Wayu 8:11 - Ala Wone Peenok Peebi Mbanak

¹¹ Laaluguragan nogo ti, endage Aleegwi aret me, niyo eneeri-eneeri ando mogonogo sepertiga nogo ale eerogo pit nagaarak me, aakumi nonggo nagaarik, kambit nogwe iigirak o.

Wayu 8:11 ပူးပေါင်းရင်းမြစ်များ

Wundeegwaarak 15:23

o Mara time unggwi wogo nogogwaarik, niyo ambi kogogwaarak kwe, ale ambik me, noorak meek kogogwaarak. Niyo ti ale ambik kenok, o ti endage Mara aret yogo nogogwaarak.

Kini Wuppiige 5:4

Irip paga wam ambiki ale negen age, Paloowi abeenok-abeenok ngget maarak pogom wonage, Eeke menggerak o.

Yeremiya 23:15

Togop me, at Omaawi Lombok Menggerak Aliku ALA nen yorage kagak yoraga eeriyak yegerak yi aret. “It an noone yoraga negen eekko'nok it Yerutalem mendek yorogwe paga noone liippunuk, Eeriyak ineebi mbaka nogo mendek o yime abok aret wigak yegerak me, It aap ti, inambi ale mendek nawak nduk, wogorage, Niyo kambuurak mendek inom nenggelak-kenggelak eeppunuk nawak nduk, wogorage, Eerigin,” yegerak o.

Yeremiya 9:15

Togop me, at Omaawi Lombok Menggerak Iterali inogoba Aliku Ala nen eeriyak, yegerak nogo yi aret. “An nen it aakumi yi, eyo anggen ale mendek mban nunggwi, niyo kambuurak mendek mban nunggwi, eeko logowak nduk, wogorage neyaamunggun o.

Leendawi 3:19

An yagan wake, ya agak nda agak nege, ale mendek nengge, wam ambiki kwak nengge, Eeke nagagirak nogo niniki aberak aret agarik o.

Leendawi 3:5

O tebenogo pi ungguwok nduk wanggeppunuk, nda'nggi pogo mengga kwak, at nen aaninggin-paaninggin noba kwippanege, Niniki andi lombok eerogo panege,

Amot 5:7

Eekaatak a'me nggelok eeppiigwi nogo abut laganogo ale-pale eerogo piigwi, Obeelom eeppiinet nugwi wone nogo tek eerogo mbo pugwi, Eekwi kit yi, ao!

Amot 6:12

Kuda puut-puut yugum paga mbe agan nogwe, Lembu nen yugum anggen nggininik paga nggween amok mbanogo pugwi, Eeriyak op mbakop? Lek kwe, kit nen eekaatak a'me nggelok eeppiinet nugwi nogo mbo punuk, obaane'me kanggo menggaarak mendek eeppiinet nugwi, Ndi, obeelom eeppiinet nugu logorak anggen yuurak nogo obaane'me ale-pale eerogo piinet nugwi, Eekotak o.

Takariya 13:8

Aliku ALA nen ari logonet, “Inoorogo piinet nage logonet, o yime abok aret nandomba ineebe kenagan wonogwe iinok, Mbere inooriminggirak kanggwi, ambi teppege, eerit nage logogin o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Pelaareegerak 29:18

Togop aret me, kit kinenggela'me yime aap inom, kumi inom, kinaaganapuri inom, kinanebunu mendek inom, it iniki nen o yogondak yi paga at Aliku kinogoba Ala kinambokan monogo mbo punuk, yi aakumi ndi aakumi inagugi Ala obaane'me alut eekwi me, kinom eeri noorak mage o. Ti eeriyak nogo ti, iri'ngga ale mendek nunggwi iinok kanggwi nogo mendek yarak kokwak aret me, kit eeriyak mage o.

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

Wayu 12:4

At waalo nogo age paga laaluguragan mbogut paga wonage nogo ando iigak, ando sepertiga nogo pelenogo nggween paga mbo wuppit wage kagarak. Kage nagarik, waalo nggwok nogo nen, “Kwe nogo aagaluk ndake kenok, naakit o,” yinuk, kwe nogo owagam enaarak wonage kagak,

Wayu 8:7

Oone nggwok eeka trompet porogo wonogwe nogo, ambi aa'nduk arompet oone eeke mbaki, mayu kumulinggen inom, kani inom, amiya inom, nenggelak-kenggelak eerogo punuk, o nggween paga mbo wuppit wage mbaki, nggween inom, eyo inom, ando mogonogo teppunuk, ando mogonogo sepertiga nogo kani nengge logonet, iri'ngga-kale'ngga ki wonage nogo tigitogon nenet nage kagarak.

Wayu 9:15

it malayikat ineebe 4 nogo nen tahun ti paga, tut ti paga, ne ti paga, oonegen ti paga, mondok ndak-ndak ari nage kenok, aakumi ando mogonogo teppiigo logonet, ando sepertiga nogo inoorit nogo logowak nduk, pipuk eerogo piyareegerak nogo aret inoorit nogo logowak nduk, piinogo teppiige kagarak.

Wayu 9:18

Inambeme nen wundi wagaarak nogo paga nen, kugilengga ndi wurogo pit nagaarak me, aakumi ando mogonogo teppiige logonet, ando sepertiga nogo kugi andi nen mondok kambit nogwe iigirak.

Urut 1:20

Yereegwaarak kwe, at nen it yorage logonet, “At Omaawi Lombok Menggerak nogo nen ale-pale eerogo panegerak me, an nendage Nawomi ti, yo'nirugup o. Nendage, Ale-Pale Aago, aret yo'ninip o.