut eya inom, laaluguragan eya inom, abeenok mogonogo sepertiga nogo, abinak lek eerogo pege kenok, o liingge nogo eya mbuuluk age, ndi, oonikiya kenok, o abu apit age, eeke logowak nduk, oonegen eya inom, tut eya inom, laaluguragan eya inom, ando mogonogo teppege logonet, ando sepertiga nogo, abinak lek age kagarak.

Wayu 9:1

Konengge nagarik, wonage me, malayikat ineebe 4 oone nggwok eeka inarompet nogo oone eeko mbaka, ti'nuk, at ambi nen arompet eeke kagak, laaluguragan ambi mbogut paga nen nggween paga wambi wage kagarak. Wambi wagaarak nogo nen Kambunuk Nogo Menggam mbuun ambena ogu kiiniki paga lombok tu paaruwak nduk, kunci wogoge kagarak o.

Wayu 9:11

Ndi, at malayikat Kambunuk Nogo Menggam mbuun ambeme unde menggerak nogo ti, it wurin inowe endagembogut inarum menggerak at aret o. At endage ti, aakumi Iberani inoone paga, “Abaron,” yogwe, ndi, Yunani inoone paga, “Apoliyon,” yogwe, eeko menggaarak. (Ndi, nit ninoone paga ti, “Pup Eerogo Piiga o,” yinuk, yogo monggoorak.)

Wayu 9:17

Ndi, kuda inom, aap ineebe kuda inamborowak paga kwi'ndak wonogwe inom, nabinggaanggo kage logonet, iigirak nogo yi o. Inarin nogo ti, kani kunik kere ari, mbogut mili kibu-kibu pege, ndi, yaliingga yi'nip nggwi ari, eeke nogo pogom, inarin etenggen togop aret kagarak. Ndi, kuda inanobak nogo ti, nggeewo singa anobak nogo pogom aret me, kugi lengga ndi wurogo pit nawak nduk, inambeme nen kwi yigirik etenggen yaliingga yi'nip nogo pogom inom, kani omoonuk inom, ka'luk inom, wundi wage kagarak.