Wayu 7:16 - Ala Wone Peenok Peebi Mbanak

^16-17 Ndi, wone lengganogo yorage menggim oolo lombok menggerak Ndomba Aagaluk nogo nen ineebe liirogon aret ndegeninake, Ineenik mondok logowak nduk, niyo eneeri abe mili me piya nage, Eerigin me, Mbi abu aganake, niyo abu aganake, mo andi inooke, o aganggen nen ndeyak eerogo piige, Eerigin mondok lek o. It le yogwe iinok, Ala nen aret inale amburu lek eerogo piyamenggerak logogun o,” yinuk, yo'nege kagarak.

Wayu 7:16 ပူးပေါင်းရင်းမြစ်များ

Ndawi 121:5

At Aliku ALA nen kinarum wonage, Eyo abu'me ngguna'me mengga kwak, Aliku ALA togop aret eeppinagage, Eeke me,

Ndawi 121:6

O liingge mo andi nen andi eekkinake, Oonikiya paga tut nen maluk eeppinagage, Eerigin lek o.

Ndawi 143:6

Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Ndawi 42:2

Niyo abu ee'ninake menggi kwak, Kat mondok-mondok keenik menggendak Ala, “Ao,” lombok kombake minggirak me, “Kat wonage me mandenom keya woroorak?” mbake agarik o.

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Ndawi Iya 1:6

An neebe mili me, ndi, Mo eyak nen neebe mili eerogo panegerak me, Kinigen malik-malok ee'nakwi ti mage o. An nawurilogwe-nowewologwe nen an mbe'nugu logonet, Anggur awi yarak me arum logokit nduk nappanegaarak kagak, Arum logonet, an neyabu anggur yarak me arum wonaga'lek eraangge mbo pigirak o.

Yetaya 25:4

Aakumi it nen eekkoloorak meek mendek nogo ineebe op logowak nduk, inarum wonage, It aap ineenggi lek mendek nen, “Nonggop eeruwi?” yinuk, lin wakwi nogo kat nen ndegeninake, Eekendak o. It aap iniki worokot linik inanini ti, O mayu woroorak eeke logonet, wiya omaawi wake menggi kwak, O karume mo tele-tele ari menggi kwak, Togop aret menggaarak me, O mayu nen inooke kero, ooliya wurik kwak eerogo piige, Mo andi inooke kero, ngguna'me eerogo piige, Eekendak o. It aap inambik inoone ya-kwa agan nugwi nogo inoone lek eerogo piige, Mo andi keket ari me, ndugwi lamunogo pege menggi kwak, It iniki worokot linik logonet, inale'nggen nen ndawi warit nugwi nogo inoone mbanogo piige, Eeke menggendak o.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Yetaya 65:13

Togop aret me, Aliku Itok Menggerak ALA nen wone yoragaarak nogo yi aret o. “It an nayeloman mini inambi nonggo logogun kwe, it perak, inambi nengga'lek abu aret wonogwe, Nayeloman mini inagi nonggo logogun kwe, it perak, inagi nengga'lek yi abu mban wonogwe, It an nayeloman mini inale'nggen mban mbako logogun kwe, it perak, inenggali mbakak nugwi,

Yunut 4:8

Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.

Matiyut 13:21

wone nogo ti, inikime omanggen yaka'lek me, ne ambit logonuk, wone waganggwi nogo paga aaninggin-paaninggin eerogo piigwi, piyak-payak eeginakwi, eekwi iinok, Wone yi nineebi o, yinuk, mbo pugwi nogo aret o.

Matiyut 13:6

omanggen yaka'lek kagak, mo nen teebat age nagagerik, mbuk agagerak.

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Marakut 4:17

inikime omanggen yaka'lek me, ne ambit logonuk, wone waganggwi nogo paga inoba aaninggin-paaninggin eerogo piigwi, piyak-payak eeginakwi, eekwi iinok, Wone yi, nineebi o, yinuk, mbo pogo menggaarak nogo aret o.

Marakut 4:6

omanggen yaka'lek kagak, mo nen teebat age nagagerik, mbuk agagerak.

Lukat 1:53

It abu wonogwe nogo abe mendek kalo logonogo wogorage, It aap ineenggi warak nogo wogoraga'lek we nappiige, Eereegerak o.

Lukat 6:21

Kit yogondak abu wonogwe yi, ndonggoppinagarak me, kiniki ale'nggen mbako logonip o. Kit yogondak le yogwe yi, i'ndok kambuurak eekkinabigin me, kiniki ale'nggen mbako logonip o.

Yaya 4:14

niyo an nen wogoraminggirak nunggwi iinok perak, abu eeginabigin mondok lek o. Niyo an nen wogoraminggirak nogo, eneeri inikime nen kila-kila wungge logonet, mondok-mondok ineenik eeginake logogin o.”

Wayu 21:4

Mbogut-nggween aa'nduk ogobakkigirik nogo paga logonet, iniki aaninggin kogo nogogwaarak nogo, lek agaarak me, ngget ogobakkigirik nogo paga inogoba Ala inom logonet, inale amburu mbanogo piyamenggerak me, kanggwi, tabun ndoombunuk le yogwe, iniki wakkologwe, andi kogwe, eeko logogun abu lek o,” yinuk, ari naruk konenggirak.