Wayu 8:13 - Ala Wone Peenok Peebi Mbanak

¹³ Ti age kage neegak, towe wu negen mbogut paga wuga agan nage logonet, “Malayikat ineebe 4 oone nggwok eeka inarompet nogo, oone muk eekaarak kwe, ineebe 3 perak, eeruwok nduk, abu li'luk eekwi wonogwe me, it aakumi nggween paga mendek ti, inabuwa o, inabuwa o, inabuwa o,” yinuk, oone nggwok paga agan nage naruk konenggirak.

Wayu 8:13 ပူးပေါင်းရင်းမြစ်များ

Ndawi 103:20

Kit wakaa'ngget Ala wone ari kinaruk konok eeka malayikat yi wae. At Aliku ALA tiyappugwi,

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

Wayu 11:14

Iige nagarik, nenegen wonage me, at mbogut paga nen oone ari nogo ambinom yo'nege logonet, “Inabuwa o, yinuk, ne kenagan paga ari konenggendak ti, mbere muk eeke kagandak kwe, ambiret nogo mbet-mbet eerikit nduk eeke me, kenegen logot o,” yinuk, yo'nege kagarak.

Wayu 12:12

Kat mbogut inom, kit mbogut paga monggotak inom, kiniki ale'nggen mbako logonip o. It nggween paga wonogwe nogo inom, niyo nggwok yenggenak laut paga wonogwe nogo inom, nogo perak, Inenggela'me at Tile wuppi wagaarak nogo nen, An ne mbereeluk logonuk, nenggaawak lek arigin kagi, mba'nuk, Anini nen aakumi lale-pale eerogo piyaakit nduk, wambi nagaarak wonage me, inabuwa o,” yinuk, ari kagarak.

Wayu 14:3

Konengge nagarik, at wone lengganogo yorage menggim menggerak eebe nogo inom, it aakumi nen iigulik mendek ineebe 4 nogo inom, ndi, it mbogut paga wonogwe inoweewi inom, wonogwe iigak, it ineebe seratus empat puluh empat ribu nogo nen inabu'me wanggeko logonet, ndawi ngget mendek wakwi iigirak. Ndi, ndawi wakwi iigirak nogo ti, it aakumi ugun nen mamumbunuk tiyaniyak abu meek o. Ata, at Ala nen, “It o nggween paga time logorak lek o,” yinuk, aap seratus empat puluh empat ribu inonggo mbaneegerak nogo nen mban tiyaniyak perak op me, tiyanggwi iigirak o.

Wayu 14:6

Ti iige nagarik, wonage me, malayikat alik ambi mbogut oolo taati wuga agan nage logonet, “Kit aakumi kinanebunu alitak lombok inom, kinoone alitak inom, kinagabolo alitak inom, yi aakumi ndi aakumi nggween paga monggotak abok aret wone lek ageelik obeelom mondok menggerak wone yokkirage yi, konenggo logonip o,”

Wayu 19:17

Kage nagarik, at malayikat ambi oonegen paga mi'ndak logonet, yi towe ndi towe o oolo yime wuga agan nugu menggaarak nogo yorage logonet, “It aap inendagembogut inom, aap wim eeka inoweewi inom, aap waka'ngget inom, kuda inom, it kuda amborowak paga kwi'na'nuk wim namburi nogo menggaarak inom, aap inendage warak inendage lek inom, aakumi inayeloman mini inom, aakumi weelek mendek inom, yi aakumi ndi aakumi abok aret Ala nen inoorogo punuk, kinake pipuk eerogo pegerak me, Inenggaanggum namunggup nduk, kuwak eeri wogo logonip o,” yinuk, yorage kagarak o.

Wayu 3:10

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga, it an napuri ti, inoba arukwak, an nen ndegeninake logogin o.

Wayu 8:2

it malayikat ineebe 7 Ala abu'me mi'ndak menggaarak nogo oone nggwok eeka trompet 7 wogorage kagarak.

Wayu 9:1

Konengge nagarik, wonage me, malayikat ineebe 4 oone nggwok eeka inarompet nogo oone eeko mbaka, ti'nuk, at ambi nen arompet eeke kagak, laaluguragan ambi mbogut paga nen nggween paga wambi wage kagarak. Wambi wagaarak nogo nen Kambunuk Nogo Menggam mbuun ambena ogu kiiniki paga lombok tu paaruwak nduk, kunci wogoge kagarak o.

Wayu 9:12

“Inabuwa o, yinuk, ne kenagan paga ari konenggendak nogo ti, ambi wurin nen muk eeke kagandak nogo aret kwe, mbere ti awo eeka'lek me, kenegen logot o,” yinuk, yo'nege kagarak.