Wayu 8:12 - Ala Wone Peenok Peebi Mbanak

¹² Malayikat kenagan oone nggwok eeka inarompet nogo, oone eeko mbaka, at ambi nen arompet oone eeke kagak, oonegen eya inom, tut eya inom, laaluguragan eya inom, abeenok mogonogo sepertiga nogo, abinak lek eerogo pege kenok, o liingge nogo eya mbuuluk age, ndi, oonikiya kenok, o abu apit age, eeke logowak nduk, oonegen eya inom, tut eya inom, laaluguragan eya inom, ando mogonogo teppege logonet, ando sepertiga nogo, abinak lek age kagarak.

Wayu 8:12 ပူးပေါင်းရင်းမြစ်များ

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 24:23

At Omaawi Lombok Menggerak Aliku ALA o kota Yerutalem puut Tiyon logonet, Endagembogut a'nuk wone lengganogo yorage, Aakumi at apuri inoweewi nen at abinak kwindagala aago logonet eerit nage inigen kaawak nduk eeke, Eeke kenok, Tut nogo nen, “Nabinak mbuuluk me nagabiti o,” ari, Ndi, mo nen, “An nenggali aga o,” yinuk, ari, Eerugun o.

Yeremiya 4:23

An nen o nggween yi pekkage logonet, Owak mbanak naalop-kaalop aago wonage kage, Mbogut paga nikkage logonet, o eya eeka lek aret kage,

Yowen 2:10

It unggwi nogwe iigak, nggween ndipuk eeke, Mbogut nuk-nuk eeke, Oonegen inom, tut inom, yumaak eerogo pege, Laaluguragan abinak eeke menggerak nogo lek age, Eeke agaarik o.

Yowen 2:31

An kinogoba Naliku Ala woroorak eyom pi wa'nakwi, Aakumi inamineeri ne agan nage, Eekwi iigak, Oonegen apit age, tut inamiya negen age, eerigin o.

Yowen 3:15

Oonegen inom, tut inom, abinak lek age, Laaluguragan abok aret inabi'nak nogo lek age, Eerigin o.

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Marakut 13:24

Wone ambinom yorage logonet, “Ti eyom paga aaninggin-paaninggin eeppinagago mbaremengga, Oonegen apit age, tut abinak lek age,

Marakut 15:33

Enggali wappogo mbareegwa, o liingge oonegen 12 kuli paga nen nok, oonegen 3 kuli ari nage kagak, yi awi ndi awi time o apit aago wonagagerak.

Lukat 21:25

Yorage nagagerik, ambinom yorage logonet, “Kineenu arubagip nduk, oonegen inom, tut inom, laaluguragan inom, ti abu alik tam warak negen eeke kaamunggup o. Ndi, o nggween paga yime yi yenggenak oonebu ari logonet, mondok kilaarak-mogonik eeke kenok, it aakumi inanebunu lombok abok aret, Yi nonggop eerit wage iya! yinuk, iniki abu ma'narugun o.

Nappiigak 2:20

An kinogoba Ala woroorak eyom pi wa'nakwi, Namendek li'luk ee'nuk wage neenok, Ia! yinuk, tiyappanugwi, Eekwi iigak, Oonegen apit age, tut inamiya negen age, eerigin o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Wayu 12:4

At waalo nogo age paga laaluguragan mbogut paga wonage nogo ando iigak, ando sepertiga nogo pelenogo nggween paga mbo wuppit wage kagarak. Kage nagarik, waalo nggwok nogo nen, “Kwe nogo aagaluk ndake kenok, naakit o,” yinuk, kwe nogo owagam enaarak wonage kagak,

Wayu 16:10

Ndi, it malayikat ineebe 4 nogo nen Ala anini inarologowa'na toolak nogo aakumi inoba kilirogo wuppogo mbaka, ambi nen arologowa'na nogo nggeewo negen wone lengganogo yorage menggim nogome kilirogo wuppege kagarak. Wuppege kage nagarik, nenegen neegak, nggeewo nogo wone lengganogo yorage menggim time o apit age mbaki, at abu'me logonet, oone waganggo menggaarak nogo, kugi andi aganake, inawin maaluget inoba nik ari, eeginakerak nogo, andi nen ineyak nggilik maako logonet, “Ninomaluk mbo puwi o,” yinuk, mbo puurak op aret kwe, kagak, inomaluk iniki kundugu patogo logonet, Ala endage miyuk-meya eerogo pugwi iigirak.

Wayu 6:12

Ti'nuk, Ndomba Aagaluk nogo nen keele 5 maarak piingge nagaarik, ambi maarak nogo piingge mbaki, o mi nggwok nuk ari, kibiyan kiik worako mengga kwak oonegen apit age, tut aakumi inamiya negen age,

Wayu 9:15

it malayikat ineebe 4 nogo nen tahun ti paga, tut ti paga, ne ti paga, oonegen ti paga, mondok ndak-ndak ari nage kenok, aakumi ando mogonogo teppiigo logonet, ando sepertiga nogo inoorit nogo logowak nduk, pipuk eerogo piyareegerak nogo aret inoorit nogo logowak nduk, piinogo teppiige kagarak.

Wayu 9:18

Inambeme nen wundi wagaarak nogo paga nen, kugilengga ndi wurogo pit nagaarak me, aakumi ando mogonogo teppiige logonet, ando sepertiga nogo kugi andi nen mondok kambit nogwe iigirak.