Wayu 6:2 - Ala Wone Peenok Peebi Mbanak

² nenegen neegak, kuda eeruwak yanggwi lombok me, amborowak paga aap ambi kwi'ndak eegin eenggime wage mbaki, “Aakumi tebembiya nak o,” yinuk, nggare-nggare ambi yippunuk, nappege mbaki, tebenogo piinet nage kagarak.

Wayu 6:2 ပူးပေါင်းရင်းမြစ်များ

Ndawi 110:2

Aliku ALA nen kambim obate mbanak nogo o Tiyon nen Yi o ndi o kawim wonogwe me titik eerogo nappege,

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 98:1

At Aliku ALA nen Yi eekak ndi eekak iya tit eerit nage logonet, At eenggi abe'nggan omaawi paga, At eenggi abu woloonak paga, Eegin tiyak yegerak me, Ndawi ngget at anep pugu wako logonip o.

Yetaya 25:8

Ndi, kanggwi alom nogo mondok lek eerogo pege, Eerigin o. Naliku Itok Minggirak an ALA nen aakumi abok inale amburu mbanogo piige, It at apuri o nggween paga yi awi ndi awi wonogwe inendage maluk eerogo piigwi nogo lek eerogo piige, Eerigin o,” yinuk, Aliku ALA nen aret yegerak o.

Takariya 1:8

Ne ambi oonikiya nabinggaanggo paga kage logonet, aap ambi kuda maangga kunik amborowak paga kwi'ndak eyo nggonggoondu kunik me alu'me time mi'ndak wonage kagak, ambokan yi kuda ndi kuda ando maangga kunik, ando maangga amu kunik, ando yanggwi kunik, eerak wonogwe iigirak o.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 11:18

Yi aakumi ndi aakumi abok inanini kombako logonet, At ninowe endagembogut logorak nineebi o, yinuk, agan nogwe nogo, Kanini inoba piige, it kambit nogogwaarak nogo inawone amburu mbanogo inowak loonogo piige, It kayeloman mini yorage keegak yoraga inom, kapuri kake leenak nogo inom, it kayuk wuko menggaarak inom, inendage lek inendage warak abok aret obeelom eekwi iinok onggo wogorage, Ndi, it o nggween paga time maluk eerogo pugwi nogo pup eerogo piige, Eeriyak eyom abu panggo yi wagaarak me, wa,” yinuk, yogwi iigirak.

Wayu 14:14

Wone ari nogo naruk konengge nagarik, wonage me, aakumi inetenggen pogom ambi nggare-nggare mendaarak mbuti emas mendek anobak paga yirik, ndi, paloowi ena yomonak ngget ambik eenggime porogo logonet, ndugwi abinak lan ari nogo paga kwi'ndak wonage nenegen kagarak.

Wayu 15:2

Iige nagarik, yilaa'nggun nggwok yenggenak negen kwe, etenggen pugagi pindan-pindan eeke enggela'me nen kani omoonuk wungge kagarak. Kage nagarik, wonage me, nggeewo aa'nduk lagi wagaarak nogo nen, “Kit an noone waganggwi, an nogut wakkagak ogobakkigirik nogo alut eekwi, ndi, an nendage kinenggaawak paga liiru mbanak nogo wonok nugwi, eeko logonip o,” yinuk, yoragaarak kwe, “Nit kat koone woorak mondok lek o,” yinuk, oone taganogo mbo pogo mbaka, Ala tiyappiigerak nogo nen yilaa'nggun nggwok yenggenak etenggen pugagi pogom nogo aa'nggi paga nggitat nggwok Ala nen wogoragaarak ineenggime porogo mi'ndak wonogwe iigirak. Iige nagarik, wonage me, nggitat nogo oone eekwi,

Wayu 17:14

Ndomba Aagaluk nogo tebenogo puwok nduk, inom wim nggagambunuk namburit namenggaarak kwe, Ndomba Aagaluk nogo ti, aakumi inoweewi inowe inom, ndi, yi aap ndi aap inendagembogut inowe endagembogut inom, ti, at alik aret me, apuri miirinake nagagerik, yonggo piyareegerak inom liirogon eerit nogwe nogo, inom wunggo logonet, nggeewo awuri inom tebenogo piyaagin o,” yinuk, yo'nege kagarak.

Wayu 19:14

it yigin unde mbogut paga wonogwe nogo abok aret inayum abe yawenak kikak naka'lek abu laambu yanggwi negen yirik logonet, inalitik-inalitak kuda ineeruwak yanggwi negen inamborowak paga kwi'na'nuk, inom nogwe iigirak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

Wayu 9:7

Ndi, wurin nogo ti, inetenggen aap kokwak kwe, ineeruwak ti, kumi ineeruwak laanak nogo pogom, ndi, ineyak ti, nggeewo singa eyak nogo pogom, wonogwe iigirak. Ndi, kuda amborowak paga kwi'na'nuk wim namburuwok nduk, li'luk eerogo piigo mengga kwak, it wurin ineebe nogo ti, togop aret li'luk eerogo piige logonet, nggare-nggare mbuti emas paga ogobakkigirik inom, tin mbuti omanggen paga yarak inom, yirippiinok, wim namburuwok nduk, kuda nggweendo paga mbarembunuk, niikkenok wim endok kuni unggwogo logonet, kuda ineebe apit me iniyogobit oonembogu nogwe konenggo mengga kwak, wurin nogo wuga agan nogo logonet, ina'naabit oone ti, togop aret agan nogwe iigirak o.